نكت المدرسة

السلام عليكم ورحمة الله تعالى وبركاته
*هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات
*واحد الاستاذ قال لواحد التلميذ: صرف
Verbe "Dire" au présent de l’indicatif
الولد ماعرفش الجواب وبقى ساكت
قال ليه الاستاذ: أنا نعاونك في الاولى، و انت كمل
Je dis
الدري تفتحو عينيه من الفرحة و بدا
Vendredi
Samedi
Dimanche

*هادو جوج دراري كانوا مدابزين ف القسم.جا الأستاد لقاهم ف ديك الحالة وسولهم: مالكم على هاد الصداع؟قالوا ليه: لقينا 100 درهم، واتفقنا اللي قال أكبر كدبة ياخدها.قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.وهوما نيت يعطيوه دوك الدراري 100 درهم حيث كذب اكبر كذبة في حياتوا
*هادي واحد المعلمة رسمات للدراري تراكتور و سولاتهم واش عرفوا أشنو سميته.

حتى واحد ماعرفه. واحد شوية وهي تنوض واحد باش يجاوب و الدري تمتام، قال ليها: تر تر تر تر تر تر
وهي تقول ليه: أنا غير سولتك على سميته ماشي قلت ليك دير ليه أمارش
*واحد الأستاذ ديال الفرنسية سول التلاميذ ديالو: أشنو كيعجبكم فـي الفرنسية ؟
واحد قال ليه: اكسبريسيون اكريت
Expression écrite
التاني قال ليه: اكسبريسيون أورال
Expression orale
نقز الكسول قال ليه: غاماصي ڤو زافيغ
Ramassez vos affaires
*استاد د الفرنسية سول التلاميذ شنا هي الصراحة راحة بالفرنسية وهو يجاوب
التلميد قال ليه :la vérité rité
*

واحد التلميد قال للمعلم: واش ممكن شي واحد يتعاقب على شي حاجة ما دارهاش؟قال ليه المعلم: لا!قال ليه التلميد: إيوا راه ما درتش التمارين.
*ثلاثة ديال الكسالى مشاو يدوزو امتحان. ملي سالاو، كل واحد سول لاخور آشنو دار
الاول قال ليهوم: أنا خليت الورقة خاوية

التاني قال ليهم: حتى أنا خليتها خاوية

الثالث قال ليهم: صافي مشينا فيها، ملي كلنا دايرين بحال بحال غادي يعرفونا تناقلنا. عولو على السقوط
*

هادا واحد الاستاد سول التلاميد دياولو :ما هو أقرب كوكب إلى الأرض؟

حتى واحد ما عرف يجاوب. شوية و هو يهز واحد الكسول إيديه: "استاد، استاد، استاد

قال ليه جاوب

جاوب الكسول: الكوكب المراكشي
*واحد الاستاد ديال الفرنسية سول التلاميذ دياولو: أشنو هي النجمة بالفرنسية؟

واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L’étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام
*أستاد ديال الرياضيات سول واحد التلميد: إيلا عطاك باك 10 د الدراهم و عطا لخوك 15 دراهم. ماذا تساوي؟

قال ليه التلميد: تساوي الحرب
*واحد المعلم قال للتلاميد دياولو: اللي حاس براسو مكلخ يوقف

سكتوا التلاميد كاملين إلا واحد ناض وقف
قال ليه المعلم: حاس براسك مكلخ؟
قال ليه التلميد: لا، غير ما بغيتكش تبقى واقف بوحدك
*هادي واحد المرا كبيرة وحشومية بزاف مشات تقرا ف محو الأمية

وكان العنوان ديال الدرس : دخل أحمد، خرج أحمد
ملي تقول المعلمة: دخل أحمد، كدير المرا الزيف على راسها
وملي تقول المعلمة: خرج أحمد، كتحيد المرا الزيف على راسها
ملي مشات للدار، قال ليها راجلها: آشنو قريتو اليوم؟
قالت ليه: علاه احمد خلانا نقراو؟ ها هو داخل، ها هو خارج
*هادا واحد المعلم قال للتلاميد دياولو: سولوني أي سؤال وإيلا ما عرفتش نجاوب عليه نعطيكم 100 درهم، وإيلا سولتكوم أنا سؤال وما عرفتوش تجاوبوا عليه عطيوني 50 درهم
الدراري تخلعوا حتى من المجتهدين. شوية ناض الدمدومة ديال القسم رفع صبعو وفرع للمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟
قال ليه الكسول: أشناهي الحشرة اللي عندها 9999 رجل؟
المعلم عيا ما يفكر ما عرفش الجواب. وهو يعطي للكسول 100 درهم كيفما اتافقو
ناض المعلم سول الكسول: يالله قول لينا نتا أشناهي هاد الحشرة اللي عندها 9999 رجل؟
قال ليه الكسول: والله أودي ما عرفت، وهو يعطي للمعلم هاديك 100 درهم وقال ليه: هاك هادي، خود 50 درهم ورد علي 50 درهم ديالي

k;j hgl]vsm []d]

hhhhhhhhhhhhhhhhhhhhhhhhhhhhhhhh
ضحكتيني الله يعطيك شي خير

ههههههه موت ديل الضحك

زوينين خصوصا هاديك ديال تر تر تر تر ههههههههههههههه

هادي واحد المرا كبيرة وحشومية بزاف مشات تقرا ف محو الأمية

هاذي واعرة
الله يعطيك الخير

hhhhhhhhhhhhhhhhhhhhh

هههههههههههههههههههههههه زوينين بزاف اختي شكرا

ههههههههههههههههه ولاهيلا يلا ضحكتيني الله يعطيك الخير

واحد قال ليه: اكسبريسيون اكريت
Expression écrite
التاني قال ليه: اكسبريسيون أورال
Expression orale
نقز الكسول قال ليه: غاماصي ڤو زافيغ
Ramassez vos affaires

اترك تعليقاً إلغاء الرد