3afakom albnat jawboni rani khayfa

ana asmae mzawja hadi 9 chhor ohadi chhar drt test olhamdollah tla3 ijabi kant farha mais rani m3adba bzzaf karrad bzzaf o3yana odokha okanbghi ghinb9a na3sa makan9drch ntyab lrajli mskin otlaja katjini khanza ohta lhm odima skhfana jayni hadchi bhal ila bzzaf mais katgolia mama hadchi 3adi hta nkml 3 chohor 3ad nzor tbiba nchallah on9ast flwazn bzzaf nadlia lhbob okanbki dima 3afakom gololia wach hadchi 3adi khayfa nb9a haka onhsal flolada khayfa bzzaf

3afakom albnat jawboni rani khayfa t a g s f

ختي اولا الله يكمل عليك بالف خير
الاعراض اللي كتقولي عليها كلها عادية جدا وغادي تبدا تمشي تدريجيا
الخوف هو ان الجنين ما يوصلوش داكشي اللي محتاج لان هاد الفترة ديال 3 اشهر الاولى مهممممممممة فحياة الجنين فيها كيتكونو جميع الاعضاء ديالو
نصيحتي سيري عند الطبيبة بلا ما تسناي 3 اشهر باش على الاقل تكتب ليك فيتامينات او حديد و دوا ضد القيء و الله ينوضك على خير
التحقي بنا فهاد التجمع راكي فنفس مرحلة الحمل باش ما تبقايش بوحديك مخلوعة و توانسي معانا

https://www.anaqamaghribia.com/vb/sho…d.php?t=308195

السلام عليكم ورحمة الله وبركاته

احبيبة كاع ماتخافي راه دكشي لي جرا لي حتى انا بحالك تمااااااااااااااااااما

حتى كملت 4 شهور عاد مشا كلشي سبحان الله

متنحملش الكوزينة ولا ريحة الطياب ولا عندي شهية للماكلة جملة وحدة تناكل كلي ناشف : بيض مسلوق وسلاطة وفروماج وحليب وديسير وصافي لا لحم ولا دجاد ولا حوت ولا مرقة ولا كاع ريحة الطياب كيف ماكان .وغير تنعس ومقللللللللللللللللللللللللللللقة نفس الاعراض لي عندك راجلي مسكين ضاع بالجوع راكي عارفة الماكلة ديال الزنقة مشي بحال الدار

تندخل غير بالسيف وخلاص تندير خلوطة وصافي

ولكن دابا الحمد لله كلشي مشا وليت عادية غير صبري شوية ان شاء الله دابا يفوت كلشي بخير

لكن لالالالالالالازم فهد المدة لي هي 3 او 4 شهور تتابعي مع طبيبة باش تعطبيك فيتامينات لانها اهم فترة للبيبي جسديا وذهنيا انا اعطاتني بروميس وكالسيوم وقالت لي متخافيش ان شاء الله مع هدو انت والبيبي غتكونو بخير

الله اكمل فرحتك وفرحتنا جميع بكل خير ويفرح قلب كل محرومة

السلام عليكم ورحمة الله وبركاته
لغتنا هي لغة القرآن، نعتز ونفتخر بأبجديتنا، كتابة العربية بالأحرف اللاتينية تشوه جمالية المواضيع، وتفقد منتدانا هويته العربية عموما والمغربية خصوصا