أنا بديت كنجهز المطبخ ديالي وخاصني دابا فران وفورنوات وعندي 3 ديال الاحتمالات ةبغيت رأيكم ونصائحكم بخصوص كل احتمال:
1- نشري كويزينيير كبير (الفورنوات 4 أو 5 بالفران ديالو)
2- نشري لا بلاك ديال الغاز أي ديال الفورنوات لي كتكون encastrée فالبوطاجي + فران ديال الغاز عادي
3- نشري لا بلاك ديال الضو (راجلي بغا كلشي يكون بالضو) + فران الضو
ما عرفتش شنو المحاسن والمساوئ ديال كل حاجة: عندنا فدارنا كويزينيير ديال الغاز عادي بالفران وزعما عادي قاضيين بيه حاجة, وفران الضو كنا شريناه واحد المرا مارك itimat ولكن كان مكيطيبش الخبز مزيان من الجناب وثقيل فالطياب.
بالنسبة لغاز راجلي كالك كيفضل كلشي يكون بالضو باش نقللو المخاطر ديال الغاز الله يحفظ وحتى الفايد سمعتو كيقول الطياب بالغاز مشي صحي.
شنو رأيكم؟؟؟
الله يخليكم كل وحدة تكوليا شنو الأفضل لي نشري
kwp,kd uhth;l>>>qv,vd hgf,’h ,hgtvhk uhth;lqv,vd