واش ممكن دوزي الشهر بهاد القدر دلفلوس

السلام عليكم اخواتي واش ظ…ظ…ظƒظ† ادوز ط§ظ„ط´ظ‡ط± عند جوج دالناس ب 1200 dh غير االاكل مداخل فيها حتى حاجة اخرى لعندها اقتراح تفيدني ونتمنا الاخوات اتفاعلو مع الموضوع الله اجزيكم بخير

---

,ha ll;k ],.d hgaiv fih] hgr]v ]gtg,s ],sd

انا نعطيك فكرة تقتاصد فالتصبين خودي الصابون او حكيه او زيدي عليه المطايب من تجريبتي كيقتاصد بزاف والحوايج كيخرجو نقيين ورطبين نتمنى الاخوات افيدوك وقتما تفكرة شي حاجة نقولهالك والله اطرح البركة اختي

raha tkefik a kheti ila makontich mobadira w dima 9ouli bissmi lah bach rebi ye7ader lbaraka wlah y3awnk

اختي ب 300 درهم تقدري تشري خضرة منوعة و بزاف من سوق الكبير حنا فالرباط عنا سوق السبت .. تشري ب 300 درهم نص صندوق من الحاجة الا بغيتي
و تشري ب 200 درهم لوازم كوزينة كبحال تيد ديال العبار و جافيل و سنكروا ديال العبار بتلاتة بيهم تديرو 15 درهم و غادي يدومو ليك الشهر الا عرفتي كيفاش توظفيهم
و تشري ب 200 درهم اخرى سكار و سنيدة و اتاي و تشري 5 كيلو طحين ولا زرع و باكية خميرة ب 70 درهم تقريبا

يعني لي بغيت نقول تشري الضروريات و تمشي البلاصة فين تلقاي الرخيص … يعني الا مشيتي بال1200 لمرجان ولا اسواق السلام ولا حتى الاسواق العادية غادي تخسريها كلها و غادي يبقى ناقصك تقريبا كلشي

دكشي علاش االا بغيتي تقتصدي معروفة عند الكل تمشي فين تتباع الجرو يعني جَمُلَة .. باش يبقا ليك الصرف =)

ونضيف عي لطالت اخت ساه .خاصك تنوع في الاكل يعني ماشي ديما اللحم بقاي ديري العدس وماتنسايش اللوبية والحوت مرة طاجين بالكفتة سرديل مرة اللحم انا كندير كنت كندير برنامج ديال السيمانا كلها اشنو نطيب والله كتصدقي تقتصدي وفنفس الوقت كتبرعي والا عندك الفران عجني في الدار

السلام حبيبه راه تكفيك و تشيطي حتا انا عيشا غي انا و راجلي كنصرف فشهر و منكدبش عليك عاد مين راحنا مزيرين حيت راه فينا شي كرديات بغيت نساليهم والله يلا راني نصرف غي و الحمد لله ممخصوصين م والو انا هشنو كنجيب فشهر مع العلم راجلي لكيمشي يتقدا مكيكهلينيش انا و شفتو كيضيع بقيت كنكتبلو و نسيفطو يجيب و الحمد لله راني نشيط عاد الله يوفقك اختي gلتي جوج دناس موضحتيش واش راجلك ولا ماماك ولا وليدك باش يفيدوك عل عموم يلا بغيتي طريقتي نعطيهالك سمحيلي عل إطالة

السلام عليكم ورحمة الله وبركاته اختى لا تخافي راه غادي يقدك هد المبلغ في مصروف ديال الدار كيف ما قالو الاخوات كيخصك غير تكون شوي منظمة في المصروف اهم شيء تحطي قائمة ديال المشتريات وبعدي من مرجان واسواق السلام وعن تجربة كنت كنمشي ليهم وكنخرج منهم محملة غير بالخوا الخاوي والتفهات ديال لكلاص والحلويات ……ههههههههههه المهم تمشي للهري للبائع بالجملة واتاخدي السلع ديالك السكر واتاي وكل الي يكفيك للشهر والقطنية على حسب العدد ديالكم ونتوما غير جوج في الشهر يعني مغديش تضيعي بزااف وتشري اللحم والدجاج والسمك وتحطيه في الكونجلاتور الجهد الي يقدك للشهر وتبق الخضر والفواكة كل اسبوع تشريهم ونتي عينك ميزانك وتراقبي المصروف ديالك وملي تبدا البولة الحمرا تشعل خاصكي تزيري يديك وياربي يطرح ليك البركة وقولي دايما بسم الله والله عوين ونتي مع التجربة غادية تسلكي راسك ياما مر على هد الراس من ازمات خخخخخ
تحياتي لك اختي وبالتوفيق ان شاء الله

ممكن تشيطي منها يلا بغيتي 2 ناس را فايتاكم لهيه

عليكم السلام اختي بخصوص التوضيح انا وراجلي الله اعينك تخلصي كريديك منكرهش تفيديني بطريقتك فالتسيير الله اجزيك بخير

وخا اختي شوفي انا كيعطيني راجلي1200dh و ديرا دارت معا صحاباتي ب200dh و كنgبد200DH كندسها يعني كتبقالي800DH كنمشي عند لهري كنشري2 بكيات اتاي و2 سكر و2KG سنيده و2 تيد للمشينه و1 جافيلw اوني و نس كيلو روز gلاصي و نس كيلو عدس و نس كيلو حمص و1 سباكيتي و1 مقرونية و بكيا كنور ديال6 و بكية خمارة حمرا للكيك و الحلويات و نس بكية خميرة ديال لعجين و2 لتر ديال زيت وشبكة بيض و شامبوان فاتيكا و صابونيه دوف و2 بكيات ديال كسككس و25dh فرماج حمر و بكية فرماج متلت و قرعه كنفتير و رولو بابيي ديال لكوزينة و25KG فرينه( كتgلسلي تلت شهر نتي جيبي علا حسابك انا هكدا كتجيني قتصادية) و5kg فينو و5kg سميده و صافي نكون سليت معند لهري هنايا غادي تجيك شي 350Dلموهيم نتيا متفوتيشdh 400درهم عند لهري صافي و تمشي عند الكزار جيبي 2دجاجات وكيلو لحم غنمي و نص كيلو كفتة لداند لبيتزا ولا لمسمن ولا لبغيتي هادو يفوتولك الشهر مخير مغديش تفوتي فيهم تبقالي200DH هادي كل سيمانة كنجيب الخضره لكنحتاج و ديسير يعني هاد شي لgتلك راه غير800DH يعني نتيا يلا بغيتي تسرفي فلوسك كاملة راه تزيك ويشيط الخير لموهيم فهاد شي كولو هو ديري برنامج ديال الماكلة لي غادي ديري بديك تقضيا لشريتي نتمنا نكون فدتك الله يوفقك اختي و اي استفسار انا هنايا