السلام عليكم
هاد الموضوع كايهم لي مازال ما رسات مع نكافة تريتور الجوق. كلنا عارفين صحاب هاد الحرفة ما يقد عليهم غير لي خلقهوم وباش مانخلليهوم فين يشمتوني وجدت هاد لسيت. بلا مانطول نبداو:
التريتور :
ـ قولو يقول ليكم العشا شنو فيه بالتفصيل
ـ الحليب والتمر واش داخل و إنا نوع ديال التمر
ـ Amuses gueules أو الفاكية لي كتكون فوق الطابلة
ـ أشكال الحلوى لي غادي يدير شحال من نوع ديال اللوز و شحال روميين
ـ أنواع العصير
ـ الماء المعدني (ماشي يبدا ب سيدي علي و يكمل من روبيني)
ـ بواط ديال كلينكس أولا منادل فازكين من غير المنادل العاديين
ـ ختارو نتوما الطبلة ، لاناب ، الكراسى ، الكيسان ، والطباسل
ـ حددو معاه واش بغيتو الزرابي أو الموكيط ولا الموكيط للاستعمال الواحد
ـ الديكور ديال الطبلة
ـ ما تنساوش المائدة الشرفية ديال العرسان خسها تكون مختلفة
ـ العدد ديال السرباية لي بغيتو
ـ العدد ديال الطوابل و الكراسى للاحتياط
مخالف
النكافة :
ـ اللباسي الاكسسوار كلشي يتصور
ـ العمارية و الميدة حتا هوما يتصورو
ـ المرتبة إلى خديتوها من عندها
ـ التسلسل ديال اللباسي
ـ كوافورة إلى ممكن تكون معاك
نتمنى نكون فدتكوم شوية ما تبخلوش عليا إلى نسيت شي حاجة
في أمان الله
kr’ ugn hgpv,t
ـ شحال ديال التصاور يخرج
ـ يدير ليكوم التصاور ف cd
ـ شحال من نسخة يخرج ليكوم على العرس
ـ من الأفضل تبداو التصاور من الكواليس فنظري هادوك هوما الدكريات مثلا فاش تكوني كتصاوبي أو فاش مولاي السلطان يكون كايقاد راسو … و يصور المدعوين في الدخلة ديالهوم ……