يا بنات هذه قصة أحد النساء ،، شوفو كيف قدرة

اول ما اختي اتزوجت قعدت 6 شهور و ربي ما رزقها الحمل و بعدين قررت تتعالج ،، و اول شي بدأت بمستوصف عند البيت عند وحدة هندية و كل مرة تكتب لها على ابر و ما يصير حمل و قعدت معاها سنتين شهور ترتاح و شهور تكمل ،، المهم ما صار حمل ،، و جاء شعبان و قالت ابغى ارتاح من الابر لين بعد شوال يصير خير ،، و سبحان الله هي طول فترة شعبان و هي تشتكي تقول احس نفسي ضايق علي و تقول احس روحي بتطلع و عندها الم في بطنها ،، و احنا نقولها يمكن من الابر و يمكن و يمكن ،، المهم خامس يوم في رمضان ،، اغمى عليها فالبيت و ما قدرنا نحركها كأنها ميتة و الله العظيم كأنو ما فيها روح ،، أبويا راح و جاب الدكتور من المستوصف جنب البيت قال يمكن عندها الزائدة ، و اعطها ابرة و قال راح تفوق ،، واختي فاقت بس تتكلم كلام مو مفهوم و بعدين طاحت مرة ثانية و كانت الله يكرمكم تعمل على نفسها و انا و اختي ننظف لها و هي مو دارية ،، و انا اقول لأمي شكلها بتموت و جاء زوجها من الشغل هو و ابويا اخذوها على المستشفى قبل الفطور و دخلوها على الطوارئ و الدكتور قال لنا حمل خارج الرحم ،، و صار انفجار في الانبوب و نزيف داخلي لازم نعمل عملية ،، و دخلوها غرفة العمليات ،، و لما صحيت وعرفت الخبر صارت تببببببببببببكي ،، و تقول خلاص ما راح احمل مرة ثانية ،، و بعدها بدأت مرحلة العذاب في العلاجات ،، بعد ما اتحسنت حالتها راحت للدكتور قلها انو لما كان الحمل خارج الرحم صار انفجار في الانبوب واحد شيلناه و الثاني فيه التصاقات بسبب نزيف داخلي و كمان اكتشفو انو الرحم ذو قرنين ، و ما في حل الا تلقيح انابيب او مجهري ،، زوجها ما قصر معاها دفع كل اللي معاه علاجات و هي باعت ذهبها كله و عملت 6 عمليات تلقيح مجهري و كلها فشلت و كلها في مراكز الدكتور سمير عباس في جدة ،، عملية وحدة سواها الدكتور عماد و بعد ما سافر مصر الباقي كلها سواها الدكتور محمد عيد ،، و كلها فشلت و طبعا العمليات مو وراء بعض قعدت تسويها خلال عشر سنين ، يعني كملت 12 و نص و هي متزوجة و غير كده كل ما سمعت عن ممرخة او داية تروح لها و ما في فائدة و غير كده صارت الدورة ما تجيها الا كل 3 شهور و احيانا 4 على شكل خيوط دم ،، و بعدين شافت صحبتها اللي كانت تدرس معاها في المتوسطة صدفة في منتزه و طبعا فرحو في بعض لأنهم ما شافو بعض من ايام المتوسط و الكلام جر الكلام ،، وسألتها صحبتها عن الاطفال و عرفت حكاية اختي ،، و بعد فترة اتصلت على اختي و قالت لها انو في حرمة من جماعتها تمرخ و هي ممتازة روحي لها ،، المهم اختي قالت لي ايش رأيك انا وانتي نروح لاني انا اتزوجت و اتأخرت برضه 6 سنين ،، و قلت لها خلاص كلمي الحرمة و نروح مع بعض ،، اتوكلنا على الله و رحنا عند الحرمة ، هي مو كبيرة في السن يعني تجي في نهاية الأربعينات اول شي مرخت اختي و قالت لها انو رحمك مرفوع لمعدتك ،، و شافت صدرها و قالت انو في حليب ،، و مرخت لأختي و بعدين مرخت لها في صدرها و قالت كل يوم مرخي صدرك و اعطتها سفوف و قالت سوي ابر عسل من تحت ،، قبل الدورة بيومين بس ،، و بعدين جاء دوري و شافتني يا ط¨ظ†ط§طھ و اول ما مرختني صرخت يدها قوية قوية و مرررررررررررررررررررة تعور ما ادري كيف اختي اتحملت و اعطتني نفس السفوف و الابر المهم رجعنا البيت و ما قدرت امشي من قوة يدها الله يهديها خلت بطني كله اسود و الوان قوس قزح و اختي كمان بس هي من النوع الصبور و اشترينا السفوف من عندها الكيس ب 50 و الابر اشترينها من الصيدلية و العسل الكشميري ب 35 ريال و قسمناها بيننا ،، المهم اختي راحت لها مرة ثانية بس انا ما رحت خفت من يديها ،، و اختي بعد ما رجعت من الداية قررت تروح المركز الطبي الدولي اللي فيه الدكتور فواز ،، لأنها تبغى تسوي تلقيح المجهري بالليزر ،، و الفلوس من اخر ذهب عندها باعته ,, يعني املها الاخير بعد الله سبحانه و تعالى ،، واستنت الدورة تنزل عشان تروح للدكتور بس ما نزلت اصلا ما صارت تجيها الدورة الا كل 4 او 3 شهور ،، المهم قررت تروح للدكتور فواز عشان يعطيها دواء ينزل الدورة و تبدأ العلاج ،، وراحت للدكتور و طبعا الدكتور كشف عليها و قلها انو جدار الرحم سميك و راح اعطيك دواء ينزل الدورة و كمان رحمك مو قرني بس عندك جدار صغير في الرحم يمكن هو اللي مانع الحمل و ما يخلي البويضة تعشش وقت التلقيح المجهري و قلها وقفي حبوب هرمون الحليب ،، و قلها خلاص لما تجيك الدورة تعالي ،، و هي اخذت الحبوب 21 يوم و استنت اسبوعين ما نزلت الدورة ,, و جات تشاورني انا و امي طبعا انا لازم افتي فيها ههههه ،قلت لها خذي علبة ثانية و شوفي و اشترت علبة و اخذتها برضه 21 يوم برضه ما نزلت الدورة و قالت اكيد ما دام جدار الرحم سميك راح يسو لي عملية تنظيف و كانت بالمرة خاااااااااااااائفة ،، و امي تقول لها يمكن انتي حاااامل و هي عصبت عليها و قالت كيف احمل و انا ما عندي انابيب شكلي كبرت والدورة بدأت تقطع ،، و هي راحت و انا قلت لامي ليش تجيبي لها سيرة الحمل و تعصبيها ،، المهم اخذت موعد عند الدكتور ،، و في نفس اليوم اللي اخذت فيه الموعد كنت ابغى اكلمها بس ما حبيت اسمع صوتها و هي حزينة لانها كل ما تسوي العملية و ما تنجح تقعد تبكي ، قلت اكيد الدكتور قلها عملية تنظيف خليني استنى لبكرة و الصباح رباح ،، و في اليوم الثاني طلعت العصر عند امي و هي كانت هناك ،، اول ما دخلت لقيتها نائمة و قدامها كاسة شاهي ، قلت لها ايش قلك الدكتور و انا ما ابغى اشوف دمعتها ،، ابتسمت و قالت زي ما قالت امي ،، قلت لها انا وامي قلنا حاجات كثيرة ،، قالت اناااااااااااااااااااااااااااا ااا حاااااااااااااااااااااااامل ،، يا ط¨ظ†ط§طھ ما صدقت كنت راح اطير من الفرحة ،، تقول اول ما دخلت عند الدكتور قلت له اني اخذت الدواء و الدورة ما نزلت قلي لازم اسوي لك سونار مهبلي و تقول اول ما دخل السونار ،، اختي تقول شااااافت حاجة كبيرة و خافت تقول قلت في نفسي شكله سرطان او مصيبة جديدة ،، تقول سمعت الدكتور يقول للمرضة ريموف ريموف ،، يعني اسحبي السونار و تقول الدكتور يضحك يقول حمل و مستغرب انه الحمل ما شاء الله كان في بداية الشهر الثالث و كيف لما جات المرة اللي قبلها و شافها برضه سونار دااخلي و ما بان ،، و الحمدلله هي حااااااااااامل دحين بعد 12 سنة و نص و كلام الدكاترة كله ما جاء شي قدام ارادة رب العالمين ،، قالو لها ما عندك انبوب والثاني مسدود و رحمك قرني و نسيت اقولكم كمان قالو لها بطانة رحمك ضعيفة في مادة لزجة عشان تمسك فيه البويضة قليلة ،، و الحمدلله ربي رزقها بدون اي علاج ،، و الداية كانت بس سبب انا رحت واخذت نفس الاعشاب بس ما حملت ،، كل شي بارادة رب العالمين و دحين باقي لها شهر و نص و تولد ادعولها ربي يتمم لها على خير ،، تقول عمري ما كنت احلم اني راح احمل و كنت اقول كيف بعض الحريم اول ما ازواجهم يمسكوهم يحملو و استغرب بس ربي الحمدلله اعطاها و ارضاها ،، و هذه قصة اختي كتبتها عشان اتفاءل انا و انتم معاية و تعرفو انو ربي اللي رزق الدودة في الارض ما راح ينسانا ،،و كمان غير الكلام اللي كانت تسمعه بأذنها من الناس و يقولو لها انتي عقيمة حتى من اهل زوجها و ام زوجها و اخواته و حتى من اقارب امي ،، الحمدلله على كل شي الحمدلله كما ينبغى لجلال وجهه و عظيم سلطانه ، عقبالي و عقبالكم ان شاء الله ،،يا ط¨ظ†ط§طھ لا تنسو تقولو ما شاء الله تبارك الله ،،،