منين نبدا فصباغة ديال الدار

السلام عليكم ورحمة الله
الاسبوع القادم غادين نصبغو الدار( 3بيوت ومطبخ وحمام )
حرت ظ…ظ†ظٹظ† ظ†ط¨ط¯ط§ وواش ظ†ط¨ط¯ط§ دابا التخمال ولا حتى يساليو من الصباغة
وعندنا يوم واحد فقط فالتصباغ
واش نخمل بيت ولي غسلتها نحطها فيه ومنين يساليو من صباغة ط¯ظٹط§ظ„ بيت نبقا نرد

ولا نخلي كولشي كيف ما هوا وحتى نسالي الروينة د الصباغة عاد ظ†ط¨ط¯ط§ فالغسيل والردان

مع انا بوحدي ماكاينش لي يعاون
حرت فالكوزينة والماريو ديالي وديال الدراري
شكون مرت من نفس التجربة تنورني غير باش تنقص عليا شويا شقا

وشكراااااااااااااااااااااااا
باقي قدامي 5 ايام
ونهار صباغة جهدي نتكافا مع الماكلة

---

lkdk kf]h twfhym ]dhg hg]hv

انا دخلت غير باش نقول ليك الله اعاونك اختي الصباغة غير الروينة اللي فيها

آآآآآمين ولهلا يخطيك احبيبة ويخلي ليك الصحيحة

نظري بداي بالمطبخ
خرجي كلشي لاحد لبيوت لي تكون جمعت لحوايج شي فوق شي ، ومن بعد تبعيه بالبيت لي كتجلسو فيه ، ومن الاحسن طبخي اليوم لي قبل صباغة
لي ما فهمتش هو كتقولي عندك نهار ديال صباغة

ختي صبني الطلامط وجوايات لمخاد ولحوفة وجمعيهم وجيبي الميكة لبيضة والسكوتش وجمعي كل طلميط ومخادو وحطيهم في اخر بيت غادي تصبغي
ومسحي السدادر وغطيهم حتى هما بالميكة والسكوتش وحاولي ماتلصقيش السكوتس مباشرة على العود جيبي السكوتش ديال الصباغة
وجمعي قاع لحويج لمصبنين في السكان والشوانط ولماعن لكباار والديكورات لفيهم في الجورنال وخوي الكوزينة خلي غير البوطة الصغيرة وشي مقلة فاش تقلي وبريمة ومقراج وكيسان قلال وطبسيل وكيسان ديال الماء وفوطة كبيرة ووحدة صغيرة يكونو قداام باش الى تكرفصو مايبقاوش فيك وشدي بلاستيكة لكل شخص وديري فيها لكل شخص 3 سليبات وبيجامة و2تقاشر ولبسة للخروج وحوايج الحمام الخاصة فيه والشارجور والى شي حد كايخذ شي دواء ديريه ليه في بلاستيكة ديالو
وجيبي سلال عند شي صاحبتك وﻻ جارتك وﻻ غير كراطن وجمعي كل الصنادل والصبابط والكتب وكل شي ماتخلي غير علاش تجلسو
كواش خفاف للغطا
وماتنسايش بابي جينيك تخليه برا والصابون
وشدي سطل ديري فيه قرعة صابون لماعن وجافيل وسانيكروا والخل لبيض وgratoire باش تحكي الصباغة الى طاحت على الارض وجيكس حرش والشطابة والسياق و2جفافات والجورنال لزاج وبخاخ ديري فيه الخل لبيض مع الزيت باش تمسحي الخشب وجيبي بزااف ديال الميكات باش تجمعي فيهم الزبل واللي عمرت خرجيها
ووحضري اكل طايب وخبز في المجمد باش ماتتلهايش بالطبخ ولعجينة
ويبداو من بيوت النعاس غير لبيت اللي كملو شطبيه بشطابة فازقة باش ماتطلع الغبرة على الصباغة وجفيه غير بالهداوة حكي قنت بقنت وبدلي الماء وحطي قدامو شي كاشة صغيرة وقديمة مكرفصة باش ماتدخليش ليه لوسخ وماتخرجيش منو الماء لبرا وفرشيه وبخريه وسديه ودوزي لوخر وخلي الكوزينة اخر حاجة
ونصيحة الصالة ماتفرشيها حتى تكملي كاااع الدار باش مايجلسو فيها ويكرفصوها خليها حتى تكملي كل شي
اتمنى اكون افدتك ولو بالقليل
والله يهنيك بالصباغة الجديدة

شكرااااااااااا ياغالية على المساعدة وبالنسبة للطبخ بصح نقدر ندير شيحاجة من قبل تنفعني فكاسكروت والفطور اما الغدا غايكون كسكس ان شاء الله

نهار واحد للدار كاملة ويساليولها هما 2 الصباغة يعني معاونين

حقاش فايت لي صبغت غير الكوزينة وبيت الكلاس وماكانش عندي مشكل

انا كنبدى بالمطبخ باش الى كانو الصباغة في الدار وخاصتي نطعمهم ما كندوخش في تقلاب لواني ، اليوم الاول كنكون موحدة الاكل غير كنسخن و اليوم الثاني كتقضي بحاجة خفيفة وفي العشية كنسيق المطلخ ونرد لو حوايجو ، الثلاجة كنحطها في الوسط مدورة بلبلاستيك باش ما طبعش بصباغة ، لان صباغة خاصها زوج دلكوش ، يعني يوم ونصف ، منين كيكونو مدهيين في المطبخ كنخوي بيت الجلوس في الصالون و نغلف كلشي بلبلاستيك كنشري رولو مع سكوتش ، ومن بعد نخوي بيت نعاس ، ما تنسايش ان الصباغ خاصو مساحتين علاش يشتغل ، يعني بيت وكولوار ، او المطبخ والكولوار ، كيدهنو و يخليوه ينشف وذاك الوقت خاصهم فين يشتغلو ، بالنسبة لجميع الهام ما قصراتش تبارك الله عليها

شكرا ختي بزااااااف على المساعدة والله يرحم ليك الوالدين و يرحم المرحوم

هيا غييييير نوض نكفض من دابة ونبدا الجهاد ههههه

الصباغة ماهازاش ليهم الهم هاد الجانب مهنيا منو
ووصا راجلي النجار يجمع ليه النجارة ديال الخشب يفرشها فالارض وهو لي غادي يقابل الصباغة ويمسح من موراهم

بالنسبة للميكة البيضة واش لي كتباع بالمتر بحال هاد الشكل

شكرا على دعوات الخير والله يفرحك بوليداتك وتشوفيهم كيف بغيتي

ااه اختي هذيك الميكة راه كاتهنيييك
ختي الله يكون في عونك وربي يوفقك ويسر امركم راه الصباغة ماشي ساهلة وخاصة الى كانت الدار مفرشة

لو كان قريبة مني نجيك نساعدك بكل فرح ولكن دارها البعد

كون كان يوماين افضل ليا
ولاكن هما خدامين السبت والاحد وراجلي خدام الاثين
درنا معاهم الجمعة ان شاء الله والله يدوزها على خير
هاد الفكرة ديال التلاجة وسط وتغطى حتى راجلي قال لي خلي الماريو فالبيت بلاش مانفصلوه ونغطيوه
ولاكن انا مابغيتش بغيت زعما كلشي يخرج وعاد نرجعوه ومنها نبدلو البلاصة
ولاكن كيبان لي فيه تمارة
شكرا والله يجازيك بخير ويخلي ليك صحيحتك