يدي وكوزينتي الرايب بالخطوات المصورة

تم التثبيت في تاريخه
لطيفة 2

بسم الله الرحمن الرحيم
السلام عليكم ورحمة الله وبركاته انيقات
غنطرح ليكم داناب رائع جدا وصااادق بلا شكوووك هنا درتو ف كوزينة تاع ماما
على بركة الله غنحتاجو الى
لتر ماء بااارد
ولتر ماء مغلييييي راني مصورتو جيت خليتو كيتغلى
زلافة سكر
دانون فاني او لي بغيتو اي حسب النكهة لي حبيتو
و 2 ساجيات تاع نيدو الصغار
وفاني
**ملاحظة الى درتي دانون الفريز يمكن تعويض فاني ب سيرو الوردي شي 3 معالق**

خلطت الماء البارد مع نييدو

ودانون وفاني

وهنا تخلط
ولتر تاع الماء المغلى درتو ف كوكوط واضفت له سكر بعدما خرجتو من العافية

وداك الخليط تاع الماء البارد اضفته الى خليط الماء المغلى وخلطتو وسديت الكوكوط مع الصفارة وغطيتو وخليتو بلا تحريك من ليل حتى لصباح

وفي الصباح غتلقاو شاد راسو وخلطو بملعقة غتلقاااوه مختر جدا

المهم ديروه ف قراعي وخليوه ابرد
ويقدم بالصحة والعافية

راه كيجي خااااتر وثقييل ورااااائع جدا

وكيعجب لختي الصغييرة كطيرو فيساع

رعاكم الله

لا تنسونا من صالح دعائكم

---

d]d ,;,.dkjd hgvhdf fhgo’,hj hglw,vm

allah y3tik saha akhti

تسلم الايادي منى الله يعطيك الصحة

الله يعطيك الصحة غادي نجربو حيت كنحماق على الرايب

حتى انا كنحماق علا الرايب ياما شربتو فيامات المدرسة.شكرا على الوصفة الجميلة وجزاك الله خيرا.
عافاك الا جات علا خاطرك قولي لي شحال من جرام gramme تيكون فساشي ديال نيدو؟ حيت انا عندي القرعة كبيرة .وشكرا.

بسم الله الرحمن الرحيم
السلام عليكم ورحمة الله وبركاته
هههه والله امعرفت المهم هديك تاع 90 اولا 80 ريال اولا شحال كدير
عبري ب كاس العنبة ديري 2 كيسان ونص اولا كملي 3 كيسان
حيت عاوتو واحد المرة وعندي داك الطاس الكبير و عبرت 2 ونص كاس و اضفت شوية
منورة الغالية

بسم الله الرحمن الرحيم
السلام عليكم ورحمة الله وبركاته
بالصحة مسبقا الغالية
والله اخليلك صحيحتك
حياكم الله

بسم الله الرحمن الرحيم
السلام عليكم ورحمة الله وبركاته
الله يسلمو الغالية
شكرا لك

بسم الله الرحمن الرحيم
السلام عليكم ورحمة الله وبركاته
ربي يخليلك صحييحتك
شكرا لك

[QUOTE=monatibou;6180871]بسم الله الرحمن الرحيم
السلام عليكم ورحمة الله وبركاته
هههه والله امعرفت المهم هديك تاع 90 اولا 80 ريال اولا شحال كدير
عبري ب كاس العنبة ديري 2 كيسان ونص اولا كملي 3 كيسان
حيت عاوتو واحد المرة وعندي داك الطاس الكبير و عبرت 2 ونص كاس و اضفت شوية
منورة الغالية
شكرا حبيبة جوزيت خيرا.