نوعين من الفطائر برستيج روعة

السلام عليكم ورحمة الله وبركاته
ليوم غادي نقدم ليكم 2 ديال ط§ظ„ظپط·ط§ط¦ط± ط¨ط±ط³طھظٹط¬ ط±ظˆط¹ط© بنان ولذاذ والاهم اقتصاديين وكيحمرو الوجه ماشي بالطرش هههه
بسم الله نبداو المقادير:

الكفتة البقر (ولكن حتى ديال الديك الرومي كتجي زوينة شحال من مرة عملتها بيه كتعطي نفس النتيجة)
البصلة مشلضة على حساب الكمية اللي عندك ديال الكفتة
ملح واخا ماكيناش في الصورة
البزار
سكنجبير
الخرقوم البلدي
القرفة بزياد شوية
شوية السنيدة
الزيت البلدية والى بغتي تزيدي شوية من زيت المائدة
شوية الكوزة للامانة انا ماستعملتهاش كنبغي نتفدى الشبهات

الطريقة:

في مقلاة على نار نضف الزيت مع البصل والتوابل ونترك الكل يتشحر

ملي تدبال البصلة نضيف ليها الكفتة ونحركها حتى تتفتت وطيب

ملي تقرب طيب نضيف ليها شوية السنيدة ونحركها مدة دقيقة نزولها من فوق النار

هنا ملي وجدات الحشوة نتركوها هلى جنب حتى نحضر الباقي

2 بصلات متوسطين مشلضين
50 غ بودرة اللوز
2 بيضات
ملح
سكنجبير
قرفة
زيت الزيتون
رقائق اللوز للتزين

الطريقة:

في نفس المقلاة نعمل البصل مع الملح والزيت ونخلي البصلة حتى تتشحر مزيااااااااان

ملي طيح البصل وتقرب الطيب نضيف السكنجبير والقرفة ونحرك شوية

ثم نضيف البيض ونحرك بالزربة

ملي نحرك البيض ويقرب يطيب نزولو من فوق النار ونضيف ليه اللوز بودرة

وها الحشوة وجدات

وها الصورة الجماعية ديالهم هههههه
نخليهم على جنب حتى نعجن عجينة الرغايف العادية غير هو مايكون فيها لا خميرة ولا اي شيء من غير الملح دقيق الفورص ودقيق القمح وتعجن بالماء دافي الى كان الجو بارد والماء البارد الى كان الجو سخون

كنورق العجين بشوية الزيت الزبدة وتكون كورة كبيرة باش بلاما نكثرو الخدمة ههههه ملي تورق مزيان نجيب قطاعة البيتزا ونحيد الجناب العوجين المهم نحصلو على مربع كبير بدورو نقطعوه الى مربعات صغيرة ونعمروها بحشوة البيض مع اللوز وهاكدا حتى نكملو

نفس الشيء مع السيكارات غير هو في بلاصت مانقطع العجين الى مربعات نقطعهم مستطيلات ونعمرهم

ملي نكمل ندهنهم بالبيض مطرب واللي عمرتهم باللوز والبيض نعمل فوقهم لوز ايفيلي

ندخلهم الفرن حتى يتحمرو وملي نخرجهم دوك اللي بالكفتة نزينهم بالسكر صقيل والقرفة
وبالصحة والراحة

k,udk lk hgt’hzv fvsjd[ v,um