مني إليكم لمدفونة بالشعرية وألأناناص شكلا ومذاقا

2019-02-22 – أم هنية ومنصف

نتمنا تكونو في أحسن ألاحوال حبيباتي
إوا هاني جبتليكو ظ„ظ…ط¯ظپظˆظ†ط© لي كنديرها بلأناناص خليط مابين لحلو ولمالح نتمنا تنال إعجابكم ..

غنعطي لمقادير والطريقة في نفس الوقت باش نوفيلكوم الشرح.. نبداو على بركة الله
بسم الله
نبداو بطريقة تفوار الشعرية عندنا رابعة شعرية رقيقة ديال السفة كولشي كيعرفها
ندير 2م ك زيت على الشعرية ونبسوها

نكونو درنا لما يتبخ في الكسكاس حتا يطلع لفوار ونديرو الشعرية تتبخر 20 د

من بعد نكونو وجدنا 2ل ماء طايب نخويوه عليها ونقطروها مليح وندهنوها ب2 مك زيت غي بشوية ونردوها تتبخرللمرة 2 أيضا 20 د

نكرر نفس العملية ل ثالث مرة يعني( كنخويو عليها الماء الطايب وندهنوها بالزيت 2 مرات)
بهاد الطريقة دغيا كتوجد
من بععد متبغر لثالث مرة ايضا 20د
نحلوها غي بشوية ونرشو عليها ماء مملح وندهنوها ب 2 م ك زبدة ونرجعوها للكسكاس لأخر مرة دا~ما 20د

فهاد لوقت لي تكون فيه الشعرية تتبخر حنا نكونو نوجدو لعمارة مع التزين
ناخذو كمية من صدر الدجاج نشحروه مع لبصلة وقليل زيت نباتي

ونزيدو لعطرية لي هيا
قزبر ومعدنوس مكرض+زعفران+خرقوم+تحميرة+سكنجبير+إبزار+ قرفة+ملح وزيت الزيتون نسيت مصورتهومش

نديرو قياسنا ديال الماء ..منكتروش حيت غي اللحم والروى خاصو يجي عاقد..نسدو لكوكوط حتا طيب

هانتوما كنديرو كولشي فنفس الوقت هاسفا كتفور ولكوكوط كطيب….ندوزو للتزين
غنحتاجو لعلبة ديال ألأناناص معلب كيكونو على شكل دوائر

حنا باش يزكا لينا كنقطعو كل دائرة على 2… منبعد كنرقدوهوم في سنيدة ولقرفة حتا يشربو مليح
ونحمروهوم في الزبدة من 2جوايه

دبا نجيو لتقديم
نعمرو السفة ديالنا من بعد نديرو فتات الدجاج
أنا هنا زدت حتا التمر كيبقا ليكو ختياري

ونغطيو ط¨ط§ظ„ط´ط¹ط±ظٹط© ونزوقو…. نديرو دوائر ألأناناص على طراف الطبسيل ونزينو من فوق باللوز مقلي و البيض مسلوق على شكل دائري ..وفدوك التقيبات ديال ألاناناص نعمروهوم باللوز مهرمش
ونتوما وذوقكوم.. والروى يتقدم فزليفات لي بغا يروي يدير حداه
كيجاتكوم
بصحة والراحة في إنتضاركم حبيباتي زيدو مرحبا
دمتم بود