هاني رجعت تاني ولكن هاد المرة جبت معايا ماسكات طبيعية رائعة جربتها وصدقات ليا

كتمشي عند العطار قولي ليه غاسول الطين الاخضر وماء الورد .. راه داير غير 15 درهم .. وخصو يكون اخضر عنداك يعطيك شي واحد اللون ديالو ترابي راه كيغشو احيانا كيخلطوه بالطين العادي .. يكون فحال هاد اللون لي فالبواطة ..
طريقة الاستعمال :
انا كندير وقت الحمام الكامل مرتين فالاسبوع ، فاش يلاه كندخل كنغسل وجهي بالما دافي وكاننشفو مزيااان وكاناخد الماسك نديرو فمختلف اماكن الوجه والرقبة باسثناء محيط العين .. كانخليه حتى كينشف .. ودائما ملي تديري الماسك ما تحركيش الملامح ديالك يعني ماتتكلميش وما تعطسيش ههههه يلا جاتك العطسة جري عليها ههه حيت يلا حركتي كيتشقق الماسك وكيتجعد الجلد ديالك .. المدة لي عندو باش ينشف شي 15 حتال 20 دقيقة .. فهاد الوقت ممكن تديري فيه الصابون البلدي استعدادا للحكان هههه .. فاش تحسيه ولا قاسح فوجهك جيبي ماء دافي وغسلي غي بشوية ورفق وفاش يمشي الطين كامل غسلي بالماء بارد ونشفيه وكملي الدوش ديالك .. ماشي مشكل يلا من بعد غسلتيه ولا طاح ليك عليه شمبوان مكايأثرش .

الماسك الثاني :
ملعقة صغيرة قرفة + ملعقة صغيرة عسل + ملعقة صغيرة حامض ..

طريقة الاستعمال :
كانخلطهم ونغسل وجهي مزيان بالماء دافي باش يتحلو المسام ثم كانديرو فوجهي ونخليه 15 دقيقة.. ولي البشرة ديالها حساسة اكثر من الطبيعي تديرو غير 5 دقايق حيت ممكن يهيج ليها الوجه .. ظˆظ„ظƒظ† يلا بشرتك عادية معندك مناش تخافي ..
وضروري تديري شي حاجة على كتافك وصدرك حيت كيبدا يقطر باش متوسخيش حوايجك ..
فاش تفوت المدة المقررة غسلي بماء دافئ برفق ثم ماء بارد .. عاد دوزي ثلجة على وجهك باش يتسدو المسام ونشفيه .. كندير هادي زوج مرات فالاسبوع فالليل قبل مانعس ..

الماسك الثالث :
كناخد دانون مسوس + صفار بيضة وكنخلطهم مزيان ونديرهم بنفس الطريقة ونفس المدة .. مرة وحدة فالاسبوع ..
وكل ماسك فيوم ماشي جميع الماسكات فيوم واحد ..

هاد الماسكاات اش غادي نقوليكم .. والله مكرهت نوريكم وجهي كيفاش ولا رغم اني كندير المكياج وكلشي ظˆظ„ظƒظ† والله يما كيأثر على البشرة ديالي حيت كنعتني بيها يوميااااا كيما شفتو فالمواضيع السابقة ..

ان شاء الله انا كنجرب شي ظ…ط§ط³ظƒط§طھ لاول مرة دابا .. يلا صدقو ليا غانحطهم ليكم .. هاذو لي عطيتكم على ضمانتي والله مغاديش تندمو ..
الموضوع التالي غدا ان شاء الله غانتكلم على الاعتناء بالشفتين باش يبقاو ديما حمرين وموردين فحالا معكرة هههههه ..

يلاه تهلاولي فراسكم وفي انتظار ردودكن ..
محبتكن شيماء

مواضيعي السابقة للافادة :
https://www.anaqamaghribia.com/vb/sho…d.php?t=435847
https://www.anaqamaghribia.com/vb/sho…d.php?t=436528