ممكن المساعدة

انا عمري20مخطوبة انا لا اشتغل وهو كدالك انا خاافة علا اقبالي للحيات الجديدة انا احبه ولا اريد الابتعاد عنه لاكن الحياة قاصية ولا ترحم احدا انا في الصراحة اثق بالله من الممكن ان يرزقنا رزقا حلالا طيبا لاكن المشكلة تكتمل فيه لانه من النوع الذي لايتحمل المس اولية هذا هو الذي يقلقني وزاادة عن ذالك انه مدمن علا الحشيش انا حاارة ماذا سافعل لكي يتغير اني كسول جدا ارجو الحل ولا تهملون موضوعي لان مساعدتكم في غاية الاهمية بالنسبة لي اشكركم

---

ll;k hglshu]m shu],kd hkd ohhtm

سلام الله عليك اخيتي سيماء
قال الرسول صلى الله عليه و سلم إذا أتاكم من ترضون دينه و خلقه فزوجوه.
واش نتي راضية على دين هد السيد واش عارف حق الله تيصلي ؟؟؟؟؟؟؟؟؟؟واش أخلاقه نبيله واش هو مستقيم ؟؟؟؟؟؟؟إلا كان هد شي توكيل ع الله والى ما كانش الله أجيب ليك الي فيه الخير

السلام عليك يا بنتي شيماء لي بغيت نصحك بيه الحب ماشي هو كلشي واخ غندخل شوي في شي امور مكتهمنيش وسمحي ليا
واش وليديك قابلين واش هذ الراجل عمرو خدم اوباش غيدير ليك هذ العرس وفين غتسكني سمحي لي راه شفت بحال هذ الحالة
تاعك او ماجا منها غير العذاب القصة تاعك ابنتي بحال المثل لي كيقول قيس قبل ما تغيس وزواج ليلة تدبيرو عام
ورأي من رأي الاخت zhfatima
والله يجيب ليك لي في الخير يارب اميييييييييييييييييييييييييييييين

أختي أول حاجة نتي باقا صغيرة قدآآآآآآآمك فرص كثيرة راه الزواج هذا ماشي لعب ؟؟؟؟؟ نتي تتقولي ماخدامش زائد مبلي بالحشيشة والطامة الكبرى أنو غير مسؤول فكيف غادي تديير لها ؟؟؟؟؟؟؟
سيري أختي نصحك لوجه الله الحب قدام هذ الصفات من الأول ماغاديش يستمر !! وزائد كيف غادي تعيشو ومناين تصرفو وكيفاش واليديك قبلو ؟؟؟
الله يسخر ليك لي فيه لخير

السلام عليكم اختي نتي فين كان عقلك حتلى وافقت على السيد او فينا هما والديك
نصيحة لوجه الله تعالى فلتي بجلدك قبل مطيح الفاس فالراس
واش نتي باغا ترمي راسك في الجحيم بيديك مالكي على حالتك تاني حاجة الزواج ماشي غير حب او صافي (ادا دخل الفقر من الباب هرب الحب من الشباك)
الحب مكيكول خبز مكيدير عشة الحب راه كيجي بعد الزواج مشي قبل فكري بعقلك اما قلبك ديريه ليه قفل حتى يجي اللي يستاهلك
الزواج راه جبل ديال المسؤلية و هاد السيد اللي نتي كتقولي كتبغيه مابان ليه فيه حتى حاجة مكادة لا عقل لامسؤلية
اختي سمحيليا الى الراي ديالي معجبكش و لكن نتي طلبتي راينا او هدا راي ديالي كون كنت اختي اللهم العنوسة ولا هاد الرمية

المشكلة انه ولد الناس وظريف وعايش بوحد فبلاد الغربة انا حمدلاه عيش مع دارنا انا وياه عيشين فإسبانيا دابا كلسي كيمر من واحد الأزمة اقتصادية دبا هوا زاد تغير علا لكان دبا الحمدلاه كيصلي وبزاف ديال الحجات

أولا وقبل كل شيء،الحب ديال بصح ماشي اللي تيكون قبل الزواج، الحب ديال بصح كنبنيوه من بعد الزواج حيت كيكون على اساس واضح وصحيح.شوفي نتي إلى قالو ليك هاكي بني دارك اللي غادا تسكني فيها انتي و ولادك و انتي تحملي مسؤولية سلامة المنزل بلي فيه،ما غاداش تأكدي أولا من أن الأرض اللي غادا تبني عليها أرض صلبة ويلا حفرتي فيها الساس غادي يبقا تابث؟؟؟و أن جميع مواد البناء اللي غادا تستعملي خاص تكون جيدة و ماشي مغشوشة؟؟؟ هاكا داير الزواج.هاد الحب اللي قلتي كاين، كيفاش معتمدة عليه و انتى كتشوفي غير بعض الجوانب من هاداك الشخص او هو كذلك راه ما شاف فيك غير بعض الجوانب،الزواج يا أختي و مسؤولياتو او مشاكلو كيعرينا يعني تيبان المعدن المزيان او تيتفضح المغشوش.طولت عليك ولكن حيت شفت حالات كتيرة ديال ناس اتزوجو او ندمو حيت في اختياراتهم اعتمدو على الخاويات او خلاو الصح،تأكدي يا أختي أن الإنسان اللي غادا تزوجي به يكون قاد بيك،من جميع النواحي،قال رسول الله صلى الله عليه وسلم ،من استطاع منكم الباءة فليتزوج، يعني عندو شروط خاص تكون المقدرة المادية و المعنوية .أنا متزوجة دابا 16 سنة،ما عمرنا جرحنا بعضنا بشي كلمة او تشاجرنا بالغوت و السبان،دازو مشاكل اكتار،ولكن كنتغلبو عليها،و احنا عايشين بسلام مع وليداتنا.عرفتي علاش؟؟؟حيت ملي اختارين بعضنا استعملنا العقل و الحب جا بوحدو من بعد الزواج ،ديك الساعة كتولي قابلة او حابة زوجك حتى بالديفووات اللي فيه حيت الحوايج الضروريين اللي خاصهم يتوفرو فيه راك خاص تكوني شفتيهم قبل الزواج.نصيحتي ليك يا أختي الصغيرة ما تزربيش فكري ألف مرة و استاشري الناس لي من حولك ،باش ماظلميش راسك او ولادك.و الله يدير ليك اللي فيها الخير،و نصيحة أخرى و مهمة،صلي صلاة الإستخارة و طلبي الله من قلبك باش يهديك للي فيه الخير

السلام عليكم ورحمة الله

سأنصحك كما يمكن أن أنصح ابنتي .

الزواج مسؤولية كبيرة
بعد ما تسالي مشاعر الحب وتوصلي لللزواج غادي تشوفي أمور ربما كانت مخفية عليك

هذا الشاب ما خدّام

وكايتعاطى المخدّرات ـــ وهذه وحدها مصيبة الله يحفظ وليدات المسلمين ـــ

المشكلة انه ولد الناس وظريف

لا يكفي ،
والمشكلة أنّك بدأت الجملة هكذا : المشكلة أنّه ولد الناس وظريف

لكنه ـ عاطل ومدمن ـ

كيف يفتح بيتا من كان هكذا ؟

المشكل في هذه العلاقات أنّ الفتاة تكون منبهرة ومشدودة إلى الشاب فيتعطّل تفكيرها في المستقبل .

أوّلا صلي استخارة

وثانيا ضعي تصوّرا لحياتك الزوةجية وبيتك المستقبلي وأولادك ؛ كيف تريدانها أن تكون ؟

الزواج مشروع غاليتي ويحتاج دراسة جدوى ومعرفة دقيقة بالشريك : أخلاقه ودينه وإمكانياته
حدّدي الإيجابيات والسلبيات ـــ على ورقة ـــ، وانظري بموضوعية :
هل أستطيع العيش بهذه الشروط ؟
ألن يأتي يوم وأندم على اختياري أو انسياقي وراء عواطفي
لأنّه مع مشاعر الحبّ ينبغي الاحتكام إلى العقل لأنّ الحبّ أحيانا يعمي البصيرة
وحين تستيقظ الفتاة بعد الزواج تبدأ علامات عدم الرضى وعدم الاقتناع .
الله يختار لك الخير

الصراحة كيصلي وكيعرف بينو وبين الله

هوا والله حتا كيبغيني بزافففففففففف متصورشي وحنا هنا في اسبانيا الصراحة كنعانيو من واحد الأزمة اقتصادية تواحد ماخدام ونا والله حتا صليت صلات الاستخارة وحتا ماما وبابا صلاو وبالهو انه ولد الناس في الاول كانو رافضنو رفضا كليا ولكن منين عطاوه فرصة وهضرو معاه لقاوه ولد الناس دابا انا كنقلهوم مخصنشي بيه وهما كيقلولي لا حرام عليك والخدم كيسلك راسو عاد دبا حنا في اسبانيا كيعونو يعني الحيات مقصحاشي فحال المغرب وجزاك الله خيراً علا اهتمامك بالموضوع