ا
02-03-2019 لسلام عليكم و رحمة الله تعالى و بركاته حبيت نشاركم اليوم بوصفة صحية من اختراعي. والمقادير على حسب الافراد 
هنا كنشحرو البصلة حتى دبال انا شحرتها بلا زيت وضفت عليها كفتة بدون شحم. 
عاد ضفت المطيشة محكوكة والعطىرية و المرددوش كيعطيها مداق رائع و مرقت. 
وضفت اللوبيا مونج تو . 
حتى طابت وضفت الروز وعاد الربيع و الكمون و زيت الزيتون ويقدم. 
كان فيا الجوع وقدمته بلاتزيين.
,wtm g]d]m fhgv,. hg;hlg , >>>>>>>
غادي نسرقو لك…. الله يعطيك الصحة. اختي شحال دلوقت فاش طاب انا عندي الروز الكامل ولكن يخسو الوقت بزاااف فطياب وشكرا لك على الوصفة الصحية
المشاركة الأصلية كتبت بواسطة omoyasser24 
غادي نسرقو لك…. الله يعطيك الصحة. اختي شحال دلوقت فاش طاب انا عندي الروز الكامل ولكن يخسو الوقت بزاااف فطياب وشكرا لك على الوصفة الصحية بصحتك أختي بالفرحات عليا تجربيها. انا الروز لي عندي ربع ساعة كيطيب غي قلي من لاصوص غي جهد لي يطيب لك الروز باش تجي ناشفة ولديدة.
تبارك الله عليك اختي وصفة صحية الله يعطيك الصحة تم الثتبيت مع التقييم
تبارك الله عليك كيشهي غير عفاك اشناهي اللوبيا مونغ تو
تبارك الله عليك اختي اكيد غنجربها
شكرا اكرام على الوصفة بطبيعة الحال نجربوها واش نقدرو نبدلو داك اللوبيا حيت معرفتش اشنو هيا باللوبيا عادية او جلبانة
تباارك الله عليك روز باين لذيذ تيشهي والاهم انهو صحي قولي ليا منين شريتي داك الروز وبشحاال حيت انا خديت روز بسمتي وكامل صراحة مذاقو محملتووووووووش
شكرًا على تشجيعاتكم أخواتي. وهادي هي صورة اللوبيا ورآها لذيذة غي زعمو عليها سبحان الله فيها حلاوة كتبنن الاكل. وممكن تعوض بل بيا العادية ولا الكوجيت والفلافل.