هاواحد الرفيسة بخبز صحي

السلام عليكم يا لحادكات وعافاكم متضحكوش عليا راني فطيابي غالبا غير كنبريكولي يعني الى ضرباتلي فالراس شي شهيوة ومالقيتش المقادير كلهم متوفرين كنديرها بزز منها واليوم مثلا ضرباتلي ط§ظ„ط±ظپظٹط³ط© فالراس وعندي غير طرف ديال الدجاج وعكزت نعجن الرغايف حيت عاجنة بعدا الخبز وانا نقطع من عجينة الخبز وطيبتها فالمقلة وقطعتها بلا منعاود نفورها كيف ما كنقرا فبزاف ديال الوصفات الخاصة بالرفيسة و طيبت داك الطريف ديال الدجاج مع شوية عدس وشويةفول يابس والعطرية والبصلة بصح الحلبة سلقتها بوحدها حيت الدراري مكيبغيوش مرورتها اوا قبلو على ماوجد وماشي بالضرورة حتى تكون دجاجة صاينة عاد نديرو الرفيسة[IMG]
الحلبة مسلوقة


العجينة قبل ما نطيبها ههه
[IMG]
[IMG][/IMG][IMG][/IMG]

[IMG][/IMG]
[IMG][/IMG]
[IMG][/IMG]
كانتمنا تعجبكم و تجربوها راه كاتوجد بسرعة

---

ih,hp] hgvtdsm fof. wpd fdja

هههههههههه تبارك الله عليك جاتك زوييينة
راكي ماشي من المعڭازين هههههه تبارك الله عليك ماعندي مانسالك

الله يبارك فيك يا المرضية و شكرا على المرور الطيب

اممممممممممممم يشهي يعطيك الصحة

بصحتكم باينة زوينة

تبارك الله عليك ختي ام هداية الله يعطيك الصحة نتي ماش معجازة بالعكس مزيان الواحد يبتاكر عجباتني الوصفة حنت انا الي معجازة تنتشهى الرفيسة وتتعجزني الرغايف ديالها غير بغيت نعرف هديك العجينة كفاش طيبتيها واش درتيها بحال المسمن ولا شنو والله يجازيك بخير

شكرا على التشجيع ختي وبالنسبة للعجينة انا ملي مكيكونش الخبز للفطور كنعجن عجينة الخبز عادي يعني القمح والفورص والخميرة والملح وكنقطع منها وكنطيبو بحال المسمن يعني كندير كويرات ونكرص وحدة ونزيتها وندير فوقها وخدة اخرى وندير التالتة بنفس الطريقة ونكرص ونطيب فمقلة تقيلة غير مكنكترش الزيت باش متكهمش وحاجة اخرى هي الخبز اللي فيه لخميرة مكيضرش فالمعدة

الله اعطكم الصحة وشكرا للتشجيعات

تبارك الله عليك اختي

تبارك الله عليك امينة الحادكة شهييتيني فالرفيسة راني شحال هادي و انا مشهياها و عكزت عليها ههههه
احلى تقييم و اعجاب