مليت من الغربة وبغيت نرجع بلادي

السلام عليكم أخواتي المغتربات الأنيقات ط§ظ„ط؛ط±ط¨ط© بكل ما فيها من أشياء حلوة لا تستحق قيمة يوم واحد بجانب عائلتي وأسرتي وأحبابي بكل ما فيها مهما علا وغلا لم تستطع أن تمسح كم الحزن الساكن بداخلي بسبب الفراق والبعد عن وطني وأحبتي ط§ظ„ط؛ط±ط¨ط© بكل ما فيها لم تستطع أن تعوضني عن أهلي وعن ريحة كأس شاي من يد أمي وطعم كل شيئ مغربي….أصبحت أمنيتي الوحيدة أن أعود للمغرب بعد كل هذي السنين بالغربة…لكني للأسف لست أجد وسيلة للعودة… فكيف يمكنني أن أسس لعودتي للمغرب بعد كل هذي السنين؟؟؟؟؟؟؟ ومن أين أبدأ العودة ؟؟؟

---

lgdj lk hgyvfm ,fydj kv[u fgh]d ggpf

ربي معاك ومعايا ومع كل مغترب خربتيلي فجرح أنا هادي5سنين ملي جيت لفرانسا ومنقدرش ندخل للبلاد عندي بنتي مريضة بي /سبينا بي في دا/وتتعالج مليح هنا بصح كينتفكر واليديا نار تشعل في قلبي

ربي يخليهم ليك ويحفظهم ويحفظك والله وحتى أنا قلبي وجعني على أهلي وعلى أحبابي وعلى بلادي ونتمنى ربي يحقق لي أمنيتي نرجع فيوم من الأيام وأنا بكامل صحتي ومنرجعش وأنا مريضة أو ميتة

الله ييسر اموركم يهون عليكم الغربة الله يحسن ليكم العون

حبيبة الغربة كتزيد الحدة ديالها او كاتنقص على حسب الظروف اللي كايعيشها المغترب واش عايش عيشة حسن او العكس واش الزوج مزيان او العكس.انا عندي تقريبا ست سنوات هنا ،العاماين الاولى ماعمرني حسيت بالغربة وماعندي حتى حد هنا من غير راجلي وكنت عايشة حياة بدون مشاكل ولكن من بعد فاش ولدت ودخلاتني المشاكل ديال الحياة عاد بديت نحس بالغربة والحزن والأسى ومايدوزش النهار بلا مانتوجع ولكن بكل صراحة ماعمرني فكرت انني نرجع للمغرب بصفة نهائية لأنه هنا كلشي حسن من المغرب ،المعيشة كلها الدراسة التطبيب القوانين والفرق كبيييير بين هنا والمغرب .فالمغرب المسكين مايقدرش يعيش خاص تكون عندك دارك وخدمة مزيانة باش تقدري تعيشي ولادك عيشة مزيانة وكل حاجة ولات بالفلوس ،انا فاش كانمشي للمغرب كانقول يا ربي فوقاش نرجع لهنا كانحس راسي غريبة فالمغرب الليتولدت وتربيت وعشن فيه كانحس براسي ضيفة يمكن هاد الشعور كايجيني لأنني ماكانجلسش مع واليديا الوقت كلو عند حماتي داكشي علاش كانقول يا ربي نرجع ولا هاد الذل ،راجلي كايديني نهار عند ماما والغد يرجع من مورايا وحتى هوما كايقولو بأنه هادشيًماشي معقول ولكن الله غالب وانا مانكدبش عليك ماكانرتاحش عند حباب راجلي حيت الدار مشروكة وفيها خوتو مزوجين وعندهم ولادهم وكانبقا فوسطهم بحال الحمقا ماتقدري تهدري ماتقدري ضحكي مانقدرش حتى نهدر مع راجلي هادشي كامل اختيكايخليني نفضل نبقا هنا .حبيبة ماتبقايش تفكري فالغربة الى عندك وليداتك تونسي بيهم ونساي المغرب مثلا سيري كل عام وفوسط العام صيفطيًلماماك الضيافة وتجي عندك الى كانت عند الامكانيات المادية والى كنتي جامعة شوية ديال الفلوس وكنتو قادرين باش ديرو مشروع فالمغرب رجعو بحالكم .سمحيلي طولت عليك وربي عوينا وعوينك

كلنا بغينا نرجعو لكن كل وحده و ظروفها
ايلا بغيتي ترجعي خودي دار فالمغرب بعد ومن بعد تقدري تكري طبقه ولا جوج و تسكني فوحده
والمدخول ديالك يكون الكرا
ولا ديري مشروع فكري فيه مزيان عاد دخلي
لي ضروري هو السكن والمشروع باش تعيشي او ايلا تقدري تخدمي
بداي تقلبي من دابا ايلا سهل الله فهادشي رجعي لبلادك ؛

انا ادا كنت كنسمع لهدرا كن مبعدتش على اهلي بلحق قدر الله وماشاء فعل

بلقيس اختي الله يكون معاك ويصبرك انا عاد جيت والقنط قتلني
كانعيا مانشوف كانقول هادي سنة الحياة
انا بوحدي عند لواليده فاش جيت لهنا خليتها مسكينه بوحدها

وحتى داك الشيء لي كايجيو يديروه الناس هنا مسكينه هي دارتولي لهيه
الدار والطونوبيل والعيش الكريم ونسافرو فين بغينا
لكن راجلي عائلتو كلهم هنا وحنا فمدينه بوحدنا
ياالله فين بغيت نخدم نتعاون معاه بديت نقرا فاش ساليت اللغه درت دبلوم ديال الاسعافات الاوليه وبادانتي والعنايه بالاطفال لقيت راسي حامله ماخلانيش نخدم اصلا لوحم قتلني وليت غي ناعسه
دابا نشاء الله غادي نمشي للمغرب وكاتبانلي مانرجعش هنا
طلعلي الدم كلشي غالي لكرا ولما وضو تلفون المعيشه لحوايج
حنا جينا سكنا ف فينيزيا بلاصه غي ديال ماليها حنا ماتصلاحليناش
بغيت نتعاون معاه وسمحت فكلشي لكن فاش كانتفكر لواليده قلبي كايتقطع
وفنفس لوقت كايشفني وماكانبغي نبين والو الله يسهل عليه ولد الناس وحنين كانحشم نقول هاد شي
لي كانقدر نقولو اني مزيانه وماخاصني تا خير
الحمد لله على كلشي كلها والهم لي عندو
نطلب من ربي الصبر و الستر

awaddy baaaaz likoum…achnou kayan fi bladna choufou ghire akhbare ikhalliwkoum tnadmou 3lach wladtou temma…saraha rah lmostawa dial l3aych fi europe mosta7ile maroc iwaslou…kife mabrity tkoune fi niveau dial la9raya olla lkhadma ghady t3ich wakal olabas mzian 3andek 7o9ou9 omtiyazate maywaffarhach lik maroc…samhouliya alabnate…lima3andhach chy machrou3 iradha l marioc bla matamchy…en plus li brate maline darha 3lach tzawaje ga3…ana ba3da mamtaf9ach m3akoum nihaaa2iyane