أنا اليوم جيت نقدم ليكم بعض النصائح من تجربتي فالحمل بولدي الله يخليه ليا ط§ظ„طظˆط§ظ…ظ„ و الإنسان عموما كيحتاج يوميا لواحد المجموعة من الفيتامينات لي باش نوفروها خاصنا ناكلو واحد العدد من الخضر والفواكه فاليوم الواحد بعد المرات مكنقدروش نطبقو هادشي كين النهار لي كناكلو فيه نوع واحد من الخضر أنا فاش كنت حاملة باش نتفادى هاد المشكل ديال النقص فالفيتامينات كنت يوميا كنشرب زلافة ولا 2 ديال الصوبا يعني توجدي واحد الكمية ديال الصوبا وتخليها عندك كلا نهار شربي منها حتى تسالا وعاودي طيبي وحدا خرى المهم دائما تكون عندك و تاكلي نوع أو 2 د الفواكه يعني تشري متلا التفاح كلا نهار تاكلي منو على الأقل تفاحة يبان ليك قرب يتسالا عاودي شري و الحليب يولي عندك كاس فالصباح وكاس فالعشية يعني شي حاجة لي ضرورية بحالا كتشربي الدوا وتاكلي يوغورت فالليل من بعد العشا المهم أنا كنعطيك أقل شي ممكن تاكلي حتى كتر بالإضافة الفواكه الجافة يعني لوز كركاع ….متانقولش ليك راكي غاتاكلي الأطنان المهم واحد 7 ولا 8 دالحبات فالنهار كنضن كافيين زيادة على الكينة ديال الحديد راها فمتناول الجميع مغالياش و حتى ليمكتبغيش تاكل الدوا حبة فالنهار مدات ماجابت كنتمنا أنكم تستافدو من تجربتي و الله يدوز حمالتكم ولادتكم على خير ويرزقكم بأطفال حسني الخلق والخليقة
kwhzp g;g hgp,hlg