السلام عليكم ورحمة الله
13-01-2019
الكيك :
4 البيضات_ كاس سنيدة _كاس معامرش زيت_ كاس حليب_ 2 خمارات الزا_ 1 فاني _
قريصة ملح _2 معالق كبار كاكاو_ 3 الكيسان ديال العنبة دقيق
كنخدمو بياض البيض مزيان بالضراب ونضيفو ليه سنيدة + زيت + الحليب وأصفر البيض وحنا كنطربو تم نضيفو الدقيق والكاكاو والخميرة والفاني ونديرو الخليط في المول مدهون بالزبدة ومرشوش بالدقيق
أنا درت وحدة كبيرة ووحدة صغيرة
ملي طاب الكيك خليتو يبرد تماما وبديت كنزول ليه ديك القشرة لي كتكون في الوجه ديال الكيك وقاديت الجناب
ومن بعد وجدت عجين الشكلاط باش درت الوريدات العجينة خديتها من عند المشرفة أم هداية جات زوينة ساهلة وإقتصادية
عجين الشكلاط
200 غ شكلاط أسود مر _ 100 غ عسل _2 معالق ماء _سكر كلاسي لي يجمع لينا الخليط
وبالنسبة للشكلاط الأبيض خليت نفس المقادير والعسل درت غير 50 غ
قبل مابديت نشكل في الوريدات غسلت يدي مزيان حيت الجراتيم غير تدور
_دوبت الشكلاط الأسود وفي زلافة خلطت 100 عسل مع 2 معالق ماء وضفتهم للشكلاط الدايب وخليتو واحد ساعة عاد بديت كنزيد عليه سكر كلاسي وانا كنعجن حتى ولات عندي عجينة الشكلاط
من بعد وجدت عجينة الشكلاط الأبيض غير العسل لي ناقص الكمية ديالو نفس العملية
دوبت 200 غ شكلاط أبيض وخلطت معاه 50 غ مخلطة مع 2 معالق ماء وخليتهم شي نص ساعة
وبديت كنزيد سكر كلاسي حتى ولات عندي عجينة
دابا بديت كنوجد في الوريدات لي غادي نزين بيهم الطورطة درت من الشكلاط الأسود بحال البلوطة صغيرة ودرت دوائر صغار ولفيت الأولى على البلوطة والتانية والتالتة حتى حصلت على وريدة
والوريقات درت عجين الشكلاط الأبيض وسط ميكا ودلكت بلمدلك وقطعت بالموس على شكل وريقات وفلحتهم
من الجناب بالموس
هاهومة الوريدات جاهزين
من بعد صيبت الكريم لي سقيت ط¨ظٹظ‡ط§ الكيك لي هي
140 غ كريمة سائلة _ 160 غ شكلاط دايب _شوية زبدة
مالقيتش الصورة ديال الكريم ملي جهزتها
سقيت الكيك الكبيرة وعاودت سقيت ط§ظ„ط·ط±ط·ط© الصغيرة وحطيتها فوقها وزينتها بالورود
ih]d hg’v’m gd ahv;j fdih td lshfrm j.ddk hg’v’hj fhga;gh’
المشاركة الأصلية كتبت بواسطة أم أســامة و إيمــان 
ربي يخليك أزين شكراً على المرور الطيب
و على التقييم و ألتتبيت
المشاركة الأصلية كتبت بواسطة sara-14 ربي يخليك سارونة هادة من دوقك
ما شاء الله عليك اسماء جتك غزلة