السلام عليكم و رحمة الله انيقاتي الغاليات كيف الاحوال ..ان شاء الله تكونو بخير و على خير اليوما ان شاء الله من بعد ما فاتت اسبوعين على مشترياتي الجديدة بغيت نجي نفيد بيها حبيباتي و نقيمها على حسب طھط¬ط±ط¨طھظٹ الشخصية واخا الحمد لله صدقات زوينة كاملة و عجباتني لاني عشاقة ملالة هههههههه دغيا كنمل ونبغي نبدل على الله نلقا شي حاجة ما احسن نبدا على بركة الله بسم الله نبداا بالفوندوتان اللي بالنسبة ليا داير الضجة في المنتديات المغربية و حتى الفرنسية و جاني فضول اني نشريه و نجربو واخا كنت مترددة و اللي هو la roche posay toleriane fond de teint 
ثمنو بي 160 درهم من بارا هو الصراحة غزااااال بزاااااااااااااااف و الاهم انه فيه حماية د الشمس و كيغطي ليطااش العاديين يعني ماشي تغطيتو 100/100 لا تغطيتو تقريبا 70 في المئة بالنسبة اللي عندها عيوب كثيرة لكن اللي وجهو صافي و عندو عيوب قليلة فصدقوني كيبين الوجه تبارك الله شمعة انا حمقني و اللي كيشوفني كيقولو لي شنو دايرا لوجهك لكن نصيحة مني ليكم اللي بشرتها شديدة الجفاف بلا ما تشريه واخا ترطب بمية مرطب كونو اكيدين انه ما يجيش معاكم انا بشرتي مختلطة يعني تقريبا عادية من حنيكاتي و دهنية من جهات تانين و واخا هكاك كندير مرطب و يالله كيجيني عااادي تقييمي ليه نعطيه 10/10 يستاهلها لانه اللي كتعاني من الجبوب بسبب الفوندوتان غا تاخد هذا بعينيها مسدودين ——————————————————— اما بخصوص الكومااج جااني االفضول على واحد الكوماج ديال ايف روشي ديما كنمشي كلقا البنات كياخدووه بزااف فقررت اني ناخدو بثمن 55 درهم gommage abricot جربتو 2 مرات في مدة اسبوعين صدق زوين حسن من الاول اللي عندي الصراااحة و الاهم انه كينقي ليا نيفي مزياااااان كنحس بيه رطيطب و قليل من لي بوان نواار 
تقييمي يستاهل 10/10 حتا هو حيت المهم من هاد الشي كامل انه ماتحسساتش منو بشرتي حيت بشرتي حساسة بزااف —————————————————————————– بخصوص المرطب انا كنت نستعمل سيتافيل لكن بدلتو من بعد ماسلا ليا و بدلتو بماركو لاروش بوزاي الصراحة وليت مهووسة بهاد المااركة يمكن حيت كتواالم البشرة الحساسة و لقيت عليها راحتي بزاايد toleriane soin protecteur apaisant 
ثمنو 130 في بارا هو زوين حيت كيرطب و مكيخليش الوجه مزيت لا لا كيتشرب دغيا دغيا بلا ما تبقاي دلكي لا غا دهني خفيف و هداي دغيا كيتشرب و كيرجع وجهك رطيطب بحال البيبي و لا حساسية لا والو حيت اصلا نتجات هاد الماركة كتركز على حساسة البشرة تقييمي 10/10 ————————————————————– و خديت العزيز عليا ههه اللي ما نقدش نستغنى عليه واخا باقي لي منو لكن خديت الاحتياطي ديال فوندوتان مايبلين الصرااحة عندي عزيز نشري اللي شريت ما نرتاح حتا يكون عندي حيت فعلا تغطية راااااااااااااااااااااائعة و بلا بودر كيبقا تااابت و كيبان الوجه روعة 
تمنو 99 درهم و من الاحسن شريوه من مرجان و لا كارفور حيت ولا فيه التقليد بزااااف و هو يصلاح للبشرة المختلطة و الدهنية و حتا الجاافة لكن دهني مزيان وجهك قبل منو تقييمي اكيد 1000/10 حيت روعة ______________________________________________ اما بخصوص جيل لغسل الوجه خديت gel lipikar d la roche posay هذا للبشرة الحساسة روووووووووعة مي كتغسلي بيه وجهك كتحسي بيه رطيطب و نقي و ماشي كتحسي بوجهك مجبد مي كتغسلي بيه لا بالعكس واخا ما دهنيش بكريم كيبقا رطيطب تمنو 120 من بارا 
تقييمي ليه 10/10 زوين بزااف ___________________________ و ما نسيت شنيفاتي اكيد ههههههههه خديت ليهم كاكاوي فيه زبدة الشيا صدق لي زويون من ايف روشي بي 27 دهم اللي كتعاني من تشقق او جفاف نصحها بيه حيت منين بديت نديرو تبدلو شنيفاتي مابقاوش يتقشرو لي و ريحتو زويييييييييييييينة 
تقييمي 10/10 ____________________________________ و حنيكاتي اكيد ماانسيتهم ههههههههههه خديت ليهم فاغاجو من ايف غوشي حتا هو زويون و باااااااارد اللي ماكيبغش يجيو حنوك بحال مطيشة حيت كيجيب الحنيكات طبيعييين بزااف و الاهم كيبقااااااااااااااااااا يعني نديرو كيف ما درتو كيبقا مي كنرجع للدار ماشي كيطير و نولي صفرة ههههههههههه ثمنو80 blush naturel 7g rose 
تقييمي 10/10 لكن عيبو ههههههههههه هو صغييييييييييييييييييييييييييييييييييور و قليللللللللللللللل بزااااف و بالنسبة للثمن راه قليل بزااف واخا لونو زوين و كيبقا لاصق _____________________ شيتة د الفاغاجو 
اه ما تحكروهاش حيت صغيورة هههههههه والله حتا صدقات الله يعمرها سلعة و ممكن تغسليها و شعرها مكيطيرش و كتجيب الفاغاجوو زويون و متول تمنها غا 20 درهم و اخيرا ساليت نتمنى موضوعي يفيدكم و يعجبكم ان شاء الله و يكون شرحي واضح و غا سمحولي على التصاور راه الكاميرا على قد الحاال ههههههه و نوع بشرتي مختلطة يعني ناشفة شوية الى عادية من حنيكاتي و الباقي دهني و لكن حسااااااااااااااااااسة بزايد و هاد الشي الحمدلله والمني بزااف و بشرتي ارتااحت عليه و اي استفسار انا في الخدمة و السلام عليكم
lkj,[hhhjd hg’fdm , hgj[ldgdm >>>>>>>>j[vfjd jrddld hgaowd L3 hg’fdf j[vfjd jr]dld or 3
هههههههههههههههههه تبارك الله عليك اختي تستاهلي احلى تقيم على الشرح المفصل حسيت بحال الال كالسة حداك دكشي عندك غزال وحتى انا كتعجبني لاغوش بوزي كتجي مع البشرة الحساسة والدهنة
المشاركة الأصلية كتبت بواسطة مريم ام جاد 
هههههههههههههههههه تبارك الله عليك اختي تستاهلي احلى تقيم على الشرح المفصل حسيت بحال الال كالسة حداك دكشي عندك غزال وحتى انا كتعجبني لاغوش بوزي كتجي مع البشرة الحساسة والدهنة هههه الله يبارك فيك اختي الغالية و الله يزين يامك
مشكورة اختي على الافادة وتستاهلي التقييم غلى الشرح والصراحة راك شجعتيني نزعم على هاد الماركة بارك الله فيك
بالصحة والراحة الزين تشري وتعاودي
تبارك الله عليك قمة الروعه والرقي
تبارك الله عليك وعلى طريقتك في الشرح تستاهلي تقييم على الموضوع
السلام عليكم اختي بالصحة والراحة كلشي زوين تبارك الله شكرا جزيلا
هه تبارك الله عليك اختي تستاهلي احلى تقيم على الشرح المفصل
المشاركة الأصلية كتبت بواسطة om sohaib2 مشكورة اختي على الافادة وتستاهلي التقييم غلى الشرح والصراحة راك شجعتيني نزعم على هاد الماركة بارك الله فيك العفو ختي العزيزة و شكرا للتقييم اما بخصوص الماركة فهي فعلا تستحق التجريب غا هو خودي على حسب نوع بشرتك قوليها لمولات البارا باش تعطيك اللي يوالمك من كريمات و غاسولات للوجه