نسولكم على السردين

السلام عليكم

الاخوات راجلي جاب البارح سردين وانا ندخلو الفريكو واليوم ملي جبتو خليتو حتى داب ملي بغيت نغسلو لقيتو كولو كيتفرتت واش مزال مزيان ولا لا

وشكرا لكم

---

ks,g;l ugn hgsv]dk

عليكم السلام
اختي انا اللي كنعرف و اللي جربت هو السردين ماللي كيتشرا و كيتجمد فالفرريكو كيبقى كما هو مكيتفرتتش بحال الى نيت عاد شريتيه
اما واش مزيان او لا ، الله اعلم اختي
لكن سولي الاخوات يمكن عندهم معلومات افضل

اختي السردين سريع التاثر حيت ملي تايدخل للفريكو تايولي هشيش المهم المرة جاية خاصك تصايبيه ملي يوصل عندك للدار عاد الا بغيتي ديريه ف الفريكو و ديريه.و حتى بالنسبة للشرمولة الا بغيتي ديريهاليه عاد دخليه للفريكو ماديريش فيها الثومة.نتمنى نكون فدتك اختي.

كنشكركم اخواتي الله اجازيكم بالخير يمكن مغيصلاحش اتقلا ولا نديرو غير فالطاجين

من الاحسن ديريه ف الطاجين باش ما يمحنكش.

اختي راه حتى على حسب النوعية دالسردين ، الى فهاد الحالة يمكن تطحنيه كفتة و تديريه فالطاجين مع الصلصة او تديريه كويرات و تقليهم / الاخوات يقترحو عليك افكار اخرى ان شاء الله

اختي هدا خطأ درتيه ههههه اكيد وقعو فيه بزاف قبل منك ونا منهوم المهم جربي شوية طحنيه وعطريه وقليه ايلا مكيلسعش عاد قادي كولشي وشرمليه باش مضيعيش العطرية والوقت فوالو بصاحتك مسبقا

بارك الله فيكم اخواتي كنشكركم حيت جاوبتوني دغيا الله اجازيكم الخير

انا غنديرو فالطاجين حيت معنديش المكينة لكطحن انا منبقاش نعاودها هههه

شكرا لكم

واش الحوت بكل انواعه خصني نغسلو هو الاول عاد نديرو فالفريكو

انا هضرت غير على السردين اما الحوت الكبير بعض المرات كنشريه كونجولي حتى كنبغي نطيبو عاد كنقي القدر لي غنطيب والفيلي حتى هو نفس الشيء ايلا كان كونجولي ايلا كان طري كنغسلو ونقسمو على حسب المرات لي غنطيبو يعني كل ساشي بوحدو نتمني نكون شرحت مزيان