3andi mochkil m3a banti mabghatch tarda3li bazola kindir ohiya baki 3andha chahrin
3andi mochkil m3a banti
يختي و الله ماعندي فكرة هكاك دار لولدي الله يهديها لك أختي
أختي إذا راكي تعطيها البيبرون ، كوني أكييييدة ماغاديش تبقا حتى تشدهالك أصلا ، أنا بنتي كانت ترضع ماشاء الله مزييييان ، غييييير عطيتها البيبرون ماكاملاش حتى أسبوع كرهتها ، مابقاتش تحملها ، غير نديرها حدا فمها تبقا تججججبد وتبكيييييي ، دابا ديريلها شوية العسل في الراس ديالك وعطيها على الله تشدها ، وإذا راكي تعطها البيبرون غير قطعيه ، وخليها تجيوع مزيان وعطيها ، وغادي تولفها عاود
اه اختي غير حاولي حتى بنت عمي عطات الولدها الببرون ونفر ليها البزولة خلاتو تلاتة ايام تيبكي يغوت وتحاول تعطيه ووالو حتى استسلمت ولكن متستسلميش حاولي معاها
وبزاف اختي على 3 ايام وهو يغوت وعطاتو بزاف تاني مالو حليب لفرصضيان حرام غ كنزيدو فيه اختي غ حاولي معها متخليها ش بالجوع اعطيها لبيبرون غ مني يكون فيها جوع وتبكي اعطيها لبزولة او مني تبغي لبيبرون خشيه في فمها وحيديها وتبعيه بالبيبرون انا بنتي هكدا كانت دير لي ايام الرضاعة دابا مفياش الحليب بزاف كنعطيها البيبرون حتى هو خاصك تولفيه ليها ومن الافضل تولفهم بجوج
انا اختي عندي ليك حل جيبي مصاصة مصي حليبك و عطيها فالرضاعة عاااافاك اختي متستسلمييييش راه حليب الام مكييييييييييييييينش فحالو انا بنتي عاد كملات شهرين الحمد لله كون جيت نعاود ليك ما داز على بزازلي مور الولادة كون لحمك شوك انا راه كنت كنمصهم بالمصاصة و كنبكي و حاشاك كيخرج القيح منهم كينزل فالرضاعة اللي لاصقة فالمصاصة و نوض بدموعي نعقمها و نعاود نحاول و نعطيها ديك الجغيمة و لكين انا ماشي نفراتها ليا غي ما كنتش نقدر نعطيها بزولة بالالم كنت كنقول لماما قتلوني و متقولوش ليا رضعيها ديريكت و كانت مسيكينة تبكي بالجوع ضطريت نعاونها بالصناعي و جبت احسن نوع كين فالامارات و لكين حتى المصاصة كتوعععععت بزاااافف و لكين بقيت عليهم بالبوماد و الفاصمة معقمة مور كللل رضعة اللهم ليك الحمد دابة كترضع بنتي مختلط طبيعي و صناعي و كنكتر ليها الطبيعي الصناعي غير كمكمل الموهيم الحمد لله الله يجعلها مغفرة للدنوب براو ليا بفضل الله و الصبر و العناية متستسلميييش اختي راه غتندمي حليب الام = مناعة قوية و الله يخليها ليك و يخللي لينا وليداتنا جميع
ana khti bhalk ba9i tan9lb 3la hal lah ifhna nch wichde lina bzela .ana hadi ghir 11 bach wldt.wlf bibron fclinique dak 3 jrs.
جزاكم الله خيرا على هاد نصائح أو ربي يهدي جميع وليدتنا
يمنع كتابة المواضيع بالعرنسية