نزيف اثناء الحمل ادعولي بالشفاء يارب

سلام انا حامل في الشهر الرابع ويوم الجمعة جاني ظ†ط²ظٹظپ ودهبت للطبيب اعطاني ابر بروجسترون ومضاد حيوي اموكسيل و فيتامين وقال لي الراحة التامة والنوم على الظهر اتمنى من الاخوات اللواتي حصل معهم نفس الشي يفيدوني ويدعولي هذا اول حمل لي .دعواتكم معي .

---

k.dt hekhx hgplg h]u,gd fhgathx dhvf hg[lg ]hvj

اختي دخلت ندعي معاك الله يتبث حملك اختي و تولدي على خير

عن طريق : samsung – GT-S6810

اميييين يارب

اختي السلام عليكم الى كان نزيف مشي قوي حتى انا وقع ليا بحالك و قال لي الطبيب عندك هبوط في المشيمة و عطاتني اتروجستون و الراحة التامة و الحمد لله كل الامور دازت على خير و انا الان في الشهر الثامن و ان شاء الله يتبت الله حملنا
بغيت غير نريحك مدام البيبي مزيان الحمد لله متخافيش نعسي على ظهرك و ديري رجيلاتك فوق جوج مخاد و ان شاء الله يكون الخير
في امان الله

حتى انا وقعلي نفس الشي فحملي وشي 3 مرات والطبيبة عطاتني 3 ايبرات ضربتهم ووقف النزيف مدة وعاود رجع بصح انا غي شوية دالدم حشاك وقالتلي ضربي ليبرة كل اسبوع وعكزت عليها مع كنت خدامة فبلاصة بعيدة وكان غي فرملي وحشمت منو مع راك عارفة فين كتضرب صافي الحمد لله داز الحمل وولدت ماتكوني نتي ان شاء الله غي رتاحي وخا الصراحة انا خدمت وكلشي يسر فيه الله الله يفككك بخير وكاع الحملات

الله يحفظك أختي و يثبت جنينك و مايكون غير الخير إن شاء الله

اخصك الراحة تامة . الله يتبت الحمل ديالك

الراحة ثم الراحة ثم الراحة، جسديا و نفسيا، الله يثبت حملك و يفرح بالبيبي ديالك سليم معافى ان شاء الله.

اختي فوضي امرك لله وتوكلي عليه واللي فيها الخير الله غادي يعطيها ليك طفلك الى عندو نصيب في هاد الدنيا راه غادي يجي مهما كانت التحديات المهم كيفما قالو ليك الاخوات عليك العمل بالاسباب من راحة وادوية والباقي ربك الكريم متكفل بيه كتري من الدعاء والاستغفار والرقية الشرعية حتى هي مهمة بزاف الله يتبت حملك ويفرحك بالدرية كاملة الخلقة والخلق

السلام عليكم و رحمة الله
متخلعيش اختي و تبعي نصائح الطبيب و غادي تولي لاباس
حتى انا وقع لي نزيييف فشهر 4 بحالك و خديت مثبت حمل و نعست على ضهري 15 يوم
و الحمد لله بريت و رجع الجنين شد بلاصتو
وولدتو ههههه و هاهو دابا عندو 4 سنين
الله يخليه لي و يحفض لك الجنين ديالك و تكملي حملك على خير ان شاء الله