مليويات بطريقتي الخاصة .

اليوم جبت لكم انيقاتي طريقة
ساهلة اعتمد عليها منذ الصغر في تصاويب الملاوي

اولا كنعجنو عجينة المسمن العادية فورص ودقيق القمح شوية الملح وشوية السكر باش يحمارو لينا المليويات في الطياب انا ماكنديرش الخميرة

مليي نعجنوها ندلكو مزيااااان نخلوها ترتاح شوية من بعن نديرو منها كويرات ونخلوهم يطلقو شوية

ثم ناخذو كل كويرة نسرحوها بمساعدة الزيت ونورقوها مزيان ثم ندهنوها بشوية الزبدة دايبة وندردرو عليها شوية سميدة رقيقة او دقيق القمح سبيسيال

ثم على شكل دائما بمساعدة الزيت وشوية السميد

ثم هكذا

نفس الطريقة بالنسبة لكل الكويرات ثم نبدأ بالرولو اللي صايبنا الاول ونلويه على هذا الشكل

حتى ننتهي ثم ناخذو الملوية الاولى ونسطحوها باليد

ونحطوها في مقلاة ثقيلة بمساعدة الزيت دائما مع رشها بين الفينة والاخرى بالزيت حتى تتحمر

وهاهما المليويات تاوعنا واجدين بالصحة والراحة