السلام عليكم ورحمة الله وبركاته
غادي يجيو عندي الضياف ابغيت ندير الدجاج ايكون لذيذ.الله يخليكم عطيوني شي وصفة.ا قتارحو عليا شنو ندير معاه.الله يخليكم جاوبوني
3awnouni allah ykhalikom
المقادير
الدجاج حسب رغبة
بصلات مشلضين
الزيت
بسيبيسة
قعقلة
ملح
بزار
سكنجبير
زعفران حر،وزعفران عادي ملون
معلقة صغيرة ديال السمن
البابةديال حامضة مرقدة مقطعة رقيقة
شوية قزبور ومعدنوس مطحونين
الماءلغنمرقوا بيه الدجاجة
الزيت لقلي الدجاج او دهنيه بالزبدة ويدخل للفرن
لتزين لكي الاختيار كل اخت واش تيعجبها
الحامض
لهريسة
زيتون
الطريقة
ناخد كل المقادير لدكرنا ونخلطوها جيدا من بعد نشرملوا بيها الدجاج من الداخل مزيان ونأخد قليل زعفران الملون وندهنوا بيه الدجاج من الجلدة نتاعوا اي من الخارج ونخليوه يشرب الشرمولة لبعض ساعات
نأخد طنجرة عادية ونوضع فيها الدجاج ويكون على الصدر ديالوا ونضيف التشرمولة لبقات ونزيد عليها الماء الكافي لطهي ونخليه يطيب على المهل باش ميتهرش ومن تحسي بيه طاب قلبيه بقطيب اي سفود وتكي به الدجاجة إلا مخرش منها الماء راها طابت نحيدوه من الطنجرة ونخليوه في الجانب حتي يبرد
من بعد ناخد قشاوش ديال الدجاج ونضيفهم على المرق ونخليهم يطبوا حتي تلبى المرقة
نأخد الطنجرة ونوضعوا الزيت فوق النار ونخليوه حتي يسخن مزيان ونرمي الدجاج فيه ونقلبوه فالتحمار من كل الجوانب
ولا بغيتوا بالزبدة دهني الدجاج ودخليه للفرن حتي تيحمر
ونقدموه بالصحة والراحة وغير قبلوا عليا
المقادير
2 دجاجة حجم متوسط 1 كلغ او نصف او 2 كيلو
حامض مرقد + حامض خضر
زيتون الاحمر
كاس زيت مائدة مخلط مع كاس زيت زيتون
شوي سمن+ شوي زبدة
زعفران شعرة +حرقوم+حرقوم د العبار+الثوم
ملح+ابزار+سكنجبير+كمون
نصف كيلو د البصل او 2 حبات كبار مبشورين اولا مقطعين صغير(باش اخترو لاصوص)
قزبر معدنوس+اختياري قبصة د القرفة تعطي نسمة والريحة زوينة ويمكن لك تستغني عنها)
الطريقة
خذي الدجاج
وحكيه بالملح والحامض الاخضر ودعكيه مزيان بيه من بعد غسليه مزيان
حتى تخلصي من كامل الحامض والملحة وحطيه ف الشبكة وجيبي شي اناء غارق وخذي
القزبر ومعدنوس قطعيهوم والثوم حكيها وقطعي شوية ديال حامض مصيريكون رقيق
وحكي عليهم بصلة صغيرة وخذي دجاج دعكيع مزيان بهاد الشرمولة من داخل وبرا
ومن تحت الجلدة وحطيه ف نفس الاناء وبيتيه حتى الغد ليه بش اترقد مزيان
الغد ليه خذي الطنجرة ديالك وكبي فيها كاس الزيت المخلط وشوية سمن والقناص والكبدة
اللي تكوني قطعتيهم من قبل وضيفي شوية قرفة الى حبيتي
وقزبر ومعدنوس مقطعين وثوم محكوك وباقي الاقوام ما تكثري الملح حيت الحامض مصير
فيه وحطي الدجاج ديالك اتقلي شوية مع القوام من بعد ضيفي البصلة محكوكة او مقطعة
صغيرة وقلبي والعافية تكون مويان ماتزيديش ليها بزاف او تنقصي بزاف متوسط
وخلي داك البصل ادبل شوي واطلق الماء ديالو حركي كلشي واضيفي الماء حتي تقريبا غطا
غطا الدجاج وخلي كلشي اطيب على راحتو بعافية متوسطة حتى تفوت مدة دخلي السكين
ف صدر الدجاج الى فات بسهولة راه طاب الى لا باقي خليه اطيب من بعد ماطاب
هزي دجاج حطيه ف طينيه مدهونة بالزبدة اللي ادخل الفران ودهني مزيان بالزبدة
ودخليه اتحمر وجلسي حدا الفران عينيك عليك لا يتحرق ههههههه كلا شوية طلي
وقلبي حتى تحمر كلها كيف بغيتيها تكون اوا صيري للطنجرة وضيفي عليها الزيتون المقطع
طرنش والحامض المصير المقطع صغير وما تكثري منو وخليي المرق اتشرب ويختر
على نار مهيلة وقدميه بالصحة والراحة مع سلاطة الخضار المشكلة اولا اللي حبيتي
المهم ما ديري الدجاج اتحمر حتى تبغي تقدميه بش اكون سخون ولذيذ وما ينشف
او بالصحة و الراحة