من فضلكم مناش كيتكون ملف الفيزا من السفارة المغربية في مصر

اختي الاوراق هي نفسها على جميع الاجانب اللي تينتاميو للبلدان التي يخضع مواطنوها لإجراءات التأشيرة و مصر من ضمنهم

وهي كالثالي :

1- مطبوع طلب الدخول إلى المغرب في ثلاث نظائر 2- ثلاث صور للتعريف بالألوان (4×3 سنتم) حديثة تظهر بوضوح ملامح الوجه.
3- نسخة من جواز السفر (الصفحات المتعلقة بالهوية والصلاحية).
4- بطاقة التعريف أو بطاقة الإقامة.
5- جواز السفر. ( ياخذه معاه من يمشي يدفع )

6- تذكرة السفر ذهابا وإيابا. ( يكون قطع التذكرة دياله وهادي اهم حاجة تيغفلو عليها كثير ديال الناس تيخاف الفيزة ما تخرجش له توتضيع فلوسه تيقول حتى يعطوني الفيزة عاد نقطع والعكس خاص ياكد لهم انه ناوي السفر وانه مستعد له وعنده الامكانيات والا امكن يتكلم مع الشركة السياحية انه في حالة ما خرجاتش له الفيزة يرجعو له الفلوس وهكذا يضمن الاثنين )

7- حجز الفندق أو وثيقة تثبت الاستضافة و الإيواء. ( هنا دور الاستضافة بحيث تتقوم مقام الحجز بالفندق )

8- وثيقة تثبت وسائل العيش. ( يعني شهادة العمل او شهادة الراتب او نسخة من السجل تجاري الا عنده شي شركة او مقاولة او مشروع تجاري )

9- أداء الرسوم القنصلية. ( خاصه يمشي للسفارة بنفسه ما يرسلش لهم عن طريق البريد كيما تيديرو كثير من الناس وهذا خطا لان السفارة تتبغي تضمن الرسوم ديالها عاد تنظر فالملف ويلا ما اداش الرسوم ممكن الملف يتركن على جنب وهذا سبب من اسباب تعطال الفيزة او ممكن رفضها )

بالنسبة للبلدان التي لا توجد بها تمثيلية مغربية، يمكن توجيه الطلبات إلى البعثة الدبلوماسية المعتمدة بهذا البلد والتي تمثل مصالح المغرب أو إلى القناصل الفخريين، وفي حالة عدم وجودها يمكن توجيه الطلب مباشرة إلى وزارة الشؤون الخارجية والتعاون (مديرية الشؤون القنصلية والاجتماعية بالرباط) من أجل منح تأشيرة بالحدود، بالعنوان الإليكتروني الآتي (dacs@maec.gov.ma)

هاد الشي لي نقدر نفيدك بيه واي استفسار تفضلي وان شاء الله الا عندي فكرة نجاوبك

راني دخلت لموقع وزارة الخارجية المغربية كاتبين تحميل استمارة التأشيرة + طلب الحصول على تاشيرة

واش الاستمارة هي هاد المطبوع ؟؟؟

و غير دعي معايا تصدق هاد الاجراءات تيبان لي بحال شي حلم

اه هذي هي الاستمارة اللي لقيت فعلا

و شنو يكتب بالسلامة في الطلب؟؟؟

اللي شاغلني ان كلشي مرتبط ببعضو خاص ياخذ كونجي من الخدمة و يحجز في هاد الفترة الطائرة عاد يدفع للفيزا

واا على تشعكيكة

بارك الله فيك اختي
تيبان لي بالنسبة لمصر ماطلبينش حساب بنكي يعني ماشي شرط يكون عندو رصيد كبير

و حاجة اخرة كيفاش يتم حجز فندق من هناك؟؟