موضوعي الحوامل التي سبق ان توفي لها جنينها

السلام عليكم ورحمة الله وبركاته
موضوعي هو فعلا حساس لاني سبق ان مررت بنفس الشئ ساحكي لكم حكياتي والتي تمنيت ان تكون حلما مزعجا لكن للاسف هي حقيقة مرة المهم كنت حاملا باول جنين لي بعد عام من زواجي كنت سعيدة بالفعل ولم تدم سعادتي رغم ان اهلي و اهل زوجي لم يتقبلوا هدا الحمل قالوا باني مسرعة بعض الشئ لم اكثرت لكلامهم رغم انه مجرح لي وفي 3 اشهر الاولى كان الوحم اصعب شي فعلا مرضت مع اني مغتربة عن اهل لا اكل شيأ النوم ثم النوم فقط مع ان حماتي تستطيع ان تاتي عندي لكن لا لم تاتي ابدا صبرت ثم صبرت لكي ارئ عيون ط§ط¨ظ†طھظٹ كنت متحمسة جدا وعندما كملت 8 اشهر و 3 اسابيع كان عندي موعد في المستشفئ دهبت في الصباح ثم فحصتني الطبيبة ثم قالت لي هيا معي الئ الغرفة المجاورة اقسم بالله انني احسست بشي .دخلت الئ الغرفة ودخلوا معي 3 اطباء اخرين اخدوا ينظروا ,تكلمت معهم وقلت هل هناك مشكل بطفلي لم يجيبوني وبعد 10 دقائق قالت ابنتكي توفيت …..,لم اتكلم ولم اصدق ظننت اني احلم وتمنيت لكن ط§ط¨ظ†طھظٹ توفيت بعد كل الانتظار الطويل …. هل تعلموا ان اسوأ شي واتعس شى هو فقداني لابنتي لكن انا مؤمنة وراضية بحكم الله عز وجل ولا حول ولا قوة الا بالله اسال الله ان يرزقني الذرية الصالحة ولكافة اجمع المسلمين .:(

---

,thj hfkjd hgpfdfm gih l,q,ud hgjd hgp,hlg j,td [kdkih sfr

الله يالحبيبة الله
الله يصبرك ويعوضك خير ان شاء الله
ربي مكتبش ليك يكمل الحمل ديالك
الحمد لله انت مؤمنة بقدر الله هو لي عطاك هو لي خدا ليك
ان شاء الله تكون بنتك طير من طيور الجنة وتشفع ليك عند الله
تهلاي اختي فراسك بزاف بزاف راكي غير بوحدك و ربي كبيييييييييييير قادر يرزقك مرة اخرى
الله يعطيييييييييييييييك درية صالحة كاملة وفي صحة جيدة

الله يعوضك ويعوضني يا اخت حيت اني مررت بنفس القدر لكن الحمد لله هو يعطي و هو ياخد الله يصبرنا قصتي المؤلمة كانت هده 6 اشهر جاء موعد ولادتي و الطبيبة قالت لي ادهبي مازال مجاكش لحريق زيدي 3 ايام و مشيت و رجعت وزادتني 4 ايام اخرى و حسيت بولدي مكايتحركش 2 ايامو رجعت عندها وقالت لي متزربيش باش ماديريش لعملية وزادتني يومين و لما رجعت جبرنا نبض قلبه كيضعف و دارتلي وجع اصطناعي من 4 ديال لعشية و انافي لحريق حتى 11 ديال ليل عاد جات مخلية معايا غير قابلة قتلاتني غي بالتقلاب و في التالي مابقيتش قادة بديت نسخف و رغبتها تفتح لي تعتقني مابغاتش و دارت لي اكسجين و فونتوز و نا كندفع والو مابغاش ولدي يخرج و قلبه كزيد يضعف طلعت القابلة و بدات كتبرك على كرشي فوق سرتي حتى كانت غادي تقتلني و فونتوز بربع ساعةكيجبد والو في تالي قلبه ولا كيتسمع قليل و هي تحيد لي ماكينة باش مانسمعش وقاتلي دفعي دغيا و بديت كندفع واخا مابقا فيا جهد و مع 11 و 45 خرج ولدي لدنيا لكن شفتوا ماغوتش سولتها قاتلي بكل برودة مات دبا عرفت سيستيم ديالك مرة جايا نولدك بالعملية , ساهلةعندها و انا ولدي اول فرحتي معنقاه ميت ملحقتش نشوف عويناته و نلبسه كسوته اللي مازال كنعنقها كل ليلة حيت ماشبعتش منه الله يرحمه والله يعوض لي و للجميع اللي عاش هاد الحالة واخا اول ولد ماكايتنساش و الله يكمل على كل وحدة حاملة بالخير

zidoni me3akome ana ta ana mate liya fekerechi kane 9erebe yedezade konete radi neteseta walakine le7amedo lilahe howa li 3etahe howa likhedahe
lahe ye3awedena khire ya rebi

اللهم امين

الله يعوضكم اختاي قريبا ان شاء الله والله يجعل وليداتك شفيعين لكما يوم لا ينفع حساب

السلام عليكم اخواتي حتى انا فقدت طفلي الاول 5 ايام بعد ولادته وكانت اكبر صدمة تلقيتها في حياتي لم استوعب الامر لانه ولد بصحة جيدة لكن في اليوم الثاني من الولادة انتكست صحته فجاة فاخدوه مباشرة الى الانعاش لانه دخل في غيبوبة في نفس دلك اليوم المشؤوم غادرت المستشفى لكن بدون ابني وداخل ديالي عالم به غير الله كان زوجي يدهب لزيارته في الانعاش اليوم كله وانا ماكنمشيش راكم عارفين لغراز وتمارة والطونسيو نازل كنوقف كندوخ زوجى مني كنسولو كيبقى ولدي كيقول راه تيتحسن هو را غير ماباغيش يخلعني وفي صباح الجمعة مشى راجلي والاخ ديالي كالعادة يشوفو الولد كيبقى صدمته الدكتورة في الباب بان ولدي حبيبي توفي مع الواحدة ليلا وانها مابغاتش تتصل بنا في الليل باش ماتخلعناش ملي سقت لخبار بديت نغوت ماعقلت اش تنقول شحال وانا مصدومة مكرهتش في ديك الوقت نحمل فديك الساعة
ونولد في نفس الوقت لكن ماكان عندي جهد الحمدلله هو الي عطى وهو اللي خداه 6 اشهر من بعد دلك حملت ولكن ماكتابش وقع لي اجهاض
في 7 اسابيع الاولى من الحمل وقلت الحمدلله الخير فيما اختاره الله من بعد 7 اشهر من دلك حملت ودابة الحمد لله انا في اواخر الشهر التامن
الله يفكني على خير ويعوضني اللهم ارزقني الدرية الصالحة السليمة المعافاة بدون زيادة او نقصان
ربي لا تدرني فردا وانت خير الوارثين

الله يكمل حملك بخير و تفرحي بمولودك ويعوضك باللي مشى عند الله