نصيحة : لي خبزها تيقصاه وتينشف في فران الضوء تدخل

انا شفت بعض الاخوات تيتشكاو من ظپط±ط§ظ† ط§ظ„ط¶ظˆط، سواء كويزينيير او ظپط±ط§ظ† ضوء عادي بلي تقصاح لهم الخبز فيه وحبيت نفيدك بالتجربة ديالي

حتى انا كيصرا لي نفس الشئ لكن شنو تنعمل ؟

اولا العجينة تنعملها مرخوفة مشي جارية يعني تتلصق في اليدين وبلا ماتصدعي راسك بالدليك بزاف غير شوية وخلاص بين ما تنساجم لك المقادير وصافي دري عليها شوي دقيق وخليها تخمر

من بعد في التقراص خليه شوية غليظ ما ترقيقهش بزاف عاوني بالدقيق باش ماتعذبكش وقرصيها نيشان في اللاطة لي غتدخل للفران لانك مغتقدريش تهزيها وتحطيها في الطراح دخليها باللاطة ديالها طيب من بعد ما تخمر مرة اخرى

سخني الفران مزيااااااااااان ودخليه وماتعاوديش تحلي عليه باش يجيك منفوخ حتى تعرفيه طاب يعني اقل شئ نصف ساعة

يعني ملي تحلي غير باش طلعيه اتحخمر وحلاص

ملي تخرجيه وهذا هو السر والخطوة المهمممممممة وهو سخون ما تخلهش ابرد ديريه في كيس بلاستيك ثم كيس اخر ولفيه في زيف وخليه حتى تيبرد على خاطرو

وردي علي الخبار

ممكن تحتافظي به في المجمد وملي تبغيه جبدي قياسك وحطيه في الفران مباشرة عاد شعليه وخليه وحد 10 دقايق وملي تجبديه عاودي لفيه في كيس ولا 2 حتى لوقت التقديم

او حطيه في كوكوط وسدي بلا صفارة وخليه على نار مهييييييييييييييييييييييييييييييييلة 5 حتى 10 دقائق وهاهو وجد بحال عاد طيبتيها

صدقوني راه تيجي الخبز هشيييييييش ومنفوخ بحال الكيكة

لي درت الدقيق الكامل تزيد في العجينة و2 او 3 معالق زيت الزيتون باش يجيها فتي

اي سؤال مرحبا ولي جربات ترد علي الخبار