يوم من ايامي الرمضانية بالصور

تبث في : 14/08/2019 من طرف : Romaysati السلام عليكم ورحمة الله ان شاء الله تكونو كاملات بالف خير حبيباتي واخا جات التهنئة بشهر الخير و الطاعات معطلة لكن كنتمنى ليكم رمضان مبارك كريم عليكم كاملات أعاده الله علينا و عليكم بالخيرات و اليمن والبركات و جعلنا و إياكم من العتقاء من النار وكــل عــام وأنتــم بخيــر حبيباتي هذا يوم من ايام رمضان ديال السنة الماضية كانو طلبو مني الاخوات نشارك بيه لكن متاحش لي الوقت لتحميلو و مكتابش نزلو الا هاد السنة سبحان الله ان شاء الله يكون فيه حاجة مفيدة ايامي ط§ظ„ط±ظ…ط¶ط§ظ†ظٹط© عادية جدا مكنديرش شيحاجة زايدة عن باقي ايام السنة من ناحية الشقا ديال الدار الا طبعا شعائر رمضان المبارك هي للي كتخلي اياموا مميزة عن باقي الايام كيف سبق و قلت كنفضل نجهز اغلب الاشياء للي غنحتاج من قبل باش نكسب الوقت و نقلل من الوقوف فالكويزينة فشهر الطاعات المعجنات كنجهزها ب15 يوم قبل رمضان (بطبوط ، محاشي، بريوات …) و كنكونجليها الخضر و الاعشاب كنقيها و نڭرضها حسب الاطباق لاش غنستعملها و كنحفظها فالثلاجة فالبلاستيك بطريقة سحب الهواء باش تبقى مزيانة و محافظة على منافعها اكبر مدة الديسيرات بحال الفلان و الڭلاص و السوربي و الموس و الحلويات ايضا كنجهزها مسبقا و نحفظها اما فالثلاجة او فالكونجيلاتور حتى من العجين ديال البيتزا و الفويتي و العشر دقائق كنجهزو مسبقا و نقسمو حسب الكميات للي بغيت و نجمدو و بهكا كنسهل عليها العمل و كنكسب وقت كثير فرمضان بدل منضيع ساعات فالمطبخ

d,l lk hdhld hgvlqhkdm fhgw,v

نبداو بإذن الله يومي الرمضاني كيبدا فالسحور قبل مننعس كنجبد البطبوط باش كنتسحرو من الكونجيلاتور و نخليه يديكونجلا لوقت السحور طبعا الماڭانة ديما عامرة باش تفيقني نوجد سحوري غير كتصوني كنوض نتوكل على الله نغسل وجهي (كيكون فيا النعآآآآس هههه ختكم نعاسة) و نمشي للكوزينة كنبدا اول شي بالماء نردو يغلى باش نعمر اتاي و نرد البيض يتسلق ( كنسلقو ميديوم يعني كيبقى الاصفر صفر فاقع من الداخل ماشي جاري انما شاد فراسو ) و كندير البطيبطات يسخنو فالمقلة (حالتها ) و نعمر اتاي بالنعناع ممم (باش ميجيناش العطش و ميضرناش الراس راه المغاربة معروفعليهم مدمنين ديال اتاي الى مشربناه يضرنا راسنا ) نجهز العصير و نخرج الفلان و الحليب من الثلاجة (سحورنا كيكون اساسو السوائل (اتاي ، حليب، عصير ، ماء ) و كنحط الطبلة دالسحور كيف كتشوفو بطبوط بالزيت العود و العسل ، بيض مسلوق مع مليحة و كويمينة ، اتاي منعنع، حليب ، عصير ،ماء ، فلان، جبن ، كاشير ، ديسير و الله يطعمنا و اياكم من الجنة بعد مكيترفع الاذان كنغسل سنيناتي نتوضى و نصلي و كنجمع الزبل حشاكم كنحطو فباب الدار باش مينساه مول الدار ملي يكون خارج فالصباح و نرجع ننعس حتى للثمنية

كنفيق نغسل وجهي و نجمع بيت النعاس و نخليها تتهوى ريان باقي فبلاد الاحلام ههه كنبدا بالكوزينة كنغسل ميعنات السحور و نردهم لبلاصهم و كنمسح الكويزينيير و نطرف الكوزينة و كندير دورة فباقي البيوت الصالون غير كنهويه مكيحتاج تطراف كل يوم كنطرف بين الجلوس و السيجور للي كيصبح مرون و كندور للطواليط و الدوش اعزكم الله كنغسلهم و نقيهم

و ها سي ريان فاق كنجهز ليه فطورو كل يوم حسب الموجود و نخليه يفطر على ما جمعت بيتو و دوزت فيها لاسپيراتور و خليتها تتهوى و طبعا كنضرب طلية مرة مرة فالنت و المنتدى (البليه) ملي كيفطر ريان كنجمع ميعنات فطورو نغسلهم و نطرفهم و كيمشي يلعب فبيتو و انا كندخل للكوزينة باش نجهز الطبق الرئيسي ديال الفطور و الشربة او السوب او الحسوة اليوم كانت حسوة الشعير بارڭان كل يوم و رزقو هذاك النهار كان ڭراتان الخضر و الكفتة و كندوزت الجفاف فالدار لما كيطيب طبق الفطور كنحيد منو الغذا ديال ريان لما كيأذن الظهر كنصلي و بعدها كنقرى للي تيسر لي من القران

حتى كتقرب الربعة ديال العشية كنلبس لريان حويجاتو ديال لاصال ونديه يتريني كنرجع نصلي العصر و نجلس نتكونيكتا و ندور فالنت و المنتدى حتى للخمسة كنمشي نجيب ريان من لاصال و ندوش ليه و نعطيه كاسكروط ديالو

ملي كيقرب وقت الافطار كندخل الكوزينة كنرد الحسوة تسخن و نطلقها بالحليب و نسمها بارڭان و كنجهز العصير و نخرج الفلون من التلاجة و نسخن الڭراتان و نجهز السلطة (كلشي مسلوق واجد مسبقا غير كنتبلها ) و ندريسي الطبلة لما كيقرب الاذان كنجهز كلشي فاطباق التقديم و نحطو فالطبلة لما كيأذن كنكسر صيامي بالتمر و الحليب و كنصلي و نجلسو نفطرو على خاطرنا حتى الافطار كيكون اساسو سوائل ( ماء ، حليب ،عصير، حسوة ، فلون) كنجمع الطبلة و نغسل الماعن و نجفف الكوزينة و نطرف كل حاجة فبلاصتها و كنجبد البطبوط من الكونجيلاتور للسحور باش مننساه و نمشي نصلي العشا و التراويح و ها وقت النعاس جا تصبحو على خير الحبيبات تقبل الله صيامكم و قيامكم و ضاعف اجوركم و ادام عليكم رمضان الخير اعوام عديدة باليمن و البركات و غفران الذنوب و العتق من النار كل ودي أمنار أم ريـَّـان amanarre

و اخيرا طليتي علينا والله حتى توحشتك بزاف على سلامتك او رمضان كريم شكرا حيت فتحتى لينا بيبان دارك الزينة لمتولة معرفتش كيفاش نتواصل معاك راني تنقلب ديما غير علا سميتك هي اللولى باش نتعلم منك راني تنستنى جديد او مائداتك الرمضانية عرفتي عجبني بيت النوم او طريقة تلماط ناموسية او مخاد كيفاش نقدر نفرش بحالك اختي امنار ايلا جات على خاطرك بغيت نعرف تفصيل اكتر على طريقتك في تجميد الخضر او نوعها و على الفلون للي فيه الحامض و الخضر المصلوقة شحال تتخليهافي الثلاجة هي او الفلون?! ,سمحي ليا غادي نكتر عليك , عجبني بيت النعاس المصنوع منfer forgé خصوصا لمخاد او لكوفر لي (لغطا) كيفاش نقد نفرش بحالك بان ليا نت للي مفصلاهم ما شرياهمش طالعين, او ناب ديال صالون ممكن صورة عن قرب, بقا لي غير اسم مادة للي تتنضف فورنو او فين نلقاها حيت ما بانتش ليا مزيان في احد مواضيعك المتولة. عنداك تردي عليا حتى الرمضان الجاي هههههههههه غير تنضحك معاك خدي وقتك ,ممكن نعرف فين تتسكني فكازا لنكونو جيران بغيت ليك الجنة قولي امين

المشاركة الأصلية كتبت بواسطة nahli5 و اخيرا طليتي علينا والله حتى توحشتك بزاف على سلامتك او رمضان كريم شكرا حيت فتحتى لينا بيبان دارك الزينة لمتولة معرفتش كيفاش نتواصل معاك راني تنقلب ديما غير علا سميتك هي اللولى باش نتعلم منك راني تنستنى جديد او مائداتك الرمضانية عرفتي عجبني بيت النوم او طريقة تلماط ناموسية او مخاد كيفاش نقدر نفرش بحالك اختي امنار ايلا جات على خاطرك بغيت نعرف تفصيل اكتر على طريقتك في تجميد الخضر او نوعها و على الفلون للي فيه الحامض و الخضر المصلوقة شحال تتخليهافي الثلاجة هي او الفلون?! ,سمحي ليا غادي نكتر عليك , عجبني بيت النعاس المصنوع منfer forgé خصوصا لمخاد او لكوفر لي (لغطا) كيفاش نقد نفرش بحالك بان ليا نت للي مفصلاهم ما شرياهمش طالعين, او ناب ديال صالون ممكن صورة عن قرب, بقا لي غير اسم مادة للي تتنضف فورنو او فين نلقاها حيت ما بانتش ليا مزيان في احد مواضيعك المتولة. عنداك تردي عليا حتى الرمضان الجاي هههههههههه غير تنضحك معاك خدي وقتك ,ممكن نعرف فين تتسكني فكازا لنكونو جيران بغيت ليك الجنة قولي امين الله يسلمك و يعافيك احبيبة فعلا كنت غائبة مدة هادي رمضان مبارك كريم عليكم كاملات يسول فيك الخير و الهنا العفوا احبيبة حنا هنا فتحنا قلوبنا لبعض ماشي غير بيوتنا و اناقة بيتنا جميع لله الحمد نفيد و نستفيد من بعضنا الله يوصلك لجوار النبي فالجنة احبيبة القلوب عند بعضها بالنسبة لبيت النعاس ففعلا انا للي خيطتو و حتى بيت الجلوس و اللحوف و الخاميات ديال الصالون ، كنحاول ندير الحاجة بيدي و نقص عليا مصاريف زايدة و كتكون على ذوقي بالنسبة للمادة المنظفة للي شفي فهاد المواضيع طريقتي لتنظيف ليفيي او المغسلة ديال الماعن و طريقتي في تنظيف الكويزينيير بدون ماء بالصور فاسمها بالتحديد هو : bi-javellisant راها متورفة فعدة ماركات عند الهري و المراكز التجارية الثمن ابتداأ من 10 او 13 درهم حسب الماركة و العبوة قلبي عليه فالمكان المخصص لمواد التنظيف راك غتلقا فيه عدة ماركات فاكس اجاكس و غيرها … بالنسبة للفلون الى عملتيه بالطريقة التقليدية بالبيض فممكن تحفظيه فالثلاجة مدة 3 الى 4 ايام اما الى عملتيه ببودرة الفلان سريعة التحضير فممكن تحفضيه مدة اطول ممكن تتجاوز الاسبوع اما بالنسبة للخضار تفضلي اختي هذا موضوع فيه طلبك ¨°o.O (طرق التجميد الصحيحة موضحة بالصور) O.o°" شخصيا مكنجمدش الخضار الا الجلبانة هي للي كنكونجلي لله الحمد باقي الخضار موجودة طيلة السنة فمكتكونش الحاجة لتجميدها لكن كنغسلها و نقيها و نشفها و نقطعها بالاشكال و الاحجام و الكميات للي غنحتاج فالاسبوع (للسلطة والطاجين و الڭراتان و غيرها … و بعدها كنديرها فالبلاستيك الغذائي و نحفظها فالثلاجة بطريقة السوڤيد Sous-vide و هي طرية كل يوم كنجبد الخضرة جاهزة نقية ومقطعة و مغسولة كيبقى لي غير نطيبها لما كنسلقها او كنبخرها كنحفظها مدة 2 ايام فالثلاجة ومن الافضل تبخريها كتبقى احسن فالمذاق و الشكل ان شاء الله نحاول نحط شي موضوع فهاد الخصوص الله يخلي ليك كل عزيز و غالي و يسمع منك اللهم امين

تبارك الله عليك اختي الله يعطيك الصحة ويخليليك وليدك و رمضان كريم

الله طيك الصحة ا حبييتي نهار منظم وفيه كلشي ( عبادة , شغال , اهتمام بالوليد الله يخليه ليك , فرفشة ) شغل متول و مدرووووووووووس و هاد الشي اللي اعجبني فيك يعني ما كتكونيش تالفة عارفة من الدقة الاولى اش غادي ديري وهاكا غنسميوك امراة متولة و حادكة 100% الله يسهل اومورك و يعطيك صحتك ا حبيبتي