نداء الى العاملين بالمدارس الحرة

بغيت منكم أخواتي معلومات حول كيفاش نولي معلمة الإبتدائي في القطاع الخاص علما أنني حاصلة على الإجازة في القانون بالفرنسية، وأنا حاليا أم لطفلين، عمري 31سنة ومن مدينة الدار البيضاء.
واشناهي الحقوق اللي كتكون عند المعلمة: الترسام، الضمان الإجتماعي، التأمين الصحي، وشحال كتكون الأجرة على أقصى تقدير، وشحال مدة الستاج، و آخر حاجة واش ولادي يقدرو يستافدو من مجانية التعليم في نفس المؤسسة معايا
كترت عليكم ياك؛
شكرا على سعة صدركم.

---

k]hx hgn hguhlgdk fhgl]hvs hgpvm hld hgpvf hguhgldk

:confused:

نعم أختي

طالما ما عندكش خبرة في الميدان فأولا دفعي للمدارس السي في ديالك و معاه طلب سطاج

و بعد السطاج ايلا عجبتيهم و بغاو يخدكوك أوك مزيان و الا دفعي لمدارس أخرى و زيدي في
السي في التجربة ديال سطاج و معاه هاد المرة طلب توظيف

ملحوظة .. لازمك تحددي وقت السطاج ماشي تبقاي غا غادا و المدرسة كاتستغل فيك
ثاني حاجة لازمك كلي تسالي السطاج المدير التربوي أو المدير العام يعطيك ورقة
فيها مدة السطاج و الملاحظات و التقييم

بالنسبة ملي تخدمي ان شاء الله
قضية أولادك واش ما يخلصوش هدا على حسب المدرسة
هناك اللي ما كاتخلصيش و هناك لي فقط كا ينقصوا لك
و بالنسبة للترسام

كذلك على حسب المدرسة
الا كانت مدرسة صغيرة ماشي كلشي كايترسم

لكن ايلا كانت مدرسة مزيانة
أنا كنت في مدرسة كبيرة
كانوا دايرين لينا cnss و وريقاتنا

أمر آخر لاااااااازمك تقراي مزيان عقد العمل قبل ما توقعي
وخذي وقتك في القرايا و الفهم

بالنسبة للتمن
كل واحد و شنو كاين 2500 أو أكثر أو أقل
كل شئ على الخبرة و مستوى المدرسة

فين نتي بالضبط في كازا ممكن نقول لك شي مدارس مزيانين

أختي بلسم شكرا ليك ألف شكر على الرد ديالك.
أنا أختي كنسكن في سيدي مومن ولكن ماشي مشكل غير عطيني عافاك أسماء المدارس لي كتعرفيهم مزيانين و فيهم آفاق وخا يكونو بعادين شوية .
الله يجازيك بخير أختي بارك الله فيك

السلام عليكم ورحمة الله تعالى وبركاته ما أود أن أقوله لك هو ما قالته لك الأخت بلسم تحتاجين الى تدريب أولا وبعد ذلك على حسب الخاجة في المدرسة التي تدربت فيها ، و نفس الشيء بالنسبة لأطفالك ممكن أن يستفيدوا من المجانية في التدريس أو تخفيض فقط . والضمان الاجتماعي والترسام والآجرة ايضا على حسب المدرسة ، وأتمنى لك أختي التوفيق