ها مسمن الزبدة ديال الفران لي كايسولو عليه بنات بزاف

تبث في 5/12/2019
bent bladi

هاد المسمن كايجي رائع ومورق نتمنى تجربوه ويعجبكم
مهم عجين المسمن عادي
دقيق ،دقيق الحرش ، ملح ، شوية سنيدة وشوية زيت
نعجنوه وندلكوه مزيان ونقسم كويرات
نخليهم يرتاحو شوية
من بعد ناخد واحدة نكرصها ندهن بالزبدة ونرش سميدة ونطويها
نجيب أخرى ونكرر نفس العملية ومانطويهاش نحط وسطها
وهكذا نبقا وحدة وسط وحدة على حساب عدد الأشخاص
أنا استعملت 6 مسمنات صغار فالحجم ل 2 أشخاص
خليها ترتاح من بعد حطيها فطاوة مدهونة بالزبدة وكرصيها متغلضوهاش باش تجي مورقة وممعجناش
ودهنوها بالزبدة وإلى الفرن
هاهي ملي طابت
وها مسيمنات
وها البنيي
إوا كيجيتكم

---

ih lslk hg.f]m ]dhg hgtvhk gd ;hds,g, ugdi fkhj f.ht hg.fdf

انا اول من كتقول ليك تبارك الله ماشاء الله عليك
الله يعطيك الصحة

اللهم آمين

شكرا لك.

اناكنزيد القليل من الخمارة د الحلوى .

تبارك الله عليك

تبارك الله عليك اختي هاد الوصفات عندك دايزهوم الكلام ما شاء الله عليك
المسمن اللي درتي حتى انا كانصاوب بحالو وغير انا كانزيد فيه خميرة حمرا والفاني فالعجينة ومن الفوق كاندهنها باصفرالبيض ونرش عليها سنيدة
او ملي كطيب كاندير ليها العسل والكوك من الفوق

بارك الله فيك
أنا ماكانديرش الخميرة كاع فالمسمن
وهاد زيادات لي قلتي دابا نجربهم فيها مرة أخرى إنشاء الله
نهارك مبروك

تبارك الله عليك الى ممكن المقادير ديال البيني باين زوين كيشهي

شكرا بزاف، كنت كنقلب عليه

على الراس والعين
رابعة دقيق
شوي سنيدة ديك معلقة كبيرة
شوية زيت
أصفر بيضة
فاني
وخميرة العجين
شوية خرقوم إلى بغيتي اللون
دلكيها مزيان وخليها واحد 5 دقايق ترتاح
وطلقيها بالمدلك وقطعي دوائر
خليهم يخمرو مزيان من بعد قليهم فالزيت سخونة ودوزيهم فالسنيدة
وإلى بغيتي ديري فتحة صغيرة وعمريهم بالكونفتير أو الشكلاط أو… لي بغيتي