السلام عليكم
هاد الوصفة يمكن سمعتها فالراديو الله يسهل على مولاتها و يفرحها
و هاهي جبتها ليكم بدوري
المهيم علاش سميتها ملك ط§ظ„ظƒظˆظƒظٹط² حيت ممتازة لوليدات و منافعها نتوما غتحكمو عليها و حتى للكبار وخصوصا حنا النسا و احسن حاجة الا عوضتي بيها الحلويات الاخرى
ايوا نبداو على بركة الله
انا للاشارة كندير غير نصف المقادير باش كنستهلكها دغية و ندير وحدة اخرى جديدة
بسم الله كتاخدي 2 كاس كوك 2 كاس زيت 2 كاس سكر 2 لافاني 2 خمارة الحلوة 4 بيضات شوية اللوز او كاوكاو مهرمش هادو اختياريين و اخيرا اهم حاجة النخالة مطحونة هي باش غتجمعي الخليط
ايوا صافي و ديري كويرات بحال غريبة و طيبي النار من لتحت تم مني تشد راسها النار من الفوق و حضي راه دغية كطيب متغفليش عليها
و صافي مني طيب بالنسبة لوليدات تقدري تغطسيها الوجه فالشكلاط و قدميها
وراه المذاق حتى واحد مغيعرف انها بالنخالة الا مفضحتي راسك ايوا خلي سرك فبير ههههه
تبقاو على خير
lg; hg;,;d.
عن طريق : samsung – GT-S6310