وصفات العناية بالأنوثة لأنيقات وجميلات مغتربات المانيا

السلام عليكم الغزالات
كنتمنى تكونو بيخير وفي احسن الأحوال
انا اليوم كلت نفتح هاد الموضوع باش نستافدو من بعضياتنا بالوصفات المعتمدة عنا للعناية ط¨ط§ظ„ط£ظ†ظˆط«ط© ديالنا من الشعر للرجيلات.
ومكرهت حتا نشاركو بالصور إلا أمكن كما كنتمنى منكم التفاعل مع موضوعي.
ملاحظة : أخواتي الحبيبات كنتمنى تاوحدة. مطحت شي تعليق فيه أي استهزاء متلا على المنتوجات الرخيصة ديال Aldi أو Lidl أو متلا منتوجات Balea أو…. إلخ حينت كل واحد وجهدو وماشي بالضرورة نشرو من عند محلات عالمية باش نعتانيو بالجمال ديالنا انا شخصيا كنشري الرخيص والغالي على حسب، كنتمنى تقبلو كلامي.
كنتمنى من الله سبحانه وتعالى يكون هاد التجمع تجمع محبة واستفادة والله يدوم المحبة علينا جميع.

---

,wthj hgukhdm fhgHk,em gHkdrhj ,[ldghj lyjvfhj hglhkdh

السلام عليكم جميلات المانيا شكرا على الموضوع المميز اختي اسيل انشاء الله اكون تفاعل كبير مع موضوعك
ومنها حتى حنى لعااااد غانلتحقو بيكم نستافدو منكم وتكون عندنا خبرة على المواد التجميلية وعلى وصفاتكم
>>>>>انا كنسبق الاحداث ههههههههه
انشاء الله ادخلو مغتربات المانيا ومايبخلووووش علينا

انا نبدا ليكم بالوصفات المعتمدة عندي

مورا الدوش كندير دايما لجلدي خليط عصير حامضة مخلط مع ملعقة كبيرة ديال الحنة مطحونة وكنطليه لجلدي وكنخليه ديك 10 دقايق صراحة هاد الوصفة كتصفي الجلدة وكتخليها ناعمة الملمس
هاد الوصفة كنت خديتها من عند واحد الأنيقة من مغتربات المانيا مابقيت عقلت بالضبط كنطلب من الله سبحانه وتعالى يسر ليها أمورها ويجازيها كل خير

إن شاء الله الزين تلتاحقي بالزوج ديالك وبينا هههههههههههه
شكرا الزين لكلامك الطيب ونتمنى تساهمي معانا بوصفاتك المعتمدة

امييين و بارك الله فيك اختي شكرا لدعائك

انا شوية معكازة وليني معاكم غانحيد هاد لعكز ونحاربو باش منين نمشي لعند راجلي القاني غزاااااالة ههههههه

انا غانود دابة ندير ماسك فرماجة مع معلقة روز مطحون ومعلقة صغييرة حلييب وصفة غزااالة وكتفتح البشرة

وهادا الكوماج اللي معتامدة غير صراحة كنعكز مرات فهاد البرد
المهم الكوماج فيه ملعقة كبيرة تخت ديال القهوة أو القهوة مطحونة ملعقة صغيرة ملح ملعقة صغيرة سكر ملعقة صغيرة زيت زيتون
كنخلطهم وكنبقا نفرك بيهم جلدي بحركات دائرية وحركات من الفوق للأسفل وعاود من الأسفل للفوق هاد الحركات كنركزهم بزاف على الفخاض ومن الامام والخلف والمؤخرة حينت هاد الوصفة كيفما هي كوماج هي فنفس الوقت وصفة للسيلوليت كنت خديتها من اليوتيوب الله يجازي مولاتها بالخير

شكرا الزين على الوصفة وفي انتظار باقي الانيقات و وصفاتهم

شكرا اسولتي على الموضوع الجميل .كنتمنى غير ماينقلوهش لينا المشرفات لقسم الجمال لاننا بغيناه يكون خاص بانيقات المانيا الله يجازيكم .

اووووووف غادي تكون صعيبة عليا القضية حيت معكاااااااااااازة وكبيرت المعكازات ومكنداومش .
كنت ندير لوجهي ماصك القرفة والعسل 10 دقايق نهار اه ونهار لا ووااااافقني كيصفي لوجه من اول مرة اوا فييييييني وفينو .الحقيقة كنركز بزاف على شعري ماعرفتش علاش مع انني عندي سيلوليت شوية ماشي بزاف لكن كاينين ففخادي وعندي لالة مولاتي لكريشة لي قهراتني وكنتسناها تمشي زعمة بوحدها ههههههه لهبال ومايدير اما بالنسبة للرجيلات وليديات فماعندي الحكد لله معاهم تا مشكل خصوصا فهاد البرد كيوليو رجيلات رطيطبين .

اوا نتمنى فعلا تفاعل مع الموضوع وتنغزوني نفيق من الgلبة خلاص

الف الف مبروك قسم مفيد ورائع جدااااااااااااااااااااااااااااااااااااا وشكرا حبوبتي اسيل وبالفعل كلامك عين العقل تبارك الله عليك

انا غادي نحط وصفة الحمام لي درت البارح وكنت شارك فيها قبل بجروب ولكن غادي نحطها هنا باش ربما تفيد لبنات او انيقات المانيا وان شاء الله نفيدو ونستفادو شكرا اسيل الغالية

موضوع ممتاز ان شاء الله يتم التفاعل فيه و الاستفادة للكل