تكثر المواضيع و تكثر التساؤلات فكلنا كنساء سواء زوجات او بنات عازبات كيهمنا كل ما له علاقة بنظافتنا و راحتنا الشخصية من منبت الشعر الى اخمص القدمين فديننا اولا وقبل كل شيء كيحثنا على النظافة و حسن الخلق و الخلق فالنظافة من الايمان و الايمان من الاسلام المهم كنضن عرفتو موضوعى علاش غيتكلم النظافة ط§ظ„ط´ط®طµظٹط© و الاهتمام بالجسم و بشكل خاص المناطق الحساسة نتمنى يكون موضوعي مفيد و ان شاء ط§ظ„ظ„ظ‡ نشاركم بلي تانعرف و طريقتي في ط§ظ„ط§ط¹طھظ†ط§ط، بنظافتي الشخصية و هدفي غير الافادة مع دعواتكن الطيبة لاني تانعرف ان الكثير منا تايجهل بعض الاشياء المهم في ط§ظ„ط§ط¹طھظ†ط§ط، ط¨ط§ظ„ظ…ظ†ط§ط·ظ‚ الحساسة فالحشمة و الخوف و بعد المرات الارتباك مكيسمحوش لينا نسولو ابسط الاسئلة المهم الموضوع ان شاء ط§ظ„ظ„ظ‡ غنحاول نجمع فيه كل معلوماتي و نحاول ما امكن نبسط و نرفق الكلام بالصور باش تكون الافادة اعم بادن الله تابعوني انيقاتي
k/htj; hgaowdm , hghujkhx fhglkh’r hgpshsm fhgw,v hgavp Hojd l,q,u hggi hgsghl hgsghl ugd;l hgwvp chokran hojd fodv ]hzlh v,,,,,,,,,,um ugn ugd;l ,hkh kwhzp ;hlg
نبداو بالأساسيات 
ولي لابدا تكون متوفرة عند كل سيدو و كدلك كل انسة هدو البروتيج سليب او حافظات الباس الداخلي 
و هما مخصصين للاستعمال اليومي هادو الصناعيين انا تانستعملهم فالسفر او ملي تيساليو ليا البروتيج سليب لي تنصايب بيدي كيف سبق الدكر لأنني تنفضل الحاجة الطبيعية خصوصا الا كانت فاحتكاك مباشر باكثر المناطق حساسية فجسمي و هادشي علاش تانصايبهم بالتوب القطني باش تانكمطو التربية راه معروف و ان شاء الله ملي نسالي نصور ليكم الطريقة باش تانصايبهم بالتفصيل هادو طبعا لا غناى عنهم نهاية كل دورة 
كلكم عارفينهم الفوط الصحية و البروتيج سليب او الفوط الصحية ضرورية لكل النساء سواء متزوجات او بنات اما هاده فخاصين بالمتزوجات فقط 
الا وهما لي تومبون Tampons او الفوط الصحية الداخلية لي تاتوضع داخل المهبل وقت الدورة و للتذكير بالنسبة للاخوات: التومبون مزيانين بالنسبة للمرأة المتزوجة اولا حيت داخليين يعني كيتوضعو فالمهبل و تيصمو الدم حشاكم و ثانيا حيت عمليين صغار و ممكن تهزيهم معاك غير فجيبك ههههه و طبعا الإستعمال ديالهم بسيط كتوضعي التومبون فمكانو و خصك تبدليه كل 2 ساعات او على الاكثر 4 ساعات ماشي تعمليه و تنسايه ، و كاين النسا لي مكيوافقهمش لي كيكون عندهم المهبل حساس بزاف اما النسبة لعلاقة التوبنون بالدورة الشهرية و الجماع فهو كيحيد إحراج ظهور الفوطة الصحية والمعروف ان الله حرم علينا الجماع اثناء فترة الحيض ولكن فنفس الوقت حلل للزوج التودد و التغزل بزوجته فهذه الفترة باش ميتحرم لا الزوج او الزوجة من إشباع رغباتهم سبحان الله الإسلام يحرم المباشرة وقت الحيض لان فيها مضار لكل من الرجل و المرأة لان دم الحيض نجاسة كيطردها الجسم للخارج فمخصهاش تعاود تدخل لكن لا ينهى عن ملاطفة الزوج لزوجته فهاد الفترة بل كيشجعها لما يمكن ان تخفف عن الزوجة من الام النفسية و الجسدية لي كتمر بيها وقت كل دورة شهيرية و اكرر تومبون او الفوط الصحية الداخلية لي تاتوضع داخل المهبل خاصة بالنساء المتزوجات فقط فقط فقط فوقت النعاس او ملي تبغي تلبسي شي سروال و تزيني لراجلك فدارك بلا متبان الفوطة الصحية وقت العادة الشهرية و لا تناسب كل النساء لانها ممكن تسبب للبعض حساسية ممنوع على البكر استعمال التومبون لانو تايدخل للمهبل اكتفي بالفوطة الصحية العادية الخارجية فقط والله اعلم
ندوزو للاعشاب الأعشاب بصفة عامة هي للجميع كبار و صغار نسا و رجال… ولكن طبعا كيف تيقول المثل كل ما زاد عن حدة انقلب الى ضدده فكيخصنا نستعملوها يمقدار معقول و بطريقة صحيحة باش نستافدو منها بلا اضرار و اول حاجة تايخصنا نتاكدو منها ملي نبغيو نشريو الاعشاب هو انها تكون جديدة و طبيعية و هدا بملاحظة اللون ديالها و ريحتها فبطبيعة و الفطرة غنتعلرفو على العشبة القديمة و العشبة الجديدة الطرية و الصحية نعطيكم مثل بسيط : الا بغيتي تشري القزبر او المعدنوس او النعناع مثلا بالفطرة تاتشدي الربطة و تبداي تقلبيها و دوريها واش خضرة و طرية او بدات تصفار و تديال و كتشميها باش تشوفي واش باقي ريحتها عاطية او فقداتها و هدا لي كيعني انها قديمة و مصالحاش و نفس شي بالنسبة للاعشاب الجافة بحال الخزامة او البابونج او ازير او الورد …و غيرهم فبالفطرة غتلاحضي لونهم واش باقي عاطي للعين و الريحة واش تاتشم حيت الا كانو قدام متتبقاش فيهم الريحة الطيبة بل تاتولي ريحة الغمولة و اللون تايولي باهت قريب للرمادي او البني الفاتح و الله اعلم
و هنا غنتكلم على الاعشاب لي لابد متكون متوفرة فكل بيت و لي تاتنفع الجسم و الصحة بشكل عام و تاتستعمها النساء فالحفاظ على الصحة و النظافة ديال المنطقة الحساسة بشكل خاص نبداو اولا بالبــابونـــج Chamomile 
هنا صورة ليه طري عرفتوه ياك! هو ديك الوردة لي كنا معديين عليها بالنتيف وحنا تانقولو كيبغيني مكيبغينيش هههه و هدي صورته مجفف 
و حنا غنستعملو المجفف لانو هو المتوفر طيلة ايام السنة انا تناخدو منعند العطار بشرط يكون مجفف جديد ماشي قديييم و ريحة الغمولة عاطية فيه ة خاص تكون فيه ريحة الزهرة باقي تاتشم واخا مجففة مع العلم ان ريحتو خفيفة ماشي مجعدة ممكن تاخدي الكمية لي بغيتي 5 دراهم او اكثر و تنقيه طبعا من الشوايب لي ممكن تكون فيه كيف تانقيو القمح اما بالنسبة للاستعمال فهو عندو استعمالات كثيييرة شرب و يغسل به داخليا و خارجيا و تعمل به كمادات ولكن حنا غنقتاصرو على الاستعمالات المخصصة بموضوعنا و لي بغات تعرف عليه اكثر فسي google موجود 
اولا استعماله كمخفف الالام الدورة الشهرية و الطريقة بسيطة هيا بغلي الماء و بعدها ناخدو ملعقة صغيرة من ازهار البابونج و نغسلوها بالماء البارد و نديروها فكاس و نكبو عليها الماء المغلي غير يبدا يصفار الماء نصفيوه و هو باقي ساخن (حيت الا خليتوه يطلق بزاف تيحرار ) و نحليوه بالسكر او العسل و نشربوه بالصحة و الراحة 
و هادشي طبعا نداومو عليه قبل الدورة بيوم و نستمرو طيلة ايام الدورة فهو كيشاعد على تنضيف الرحم وفنفس الوقت كيخفف الوجع و معروف على البابونج انه مهدئ للاعصاب ونتوما عارفين كيف تانكونو وقت الدورة على سبة فهو كيساعد شوية و يهدي الاعصاب البابونج صالح للجميع اكلا و شربا و تداويا غير الجرعات كتختالف طبعا و طرق الاستعمال بالنسبة لموضوعنا فالبابونج يستعمل: 1- للشرب باش كيخفف الام الدورة و كيساعد فتنضيف الرحم فوقت نزول الدورة و الطريقة بانك كتغلي مقدار كاس كبير حليب و تاخدي مقدار ملعقة كبيرة ديال البابونج نقي و مغسول و طبعا جديدة و ريحته عطرة و تكبي عليها داك الحليب المغلى و تخليه حتى يدفى و تصفيه و تشربيه محلا بشوية العسل او السكر و تمشي تغطاي و تنعسي 2- للاستنجاء (اعزكن الله) و الطريقة انك كتاخدي لتر من الماء و تغليه مزيان و تاخدي مقدار 3 ملاعق كبيرة من البابونج دائما نقي و مغسول و جديد و تكبي عليه الماء المغلي و تخليه شوية يطلق فيه وبعدها تصفيه باقي سخون و ديريه فطيرموس مخصص لدلك و وقتما بغيتي تستنجاي داك النهار تكبي منها و تكرري هادشي يوميا لانه كينضف و تيعطر فنفس الوقت ولكن لابدا من التنشاف جيدا بعد الاستنجاء و الوضوء 3- كحمام بخاري للمنطقة و الاغلبية تايستعملوه فحالة حريق البول حشاك و الاصابة بالفطريات و كيتم الحمام بغلي الماء 1 ليتر مثلا و اضافة الخزامة و الشيح و البابونج للماء و هو ساااخن و تخليه يطلق شوية و تبوخي بيه بمعنى ديريه فسطل و تجلسي عليه بلا مايوصلك الماء غير البخار ديالو تحسي بيه على بشرتك يكفي و بعدها تنشفي راسك من البخار و تلبسي مزيان و الله اعلم
و كيف قلت للبابونج استعمالات داخلية و خارجية اما عبر الفم او الجلد او المنطقة الحساسة و ممكن عمل حمام البابونج او التبويخة كيف تانقولو بالدارجة و هي صالحة للجميع بنات كانو او نساء متزوجات الانها خارجية و كناكد على كلمة خارجية و تبويخة او حمام البابونج تاينفع المراة فالدورة الشهرية و فالنفاس بشكل عام لانو تايساعد فتنظيف الرحم من الدم و الطث اعزكن الله و هنا صورة تاتوضح دلك قبل الحمام البخاري و بعده 
بعد الحمام البخاري 
اما الطريقة فتتبقا هي نفسها اي اننا تانغليو الماء مايقارب او يفوت 1ليتر من الماء 
و نضيفو ليه 3 ملاعق كبيرة من ازهار البابونج و لابد يكون الماء ساخن باش يكون البخار كثيف 
و بعدها تجلس فيه السيدة او البنت و طبعا غتحسي بالبخار و السخونية تاطلع معاك و لي فيها البرد يعني شاربة البرودة او فيها حريق البول حشاكم غتحس برغبة فالتبول مباشرة فهو نيساعد على طرد البرودة من المراة و لابدا ماتخلي شوية من الغلية على جنب ملي تحسي براسك رتاحيتي و الماء بدا يبرد ستنجي بالماء و البابونج لي خليتي على جنب و تشفي مزيان و بالصحة و الراحة
و ينفس الطريقة ممكن عمل حمام داخلي و لكن بالطبع هو خاص بالنساء المتزوجات فقطط لانة كيف سبق الدكر داخلي فممنوع على البنات و كيتعمل فالحالات المرضية باشراف و بنصيحة من الطبيبة ماشي بشكل اختياري يومي او عشوائي و هو ممكن عملو منزليا بنفس طريقة مغلي البابونج او ممكن شراء الغاسول فالصيدلية اي اننا تانغليو الماء مايقارب او يفوت 1ليتر من الماء و نضيفو ليه 3 ملاعق كبيرة من ازهار البابونج ونخليوها حتى تكون بنفس حرارة الجسم او حتى تبرد تماما و نعملوها فالقطعة الخاصة بالحمام الداخلي و نعملو الحمام طبعا اعيد لنساء المتزوجات فقط و باستشارة الطبيبة النسائية و في حالات الضرورة فقط منكثروش من الحمامات الداخلية لانها كاتنشف المهبل من الافرازات الطبيعية ديالو 
انا متننصحش بيه الا فحالات ان الطبيبة ديالك هيا لي توصفو ليك كعلاج لان الرحم و المهبل اعضاء جد حساسة و عندها افرازاتها الخاصة لي خلقها لينا ربي باش تنضف بشكل اوتوماتيكي سبحان الخلاق يتبع
و دابا ملي تكلمنا على طرق الاستعمال للبابونج فهاد الطرق تاتنطابق على باقي الاعشاب لي غندكر يعني بلا منكرر راسي و كناكد على ضرورة التاكد من ان العشاب جديدو واخا مجففة يعني ديال السنة ماشي ديال 10 سنوات مثلا و تكون محافظة على ريحتها العطرة و لونها الخزامة 
الشيح 
أزير او اليزير هنا مجفف و هنا طري
و بنفس طريقة استعمال البابونج ممكن اسنعمال الخزامة و الأزير ( اكليل الجبل Romarin) و الشيح و ايضا الورد وكاينة اعشاب كثيرة تايعرفوها جداواتنا و النسا الكبار ولكن انا هادو لي كنستعمل اكثر شي
الدورة الشهرية بالنسبة لالام الحيض فكتختالف من انثى لاخرى كاينة للي كتجيها خفيفة و قليلة و كاينة للي كتقدر تنعس فالفراش من الالم اصابع اليد ماشي كيف كيف و الام لابد منها خفيفة او كثيرة هي شيئ طبيعي اثناء الدورة لانه بكل بساطة الرحم تايعصر راسو باش يخرج كل الطمث الغير مرغوب فيه و يجدد البطانة ديالو سبحان الخلاق هدا واقع تاعيشو نهاية كل دورة ولكن الالم ممكن يولي لا يحتمل و ينعس فالفراش او حنا نزيدو على راسنا خصوصا الا كثرنا من اكل البارد و محضيناش مع البرد و كاية ادوية تاتخفف منو ولكن افضل شي الاعشاب الطبيعية نصحك ملي تحسي بالدورة قربات يعني 3 ايام قبل تكثري من اكل التمر و شرب الحاجات الساخنة بحال الحسوة بالكامون و سكنجبير و ممنوع تشربي الحاجات الباردة من الثلاجة او تاكليها و ممكن تديري شوية المساخن فالاكل ديالك و كدلك ولي تغلي الحليب و ضيفي ليه حب الرشاد او على القرفة او على الخزامة او البابونج او الزعتر او فليو كلها حاجات كاتخفف من الالام و كتهدي الاعصاب و فنفس الوقت كتساعد على تنظيف الرحم كلشي فعال ولكن الي تيحدد الفعالية هو الدوام و الالتزام الازرعتي شجرة خصكي تصبري و تهلاي فيها با تاكلي ثمارها ممكن تخلطيهم ولكن غير القياس فمثلا الا كنتي غتعملي البابونج بوحدو ملعقة وحدة صغيرة او كبيرة الا كنتي غتضيفي ليه الخزامة فتعملي تصف ملعقة من كل عشبة و هكدا يعني تديري الكميات بتعقل و فالنت ممكن تديري بحت عن فوائد كل عشبة لانني مبغيتشي ندير كل عشبة هنا على حدة والا غيتحول الموضوع لموسوعة اعشاب و ينقلوه لينا ههههه ويلا كان عزيز عليك البابوش 
فولي تاكليه قبل الدورة بيومين او 3 و كوليه و شربي مائو راه غتولي بحالا تاتكدبي وتحسي بالالم خفييييييف ولكن طبعا المداومة هيا لي تاتجيب نتيجة و انا تانتكلم عن تجربة لان ختك كانت وهيا بنت متتسمعش الكلام هههه تاتعيا ماما مسكينة توصي و تطيب لي لعشوب والو نبقا نقز حتى تجي لالامولاتي و نبقة نتلوى بالوجع و مع دلك مكنتش ككنشرب العشوب و نبدا نتبوحط هادي خايبة هادي حارة هادي سخونة ولكن دابا لقيت راحتي الحمد لله و داومت على هادشي لي قلت ولات الدورة تاتجيني خفيفة و الوجع تايكون خفيف و فاليوم الاول فقط فحين كنت تانعس 2 او 3 ايام وانا تانغوت بجنابي و هد النصيحة للجميع و ان شاء الله تلقاو فيها راحتكم يا بنوتات و يا ستات و الله يغطيكم بلباس الصحة و الهنا احبيبات
بالنسبة لماء الاستنجاء او الضوء اعزكن الله للمنطقة الحساسة للي كتكونو غليتو فيه الاعشاب بالطريقة للي سبق و ذكرت بالصور و التفصيل فمن الاحسن تحفظوه فطرموس باش يبقى محافظ على حرارتو اطول مدة فاليوم باش تتفاداو تستنجاو بالماء البارد اي طرموس يقضي الغرض المهم يكون نظيف و كيحفظ الحرارة 
ممكن تاخذي غير دوك صغار ديال 13 او20 درهم طبعا غيولي خاص بالوضوء او الإستنجاء اعزكم الله فمتستعمليهش لحاجة اخرى
أولا إزالة شعر العانة من سنن الفطرة للرجل والمرأة . … فمن سنن الفطرة هي حلق العانة ونتف الابط . ولنا في رسول الله وزوجاتة امهات المؤمنين أسوة حسنة فما ورد عن النبي وأمهات المؤمنين هو: حلق العــانة ونتف الأبــط التخلص من الشعر امر كيهم كل انثى لكن طبعا هو مــــــو شكــــــيــلة و كل سيدة او بنت و الطريقة للي كتتابعها و كتفضلها انا شخصيا لا احلق لان عندي الحساسية يعني إلا استعملت موس الحلاقة او الرازوار تانولي كلي حبوب و ولسيس الله يستر و تانصدق فالطبا و الدويان حلقت مرة وحدة فحياتي كااااااملة و كانت الأولى و الاخيرة ههههه و منعاتني الطبيبة و طبعا الخوف فمبقيتش قربت للرازوار بالنسبة لإزالة الشعر تنستعمل الكريم المزيل للشعر (مع انه كيماوي و طبعا مضر لكن لا خيارات) اما النتف فافضل استعمال لاسير الباردة فرواد لانها تاتهني شهر كامل تقريبا فتنضمن النظافة و هادي بعض انواع لاسير فرواد 
و هنا بقشت على طريقة فالنت لاني منقدرش نصور راسي ههههه لطريقة نزع الشعر ببلاسير فرواد من الابطين 
طبعا لاسير كتقصح راه شعرك هداك ماشي ديال الجيران هههههه لكن كتتالمي واحد 5 دقائق و كتتهناي شهر ميزتها انها كتخف الشعر مع الوقت يعني مكيبقاش كثيف و كتخلي المنطقة نظيفة لمدة اطول ممكن توصل لشهر مع دوام الاستعمال