ورشة اسدال الصلاة

الأدوات : 1- نوع القماش بسيط وفي متناول الجميع فهو من نوع "الخيط – " وثمنه 20 درهم للمتر – القماش يجب أن لا يكون شفافاً، 3 متر كحد أدنى، أو 3 متر وربع للراغبات في زيادة طول الاسدال فيتم الإستغناء عن الجوارب، وعرضه 1.5 ملحوظة مهمة : هاد النوعية د التوب د الخيط قبل مانفصلوها تنفزكوها في الماء لانه تيشرب ومهم نفزكوه قبل مانفصلوه باش يشرب قبل التفصيل وان كان تيطلق تنزيدو فالماء شوية خل 2- شريط دانتيل مناسب للون القماش : نصف متر هو أدنى قياس وللراغبات في مضاعفة الزينة في الموديل أو الراغبات في زيادة الطول أن تقتنين متراً كاملاً أو أكثر 3 مقص 4 المتر البلاستيكي من أجل أخذ القياسات 5 طباشير الورشة : ☟ ☟ ☟

,vam hs]hg hgwghm lhgd gdh la;,vm lk; hggi hgph[m hgsghl hgstdtm hg,va hg;,g pfdfjd ]dhg ]dhg; odv vhkd atjih ugn uk]d kod’ ,[.h; ,Ykahx ;dtha ;kj

حاولت تبسيط الشرح الى ابعد الحدود للتسهيل على الفئة المبتدئة بالخصوص والتي تجد صعوبة في فهم الباترونات المعقدة في التفصيل وحتى الادوات المستعملة موجودة في كل بيت لا مسطارات ولا اداوات التفصيل الخاصة فقط المقص والمتر والطبشور والقياسات المستعملة في هدا الاسدال قياسات سطوندار اي ان قياساته تابتة تناسب كل الاجسام والاحجام وللاشارة فهو ليس للخروج هو فقط للصلاة في البيت اما اسدال الخروج فله طريقة اخرى للتفصيل اتمنى من كل قلبي التوفيق للجميع على بركة الله ابدا نحتاج 3 متر من التوب او 3وربع للطويلات اولا تنسرحو التوب ديالنا كامل بهدا الشكل تنطويه على 2 على طولو بهاد الطريقة ثم تنطويه مرة اخرى على عرضه مسافة 43 سم بحال الصورة وتنجي دبا للبلاصة لي مطوية كاملة في طول التوب تنحط فيها مسافة 40 سم د الكتاف وتندير نقطة بداية من الجهة المطوية فالعرض د التوب وتنحط في نفس الخط لي درت فيه 40 سم في بدايته مسافة 10 سم د الكول بحال هكدا وتنهبط في نهاية نقطة 10 سم د الكول ب 2.5 سم وتندير مستطيل يربط ديك النقطة لي دخلنا فيها ب 10سم وهبطنا فيها ب 2.5 حتى لاخر التوب في الجهة المطوية بحال هكا وتنحاول ندير دورة غير بيدي في حواف داك المستطيل بحال هكدا تنمشي دبا لديك النقطة لي دخلنل فيها ب 40 سم وتنهبط ب 5 سم بحال الصورة وتندير خط يربط ديك النقطة د 5 سم لي هبطنا بيها ونقطة الكول بحال هكا صافي دبا تندير خط من ديك الهبطة د الكتف لي درنا للاخر طول التوب ديالنا وتندير خط وتنشوف الحواف ديال التوب واش مقادة الى ماكانتش مقادة تنقادها بالمقص صافي وتنبدا نقطع العلامات لي خديت بالمقص هنا قطعت الكول بعده الكتف بعده خط الطول هاهو بعد التقطيع الى لاحظتو ماعندنا لاتقويرة لا والوووووووووووووو والكتف هابط والطول وااااااااافي والوسع كاين دبا ندوز باش نحدد كول الامام تنفرق الطراف بجوج لي حصلنا عليهوم تنحيد واحد وتنخلي واحد عنداكوم تقطعوهوم بجوج هاني علمتكوم ها ودني منكوم هههه تنهبط مسافة 12 سم وتندير بحال مربع من داك الهبطة د 12 سم للكول بحال الصورة تنحاول ندير دورة غير بيدي بحال الصورة وتنقطع الكول لي طراسيت وتنشق وسط الطول بفتحة مسافة 7 سم بحال الصورة تيعطينا كول بهدا الشكل يتبع…………

دبا تنطرف الكسدات ديالي وتندوز لداك الطرف لي شاط لينا من العرض هاهو تنمشي للجهة المحلولة فيه وتنطوي على 2 مسافة 28 سم بحال هكا وتندير خط مستقيم بحال هكا فيه مسافة 28 سم وتاناخدو في الطول ديالو مسافة 50 سم وعرض فم الكم هو 18 سم واصل بين النقطتين صافي وتنقطع شكل الكم بعد التقطيع والطرف لي شاط ليا من التوب تنقادو ليه الحواف ديالو وهو الشال ديالنا وتقريبا تيكون فيه فالعرض 55سم والطول اكثر من 180 سم فالطول نتي وشطارتك منين تجي تقادي حواف التوب حاولي ماتضيعيش بزاف خصوصا في عرض التوب اما الطول ماشي مشكل راه وافيييييي بهاكا نكونو سالينا مراحل الفصالة هادو هوما القطع لي خاصهوم يكونو عندنا

مراحل الخياطة اولا نرسم خط وسط الكول وتنهبطو المسافة لي بغينا غير ماتفوتوش الحزام وتنبداو نخيطو شريط الدانتيل ديالنا علي الخط لي رسمنا بهده الطريقة شكله بعد الخياطة ثم تنخيطو الكتف مع الكتف شكلها بعد تجميع الاكتاف شوفو راه وااااااسعة والكتف طايح دبا قبل مانركبو الكم ديالنا تنخيطو معاه لاستيك بهاد الطريقة تنرسمو خط بعيد على فم الكم مسافة 4 سم بحال هكا تنبداو نخيطو لاستيك ديالنا بهاد الطريقة وحنا تنجرو مزيااااااااااان عطانا هاد النتيجة دبا تنطوي داك التوب لي خليت وتنخيطو مع لاستيك تاني وانا تنجر باش ندفن داك لاستيك ومايبقاش يبان شوفو الشكل لي عطاني وعاد تنقطع دوك الزيادات دلاستيك هاهو على اليد هاهي الاكمام بعد خياطة الاستيك دبا عاد نجي نركبهوم مع الاسدال ديالي تنطوي على 2 وتنحدد الوسط بالمقص وتنحط وسط الكم مع خط الكتاف وتنخيط هاهوما بعد الخياطة ومن بعد تنخيط بلاصت العلامات لي حددت بالخطوط الحمراء هدا شكلها بعد التجميع وقبل تركيب الشال الان نمر لتركيب الشال تاناخد الشال ديالي وتنخلي فيه مسافة 30 سم لجهة اليسار و الباقي لجهة اليمين حيت هي لي تندورو في الغالب منين تنبغيو نلبسو اي شال تنبدا نخيط مع الكول من اليسار الى اليمين من بداية الكول بحال هكا حتى لاخر الكول منين تنخيط الشال ديالي مع الكول عاد تنبدا نفيني في الشال ديالي بحال هكا تنبدا بالحافة د الشال مرورا بالكول ولاحظو ان في الكول درنا الخياطة الاولى لي كنا درنا باش لصقناه في الاول لي باللون الغوز وعاد الخياطة التانية لي غنديرو منين نجيو نفينيو الشال لي باللون الاخضر شوفو الصورة بهاد الطريقة نكونو سالينا تجميع الاسدال ديالنا بقا لينا تركيب الصدايف للزينة والشكل النهائي هو هده كندورتها ممكن تعمل انسومبل اضفتها كفكرة اللون التاني نفس الطريقة السابقة لاداعي للتكرار اعادة شرح تركيب الشال والله العظيم حتى حاولت نصور مراحلو كاملين ولكن الصور تتخرج معنكشة وماواضحاش لان التوب كثير فديك البلاصة نتمنى توصل ليكوم الفكرة هاد المرة تنخيط الشال مع الكول بداية من بدابة الكول بحال كيف تنديرو فالقب مع مراعاة اننا تنخليو مسافة 30 فالشال عاد تنبداو نلصقوه مع الكول وهاد المرة غنخدم بطريقة دفن الخياطة نظرا لان اغلب الاخوات تيسورجيو على برا واصحاب السورجي ماتيسورجيوش الكول اولا خيطت الشال مع الكول بحال هكدا انبه مرة اخرى من بداية الكول مع ترك مسافة 30سم في الشال على اليسار شوفو الصورة هاهو لصقتو مع الكول لاحظو انه مامفيني ماوالو بعد دالك تنرجع لاول الشال ديالي وتنبدا نفيني فيه هنا خدمت بالطريقة لي قلت ل جيجا دفنت طويت 2 مرات بديت دبا من حافة الشال هنا مريت بالكول صافي تنكمل بنفس الطريقة حتى تندور الشال كاااااااااامل من كل الجوانب هاهو بعد ماساليت التركاب والفنسيون ديالو عن قرب هاهو على المنكان الشكل النهائي لاحظو راه الجهة اليمنى ديال الشال اكبر من اليسرى اتمنى هاد المرة يكون مفهموم

طريقة اخرى لتزيين الاسدال تنخيطو بحال الشكل الاول عااااااادي تنخيطو غير الوسط بحال هكا الجنب التاني تنخليه محلول وتنطوي طرف اخر من الدونتيل بحال نصف مثلث بحال هكا تنخشيه تحت الخط لي ماخيطتش في الاول بحال هكا عادتندزو الخياطة على الجناب بجوج عاد تندوز للجهة التانية وتندير نفس الطريقة تيعطينا هاد الشكل على المنكان الكمام بنفس الطريقة والمراحل السابقة نفسها شكلها من الداخل الشكل النهائي للعباية عن قرب

هدا هو الباترون المستعمل لمن تفهم في الباترونات بالنسبة للمبتدئات ركزو على الصور اكثر باش مادخوش والشكر موصول للغالية المخصصة في رسم الباترونات ام حفصة على الباترون الاكثر من رائع

هديتي لكن اخواتي هده الفقرة استثنائية بكل الحب والود اهديها لكل من ارادت فكرة مشروع صغير تخدم بيه وتعاون بيه راسها حيت ممكن ناخدو هاد الاسدال كفكرة مشروع صغير سهل وبسيط وهدا وعدي لكل من استشارتني وخصوصا ناس الخارج لديهم خصاص فهاد النوع د الالبسة غنوريكوم الطريقة لي ممكن نفصل بيها كمية كبيرة في نفس اليوم د الاسدالات نظرا لان القياسات سطوندار ممكن نفصل الاول فقط ونعصر فيه مخي اما الباقي ماكاين غير حط ودوز المقص بسم الله ابدا بعد مافصلت الاول كيف ماشفتو تنجيب التوب الثاني وتنطويه على2بحال هكا تنحط عليه الظهر د الاول لي فصلت بكل سهولة تنقطع تنفرق الطرفين وتنحط واحد وتنحدد عليه كول االامام الطرف لي بقا ليا تنحط عليه الاكمام ديالي ماتنساوش في الجهة المحلولة باش الجهة المسدودة تبقى للشال باش يجي طوييييل منين تنقطع اكمامي صافي تنقاد الطرف لي بقا ليا باش يولي شال بحال هكا هادي القطع المتكونة يلاه اش تتساينو فصلو لراسكوم وللاحباب والعائلة والجيران حتى هوما هههه وماتبقاوش توصيو عليهوم الحجاج د السعودية هاهوما جاو حتى لبين يديكن هههه تحيااااااااااااااااااااتييييييييي

للرفع

مشكورة حبيبتي على الورش..راني هي لي تنلبس للتراويح..شفتها عندي ختي وتلباتني نخيته ليها وإنشاء الله غدي نخيط وحدة لمامابغيت منك طلب،تشرحي لي كيفاش درتي تيفيني الكول والفتحة ديال 7 cm ..حيت تم وحلت مالي كنت تنخيط تتعجبني الحاجة المفنية والمتقونة..وجزاك الله كل خير..

المشاركة الأصلية كتبت بواسطة ماما مرموشة مشكورة حبيبتي على الورش..راني هي لي تنلبس للتراويح..شفتها عندي ختي وتلباتني نخيته ليها وإنشاء الله غدي نخيط وحدة لمامابغيت منك طلب،تشرحي لي كيفاش درتي تيفيني الكول والفتحة ديال 7 cm ..حيت تم وحلت مالي كنت تنخيط تتعجبني الحاجة المفنية والمتقونة..وجزاك الله كل خير.. عزيزتي ماما مرموشة انا بانت ليا ديالك د المسابقة مفينية مزياااااااااااااااان تبارك الله عليك شوفي قبل ماتخيطي الدونتيل فالوسط شدي الفتحة الى ماكنتيش متمكنة بزاف من الخياطة بالماكينة وطويها لوجه التوب ونبليها بالخيط وليبرا عاد خيطي الدونتيل فبلاصتو ومنين توصلي للفتحة تتحطيه صافي بلا ماتطوي حيت راك طاوياه وتتخيطي عاااااااااادي نتمنى تكوني فهمتيني واياك حبيبتي هدا واجب الى وحلتي هاني هنا