هادي مجموعة من النصائح في ط§ظ„طھط±طھظٹط¨ و التنظيف ,غادي تساعدك ان شاء الله في ربح الوقت ,وبدون مجهود ,وان شاء الله تعجبك النتيجة
بعد المرات كيصعاب علينا نزولوا التيكي الملصق على الكؤوس الجديدة,او حتى القارورات ديال المربى او العصير الي بغينا نستعملها فاغراض تانية,الطريقة انك تاخدي سيشوار وبالحرارة ديالو التيكي غادي يزول بكل سهولة
دايما عندنا مشكل الفوط البيضاء من كتصبن بماء جافيل كترجع حرشة ,الطريقة بدل ماء جافيل استعملي عصير الحامض ,فهو غادي يعطيك البياض والملمس الرطب للفوط ديالك.
باش تنظفي الشمع الكبير ديال الديكور , استعملي تقاشر قديم ديال النايلون.
باش تنظفي القارورات الي الفم ديالها صغير ويصعب تنظيفها , استعملي الارز مع ماء دافي وخلطي مزيان , وغادي تحصلي على نتيجة مرضية.
الطريقة الاحسن لتنظيف الخضروات هو انك توضعيها في ماء به ملح.
الطريقة باش تنظفي المكنسة الكهربائية من الشعر و الخيوط ,استعملي هاد المقص الخاص بالخياطة.
لتلميع الخشب استعملي السيراج الخاص بتلميع الاحدية.
لتنظيف اليدين من الزيت او gريس استعملي السكر مع شوية ديال الماء وفركي مزيان.
لتنظيف الزليج ديال الحمام ولا المطبخ,استعملي الشيتا ديال السنان القديمة الي غادي ترميها.
لتنظيف شاشة ديال التلفاز او الكمبيوتر , استعملي الفلتر ديال القهوة.
لتنظيف القطاعة ديال الخضرة, استعملي نصف ليمونة وفركي سطح القطاعة وخليها ساعة و من بعد نضفيها .
لتنظيف المراة او النوافد من الصور اللاصقة ,حكيها بشوية مايونيز ومن بعد زوليها بكل سهولة.
لتنظيف طحانة ديال القهوة من القهوة , طحني فيها شوية ديال الارز , من بعد زولي طحين الارز غادي تتنظف بكل سهولة من كل بقايا القهوة العالقة .
لتنظيف الاواني النحاسية, غادي تاخدي مقدار متساوي من الخل الفرينة والملح, تحكي النحاس ديالك من بعد غسليه ونشفيه,وغادي تحصلي على اللمعان الي بغيتي.
يتبع ……..
ان شاء الله
kwhzp gdwfp hgjvjdf ,hgjk/dt hsig ,hsig
نصائح رائعة
احلى تقييم
تابعي
العفو وشكرا على ردك
كنتمنى تابعي الموضوع هناك الجديد ان شاء الله
شكرا على ردك
وشكرا على التقييم
العفو وشكرا لك
وكل عام وانتم بخير
غادي نواصل الموضوع ديالي
وكنتمنى منكم شي دعوة زينة ,باش ربي يسهلي اموري كلها فهاد الايام المباركة
كتابة الموضوع من مجهودي الشخصي,الافكار من مواقع اجنبية عديدة من تجارب الاخرين
دائما في مجال التنظيف
للتخلص من رائحة الثلاجة ,استعملي اكياس الشاي المستعملة فهي كتعمل على امتصاص الروائح المزعجة فتلاجتك.
للتنظيف المطبخ من الحشرات المزعجة كالنمل ,استعملي القرفة رشيها في اماكن في المطبخ غادي تتخلصي منو,فرائحة القرفة تعمل على طرد النمل.
لتنطيف حنفيات المطبخ والحمامات , قومي باستعمال معجون الاسنان,فهو كيقوم بتلميع الاسطح المعدنية, ايضا معجون الاسنان يزيل رائحة الثوم من اليدين.
لتنظيف الاحدية وجعلها تلمع, استعملي كريم اليدين ,فهو غادي يخليها تلمع والجلدها رطب.
لتنظيف السيارة من الروائح الكريهة ,فكري باستعمال قطعة فحم, فهي كتمتص الروائح ,ومعروف ايضا اننا كنوضعوه داخل الثلاجة لامتصاص الروائح.
لتنظيف البانسو ديال الصباغة استعملي الخل.قومي بوضع البانسو فالخل مسخن مدة نصف ساعة , ثم نظفيها بالماء والصابون ,وغادي ترجع بحال جديدة.
لتنظيف الزجاج قومي بمسحه بالفلتر ديال القهوة , فهو مكيخليش الاثار , ويمكن ايضا تستعملي ورق الجرائد.
باش ترجعي لمقص كيقطع مزيان, استعملي ورق الالمنيوم , طويه عدة مرات , وقومي بتقطيه بالمقص وهاكدا غادي يرجع ماضي.
باش تنظفي طاولة المطبخ من اثار الي فيها , قومي بحكها بالميونيز.
لتنظيف الملابس من اثار الحبر,استعملي مطهر اليدين.
يتبع ,,,,,,,,,,ان شاء الله