مني إليكم بسبوستي بدانون وجميع المراحل

أم أســــامة

أنيقاتي جبتليكوم بسبوسة ساهلة وزوينة لي كلاها عندي كتعجبو نتمنا حتا نتوما تعجبكم.
بسم الله المقادير
مقادير لعجينة..
نصف كيلو فينو
125غ زبدة عادية مدوبة كتعطيك( كأس عنبة)
2 دانون مسوس
2 كيسان سنيدة
2 خمارات حومر.
للتزين …قاوقاو او لوز مهرمش بلى تحمار. بلقاوقاو كتجي أحسن أنا درت اللوز هادا مكان عندي فهاد الساعة ههههه
مقادير السيرو.
1 فاني
2كيسان سنيدة صغار
2كيسان ماء صغار.
الطريقة
ندهنو الطويجينا ديالنا بزبدة ولا الزيت ونرشو بلفينو

نخلطو سنيدة مع دانون ونزيدو الدقيق والخمارات ونديروها فطويجينا نتكوها فلوسط باش ما تبوقش في الطياب

نديروها طيب ففران سخون على نار معتدلة…
ندوزو نصاوبو السيرو ديالنا نديرو مقادير السيرو فكاسرونة على نار مهيلة

حتى يتعسل ميحمارش غيولي على هاد الشكل ونطفيو عليه

مين طيب البسبوسة قبل منحمروها نخرجوها من الفرن ونخططوها على هاد الشكل

منبعد ندردرو فوقها اللوز أو القاوقاو لي هرمشنا ونردوهوم للفران لتحت يتحمرو بزوج. نردو لبال باش ميتحرقوش

من بعد نخرجوها وهيا سخونة نسقيوها بسيرو لي وجدنا من قبل غيكون برد.

شوية ونقطعوها على هاد الشكل وبصحة والراحة. هاهيا معسلة ومذاقها روعة
.
متبخلوش عليا بردودكم في أمان الله

lkd Ygd;l fsf,sjd f]hk,k ,[ldu hglvhpg anaqamaghribia lkn gallery gif http images www