نقلت لكم قصة حلم امراة بالانجاب الله يبعد علينا شر الخلق

اخواتي ظ†ظ‚ظ„طھ لكم قصة هده السيدة مسكينة ابقات فيا بزاف ط§ظ„ظ„ظ‡ يفرح قلبها ويفرحنا معاها حتى احنا بالدرية الصالحة

انا تزوجت دابا عامين من بعد 6 اشهر حملت لكن شاء ط§ظ„ظ„ظ‡ انني فقدت جنيني من بعد تزوجو خوت راجلي بزوج بيناتهم15 يوم المهم كيف العاده انا كنت هي كلشي لكن كانت حماتي ديما تقول ليا شفتك مازال مابغيتي تعاودي تحملي و انا قطعت الفانيد و كلشي كل مره تسولني وخاهاكاك ماكنت نديها فوالو عادي عندي ولكن من بعد 3 اشهر ديال زواج لوايسي عيالتهم حملو بيناتهم شهر مانقوليكمش انا فرحت ليهم بزآف لكن بدات المعاناه ديالي هما فرحناين و انا كاندوزها في البكا ماخليت حتى طبيب ووالو حماتي نساتني ولات مهتمه بعيالات ولادها و انا قاتلني بالاسئله قدام راجلي حتا راجلي دخلات ليه الفكره كاتقول ليا راه كاينه لي كايطيح بنادم في الاول ماتبقاش تولد انا بغغيت نشوف ولادك ا ولدي شوف خوتك الراجل حسيت بيه ولا معقد و هما عيالت لوايسي كايفقسو فيا و يتغنجو عليا ولات تجيني الغيره منهم ولكن ماشي الحسد واحد نهار جاو عدنا الناس و حماتي كاتقول ليهم عيالات ولادي حاملين الا هادي راه مسكينه باقي و هي الاولى زعما غادي يسبقوها و بداو الناس كايقولو مسكينه ناريييي مرضت في خاطري بزآاف وليت حساسه بزاف و نبكي كاتحرجني قدام راجلي و الناس ولا كلشي كايقول انا عاقر المهم بنت تزوجات بنت خالي حتا هي حملات دغيا اوا بدات كاتقول ليا خاصك تحملي راه توصلي لواحد السن ماتولديش و تمرضني انا كانفرح ليهم و هما ماحسينش بيا ولات اي وحده تلاقى بيا تقول ليا ماكينينش وليدات عييييييت مانفسر ليهم و والو مليت من هاد السؤال اوا نرجعو لعيالات لوايسي ولاو نكونو انا و راجلي و يجلسو ويبداو يبانو عليا بكروشهم و يسخرو فيا نوضي جيبي لينا حنا متقلين و حماتي حتا هي معاوناهم كانسكت وديما كانطلب ط§ظ„ظ„ظ‡ و نستغفرو و راجلي مسكين كايقول ليا نتي هي ولدي و بنتي ولكن مابغيتش حتا هو نحرمو كايبقا فيا خصوصا من نهار لي ولدو مانحكيش ليكم جاني انهيار عصبي حماتي كانت بالعمره و سمعتها في تلفون كاتبارك للمرات لوسي و تقوليها حضي راسك من فلانه ماتخليهاش تهز ليك البنت سمعتها و تزنك وجهي خرجت في التاكسي كانبكي و كانبكي الدم بكيتو زيدو عاود تانو ولدات الاخرى وايليي مجموعين الناس و كاتقول ليهم بقات لينا نوبه ديالك طلقي راسك و الناس كايشوفو فيا كلشي كايقول مسكينه عقوباليك
ديري المساخن ديري هادا ديري داك
راجلي بداو عليه اوا ابا افلان بالي راه لوليدات خاسهم يكبرو معاك تزير مسكين حسيت بيه والله مين طلعت نشوفف لولد حبساتني ماماها في الباب قالت ليا راه ناعس بزز حتا يفيق اوا حسو بيا ديك الساعه و ط§ظ„ظ„ظ‡ و انا كنسلت في صباطي باش ندخل
اوا دابا حماتي مابقيت ساويه عندها والو قالت ليا واحد الكلمه قالت ليا دابا فلانه و فلانه ولاو مشاركين معانا الدم نتي دابا باقا كاندخل الدار بحال لبرانيه كانشوف البيبي قلبي ايتهز كابغي نهزهم و نلعب معاهم و نبوسهم و نحضنهم ولكن ماكيخلونيش

الصراحه و ط§ظ„ظ„ظ‡ واخا نبقا نعاود حتا الصباح ماغديش تحسو بيا ولي في قلبي حيتاش انا قبل مانتزوج كنت نسمع شي مرا ماكتولدش كاتجيني عادي ولكن دابا كانحس بيها مزيآآآآآآآآان

سمحو لي حكيت ليكم قصتي راه دخلت لمنتدا كانبغي نسي شويه و نضحك ولكن راه ربي لي عالم بيا
ماعرفت اش نديرالدم حشاكم تلخبطات عليا تجيني على 40 يوم تخيلو نفسانيا تدمرت حلمي الوحيد اني نسمع كلمه ماما يارب لا تدرني فردا و انت خير الوارثيت لهلا تحرم كل مسلمه من هاد النعمه يارب

---

krgj g;l rwm pgl hlvhm fhghk[hf hggi dfu] ugdkh av hgogr ,rgj

هاد القصة بكاتني و الله يرزق هاد السيدة الذرية الصالحة هي و كل محرومة يا ربي في القريب العاجل
تفكرت راسي حتى انا كنت كنعاني من نظرات الناس و من التساؤل ديالهم كل مرة كيشوفوني فيها حتى وليت كنتجنب نتلاقى بيهم في اي مناسبة
و حتى انا مرات خويا تزوجات من بعد مني ب 3 سنين و حملات و ولدات تبارك الله وليد الله يفرحها بيه و نهار مشيت نبارك ليها قلت مع راسي دابا تقول لي شي كلمة او متبغينيش نشد ولدها بالحق الله يحفظها مسكينة اول مشافتني عطاتني الولد و قالت لي راني دعيت معاك بزاف بزاف ملي كنت كنولد باش ربي يعطيك باش تفرحي و ماماها مسكينة قالت لي و الله متكمل فرحتي حتى تحملي نتي و نشوف وليداتك عاد نفرح
و سبحان الله حملت في نفس الشهر لي و لدات فيه مرات خويا و ربي كمل عليا الحمد لله وولدت بنوتة الله يحفظها من بعد 6 سنين ديال الزواج
و الاسبوع لي فات كان عيد ميلاد ولد خويا كمل عام تبارك الله و انا هازة بنتي عندها شهرين و نصف و بقينا كنضحكو و كنقولو سبحان الله شكون قال حتى انا نكون هازة وليداتي في عيدو الاول

ربي كبييييييييييير و رحمتو كبيييييييرة و هو الرزاق الوهاب
في العوض ميبقاو على هاد السيدة بالهضرة المسمومة يدعيو معاها دعوة الخير راه ربي كيستجيب الدعاء

الحمد لله و الله يرزق كل محرومة

و الله بكيت من قراءتي لهذه القصة لأنني أحس بها.يا ربي لا تحرمنا جمييييييعا من الذرية الطيبة يااا رب.أختي صاحبة الموضوع إيلا كان ممكن تقولي لينا شكون صاحبة القصة للتواصل و شكرا لك

يارب يفرحها يفرح جميع المحرومات فعلا المجتمع مكيرحمش ولكن الله رحيم يارب يسر ليها وترزقها الدرية الصالحة

اهلا ام لجين الله يجازيك بخير مشيت عند الطبيبة فعلا كيف ما عودتي عليها كدخل القلب الله يخلي ليك بنتك

السلام اخواتي في الله
بقات فيا الاخت بزااااف و حاسة بها بحيث بقيت حتى انا سنتين و نصف عاد يسر لي الله فالحمل وانا دابا فشهري الاول
حتى انا كانت عندي الحيض مخربقة اعزكم بعد ما قطعت حبوب منع الحمل لانني استعملتها 3 سنين و 3 اشهر حيث ولدت بعملية قيصرية وانا فالغربة
كلت خليني حتى اكبر ولدي شوية و بقيت مع المعاناة داز العام الاول والو العام الثاني و كذلك كلشي بداي كايسول كلشي مترقب فينتا نحمل و كثرو عليا العيون
ملي دوزت انا والزوج ديالي كلشي كان عندنا مزيان ولله الحمد استعملت الاعشاب بانواعها بلا فائدة مشيت للطبيبة عطاتني الكلوميد استعملتو شهرين جاني قاسح اعراضو صعيبة عليا بزاااف الدوخة والغثيان و الم فالمبيضين فظيع جدااا قطعتو و وكلت امري لله سبحانه وتعالى
واحد النهار كنتفرج فقناة الصحة والجمال فبرنامج الرقية الصالحة اثار انتباهي ان اغلب المتصلات نساء يعانين من تاخر الانجاب واثرات فيا وحدة حالتها بحالي
فالولدة الاولى حملات من شهر اول زواج و من بعد مجاب ليها الله بحيث استعملات الاعشاب والادوية بلا فائدة تما قال لها الشيخ انها غتكون مصاب بالحسد والعين وانه غايعطيها علاج من الجذر لي هو كتابة سورة الفلق الف مرة بقلم الرصاص بتمعن وتركيز و كذلك قراءة سورة البقرة كل يوم حبذا لو اكون فساعة قبل الفجر و قراءة سورة يوسف كل يوم و المواظبة على اذكار الصباح والمساء و الرقية الشرعية انا ساعتها كانت فيا الحيض اعزكم الله مباشرة بعدما تنقيت منها طبقت كل كلام الشيخ بحيث كنفيق ساعة قبل الفجر كنصلي ركعتين قيام ليل و كنقرا سورة البقرة اصلا فيها ساعة بيما وصل الفجر كنصليه وكنقرا اذكار الصباح وننعس وفالظهر كنقرا سورة يوسف و كتبت سورة الفلق بحيث كنكتبها 20 مرة بعد كل صلاة وبذلك كنكون كتبتها 100 مرة فاليوم و خلال 10 ايام ساليتها
و لله الحمد و كانت المفاجاة انني حملت فنفس الشهر لي طبقت فيه كلام الشيخ بعد تيسير من الله عز و جل و بعد معاناة سنتين ونصف
لذلك انصحكن اخواتي ان تطبقنها بالحرف عسى الله ان يجعل فيها علاج لكن
والله اييسر لكل المنتظرات بالذرية الصالحة المعافاة

ا

هلا اختي العزيزة
كيف دايرة و كيف احوالك
طمنيني اشنو قالت ليك الطبيبة و كيف كان تعاملها معاك اختي
نتمنى نسمع عليك اخبار الخير في القريب العاجل
الله يفرح قلبك اختي

habibti laaaaaah yafrhak had cher inşallah ya rab ba9iti fya ahbıba rabi kbyer

اللهم يا ودود يا فعال لما تريد يارب العالمين يارحمان يارحيم يارب العالمين ارزق اختنا هده بالحمل قريبا و جميع المنتظرات يارب العالمين

اسال الله ان يفرح هده السيدة و كل المنتظرات بالدرية السليمة الصالحة عاجلا امين امين امين
اختي قفي بين يدي الله في الثلث الاخير من الليل و بثي اليه شكواك و حاجتك و كوني على يقين انه سبحانه لن يردك خائبة
و نساي عليك دوك العيالات راه ما عندهم قيمة لانهم ما احترموش مشاعرك و كيستهزؤو ب قدر الله
كيسحاب ليهم عطاهم الله درية را كيحبهم
افضل رزق هو رزق الايمان….حافظي على نفسيتك راها ضرورية لحصول الحمل…
قال الله تعالى….و اعرض عن الجاهلين