ثبت في 28/7/2019 بواسطة أم رزان
المقادير
-250 أو 300 غ كبدة د البكري
-1 بصلة
– 4 مطيشات
-3 فصوص ديال الثوم
-قزبور ز معدنوس
– ملح
– كامون
– تحميرة
– سودانية
الطريقة
نقطع الكبدة طريفات صغر و نغسلها
السلام عليكم يا حلوات. بلا ما نطول الهدرة. تفضلو المقادير و الطريقة.
المقادير
-250 أو 300 غ كبدة د البكري
-1 بصلة
– 4 مطيشات
-3 فصوص ديال الثوم
-قزبور ز معدنوس
– ملح
– كامون
– تحميرة
– سودانية
الطريقة
نقطع الكبدة طريفات صغر و نغسلها
نشرملها بالملح و الكامون و التحميرة و السودانية و الربيع مقطع و ال1 فص ديال الثوم( راه ما مصورتوش. حيت كايحشم ههههه)
نخليها ف الثلاجة تشرب الشرمولة مزيان
من بعد ناخد المقلاة و ندير فيها الزيت (غير شوية) و نقلي الكبدة. تكون العافية متوسطة
ملي تقلا نزولوها ف شي طبسيل
في نفس المقلاة غادي نضيفو مطيشة مزول ليها الزريعة و محكوكة+ بصلة محكوكة+ ربيع+ ملح+ كامون+تحميرة+سودانية+ 2 فصوص الثوم محكوكين و نخلي الكل حتى يتشحر مزيان و ينشف شوية من الماء
ملي تشحر ماطيشة و البصلة نضيفو عليهم الكبدة لي قلينا ف الأول و نحركو شوية ثم نطفيو عليها
و ها هي ملي وجدات.
و هادي شلاضة لي عزيزة عليا مطيشة و البصلة. هههه
و هادي راكم عارفينها كاملين. خيزو و الليمون
و الخبز ديال القمح اللديد.
ايوا شي دعيوات من القلب للأم ديالي باش تمشي الحج ان شاء الله. الله يجازيكم بالخير.
السلام عليكم.
السلام عليكم.
,wtm .,dkm fhgw,v> t oh’v Hl hgpg,dk , hg,herm fhggi> lh jtgj,iha fhggi fhgw,v
تبارك الله عليك غاليتي هادشي راه لذيذ مع خبز ديال لبلاد واااااااااااااااوووو الله يعطيك الصحة 
تبارك الله عليك وخلاص تنموت على الكبدة تسلم
تبارك الله عليك أختي جيجي…..
الله يعطيك الصحة….و بصحة ام الحلوين و الواثقة بالله….
تبارك الله عليك الله يعطيك صحة
السلام عليكم ورحمة الله وبركاته
بارك الله وفيك حبيبة كبيدة واش من كبيدة الله يعطيك الصحة اختي وتبارك الله عليك
بارك الله وفيك حبيبة كبيدة واش من كبيدة الله يعطيك الصحة اختي وتبارك الله عليك
بصحتكم و راحتكم. و راني هديت الموضوع للواثقة بالله و أم الحلوين لأنهم عزازات بزاف عليا و قدوة أفتخر بها.
شكرا على تثبيت الموضوع.:)
[align=center][tabletext="width:70%;background-color:black;border:1px double white;"][cell="filter:;"][align=center]تبارك الله عليك شهيتيني فالكبدة[/align][/cell][/tabletext][/align]
Allah i3tik saha a khti ou issehel lwalida dialk f zyarat lma9am acharif
شكرا على التشجيع حبيباتي.