السلام عليكم حبيباتي
رغم كبر سني لا اعرف شراء نوع مزيان من طواجن, هاذ رمضان تشهيت نطيب شي طويجن لكن كل ما شريتو كيطرطق لي فوق البوطا, اشمن نصيحة تعطيوني عند شراءه
k,udm hg’h[dk
عودي الحبيبة ديري تحتو حديدة خاصة بالطاجين راه تتباع ولا ماكانتش عندك ديري شواية
خاصها تكون نظيفة مافيهاش الزيت باش ماديرش ليك دخان ولي تمرقي بماء السخون
حيث ماء بارد هو لتيتسبب في تشقق الطاجين
خاصها تكون نظيفة مافيهاش الزيت باش ماديرش ليك دخان ولي تمرقي بماء السخون
حيث ماء بارد هو لتيتسبب في تشقق الطاجين
الى بغيتي نعطيك واحدنصيحة طاجين الى تشقق تعطيه مولا دار يدوز عليه سلك ويزيرو مزيان بلاقاط هاد الطريقة راني خذتها علموهاليا ناس تارودانت ملي كنت عايشة تماك
كاع طواجنهم دايري ليهم سليكات ملي كنت دايرة ليه سلك تهنيت من شقاق لي فيه
شوفي آ لالة عويشة في أول رمضان كنت عند مول الطواجن تصدمت بشي عيالات تيسولوا على كيفاش يحافظوا على الطاجين و أنه تيتشقق و أنه خاصو الطاوة علاش يتحط.
فقررت أنني نعمل واحد الموضوع في طريقة التعامل مع الطاجين الجديد و بالفعل صورت المراحل إلا أن الاخ ديالي سافر ودا لي معاه الخيط ديال الكاميرا و بقيت الله كريم.
إن شاء نحصل على الخيط نحط الموضوع
و مدام أنت سيدتي محتاجة الطريقة دبا فهذه طريقيتي
الطاجين ملي تشريه شلظي فيه بصلة متوسطة و زيدي عليها الزيت الرومية للي تغطي البصلة و خليها فيها ليلة كاملة في الصباح شعلي عليه البوطة بنار مهيلة جدا أو باقاي تحركي بشوية بشوية و دوريها في الجناب تاع الطاجين حتى تبداي تشوفي البصلة تتحرق خليه حتى يبرد و غسليه.
مللي تبغي طيبي فيه شي حاجة من الاحسن نصبي بكري و على نار مهيلة و عملي شي ملعقة أو فرشيط بين الطاجين و غلاقته.
الماء إلى بغيتي تزيديه و الطاجين منصوب خصو يكون سخون باش ميتهرش.
عمرك ما تغسلي الطاجين وهو سخون أو تزوليه من النار و تحطيه في مكان مندي بالماء أو فيه الماء
إيوا بصحتك و راحتك و هذه هي الطريقة للي تنعمل.
فقررت أنني نعمل واحد الموضوع في طريقة التعامل مع الطاجين الجديد و بالفعل صورت المراحل إلا أن الاخ ديالي سافر ودا لي معاه الخيط ديال الكاميرا و بقيت الله كريم.
إن شاء نحصل على الخيط نحط الموضوع
و مدام أنت سيدتي محتاجة الطريقة دبا فهذه طريقيتي
الطاجين ملي تشريه شلظي فيه بصلة متوسطة و زيدي عليها الزيت الرومية للي تغطي البصلة و خليها فيها ليلة كاملة في الصباح شعلي عليه البوطة بنار مهيلة جدا أو باقاي تحركي بشوية بشوية و دوريها في الجناب تاع الطاجين حتى تبداي تشوفي البصلة تتحرق خليه حتى يبرد و غسليه.
مللي تبغي طيبي فيه شي حاجة من الاحسن نصبي بكري و على نار مهيلة و عملي شي ملعقة أو فرشيط بين الطاجين و غلاقته.
الماء إلى بغيتي تزيديه و الطاجين منصوب خصو يكون سخون باش ميتهرش.
عمرك ما تغسلي الطاجين وهو سخون أو تزوليه من النار و تحطيه في مكان مندي بالماء أو فيه الماء
إيوا بصحتك و راحتك و هذه هي الطريقة للي تنعمل.
الا شرتي الطجين خد شبنيو اعمره بالماء احط فه الطجين ليلة كاملة من بعد حيديه خليه انشف استعمليه
أحسن طريقة باش ماتطرطقش الطاجين غير تشريه ديري فيه الماء و شعلي عليه حتى اتبخر منو و ديك ساعة طايبي فيه شهيواتك و هاد الطريقة مضمونة 100 في 100