كيدايرين الأنيقات ^^ نتمنى تكونو فأحسن الأحوال، كنت شريت من قبل پيزات بالكريم و عجبوني بزاف ولكن اليوم عاد زعمت وجربت والحمد لله صدقو فنيييين. العجينة اللي ستعملت هي عجينة العشر دقائق كيف العادة غير أنا كانزيد فيها الزعتر منين نكون نعجنها وكاتجي مذاقها زوين بزاف و الحشوة الأولى درتها بالكفتة و الفلفل الأحمر و الأخضر. و الثانية بالبطاطا مصلوقة دوائر والطون العادي بلا مانساو الزعتر والزيتون الأسود والموزاريلا. المهم غير كيما الوصفات العاديين ديال الپيزا، الاختلاف الوحيد هو (القشدة الطرية) لاكريم فريش فبلاصت صلصة الطماطم. و كانتبّلو القشدة غير بالملح و البزار ونسرحوها فوق العجينة، و نعمروها باش بغينا، هاهما الصور يوضحو كلشي. وحتى نتوما جربوهم راه كايجيو لذاااااااااااذ بزاف. بالصحة والراحة
پdj.hj fhgra]m hg’vdm
