حياكم الله وبياكم اخواتي الغاليات فتحنا
هذا الملف لندون فيه اطباق من مطبخنا
والتي نقوم بطرحها بتجمعنا الرائع وعليه
ارجو من كل من دخلت هنا عدم وضع اي
رد حتى لا تضيع الوصفات بين الردود
ونرجوا منكم التفهم وعدم الانزعاج لهذا
الطلب وكان هذا من اقتراح حبيبتنا بنوتة1
حتى تتم الافادة للجميع وعليه شكرا لتفهمكم
انتظرن ط§ظ„ط§ط·ط¨ط§ظ‚ الشهية ط§ظ„ظ…ط¬ط±ط¨ط© وبالصور
lgt hgh’fhr hgl[vfm fj[lu `h;vm ,ho,hjih gjpqdv anaqamaghribia hgl,h] hgpgfm hgwpd hgt,g hgkhtu hgrlp hg;hlg hg;jhk jj[lu gallery gif http pgh,m of. images ]rdr www kpjh[
طاجين الشيفرون باللحم المعزي صحي وشهي
المقادير
اللحم حسب الرغبة
3 دروس الثوم مهرسين
قليل زيت مخلطة بين
زيت الزيتون وزيت عادية
مليحة
نغسل اللحم ونقليه في الطاجين
الي نكون سخنتو من قبل ندير
معاه الثوم والملح ونخليه حتى
يهبط ويطلق ماه وطبعا كلشي
بالمهل لان الطاجين تيبغي العافية
مهيلة ملي يبان لي اللحم طلق راسو
نضيف العطرية الي هي :
سكين جبير
بزار
قبيصة القرفة
خرقوم بلدي
والماء سخون
نمرق اللحم ونغطيه وندير مع
اللحم 2 او 3 عظيمات التمر باش
اللحم يطيب ضغيا ويجي فتي
هاهو ملي طاب اللحم نصف طياب
تنستف فوق منو الشيفرون وندير جوج
بطاطات في حواف الطاجين ضروري
نديرها حيث تتعجبني بطاطا
ومن بعد ندير مطيشة دوائر والمعدنوس
مطقطق وندير رشيشة خفيفة من
السكين جبيروالابزار وقبيصة الملح
وهاهو ملي وجد بالصحة والراحة
تيجي لذيذ وخفيف نتمنى تجربوه
نقلته من التجمع نيابة عنها لانها غير متواجدة الان
سلآم الله على الأنيقآت الحلوآت
مبروك علينآ الدآر الجديدة عقبى للمليآر مآشي المليون خخخ
أنآ عآرضه عليكن لغديوه إيوه قبلو عليآ
لحم بالبرقوق
المقآدير للي غآدي نحتآجو
سكنجبير،خرقوم،قعقلة،بسيبيسه،وآحد بصيله مشلضة،قبطه صغيره ديآل معدنوس مربوطة بالخيط،ملح ،إبزآر ، شويه ديآل مروزيه ،شوية ديآل زعفرآن ، زيت بلدية ورومية،
لحم بقري ويمكنلكوم تستعملو الغنمي
الطريقه
غآدي نقطعو البصيله ديآلنآ تكون مشلضة ونضيفولهآ التوآبل ديآلنآ
وبعدهآ نجمعو المقآدير بشويه ديآل زويته بلديه وروميه
ونخلطو
وبعدهآ نوضعو اللحم ونشرملوه
ونغطيوه بالبلآستيك الغذآئي لمدة 5 سآعآت من الأفضل يتشرمل بالليل بآش الصبآح يكون وآجد
من بعد نآخدو الطنجرة ونحطو زويته بلديه
من بعد نحطو اللحم للي شرملنآه مع ربطه ديآل لمعدنوس ونخليوآه يطيب على نآر هآدئة
ملي يبدآ اللحم شويه يطيب نقلبو كيف العآده ونخليوه على خآطر خآطره
فهذه الأثنآء غآدي يكون اللحم كيطيب نوجدو البرقوق
للي غآدي نحتآجو برقوق أسود كيتفزك شويه مع المآء في البوطة ملي يشرب ديك المآء نضيفو العسل ومآء الزهر وهآهو وآجد
من بعد نسدو كوكوط نخليوهآ حتى تصفر كيف العآده وملي نفتحو عليهآ نضيفولهآ المآء عينك ميزآنك ونزيدو من جهد العآفيه ونخليوه حتى يشرب المآء
وهآهو وجد بالصحه والرآحه كيجي لذيذ مممم
ملآحضه يمكنلكوم تزينو كذلك بأنآنآس مسير ولوز مقلي
المقادير
كاس عنبة حليب
كاس عنبة زيت العود
راس معلقة خميرة الحلوة
قبيصة الملح
نخلطوا الكل نعملوا كورة
ونغطيوها ونخليوها ترتاح
من بعد ندوزوا للحشوة
2 فلفلات خضرين
1 فلفلة حمرة
بصلة متوسطة مشلضة
شوية البزار
مليحة
زيت العود
تشحري الكل مزياان
درت معها حسوة الدشيشة الشعير بالحليب
وهاهو عشانا بالصحة والهنا
تبارك الله على الحادكات
طريقة لذيذة للروز بالدجاج
الدجاج حسب القياس ديالك
بصلة مشلضة
زويتة العود
مليحة
6 دراس الثوم
بزار، خرقوم بلدي ، سكين جبير ،
3 حبات الهيل ، 3 قرنفلات
راس معلقة قرفة
الروز انا تنعبر بايدي كل واحد تندير
لو حفينة ايدي ماشي كبار ههههههههه
لانها تتولي جوج حفنات الله يجعل البركة
او تعبري بالكاس ديال العنبة كل راس
ديري ليه كاس الروز صافي غادي
المهم هو الطنجرة ما تكونش تتلصق
فلفلة حمرة فلفلة خضرة والربيع قزبر ومعدنوس .
الطريقة :
تقطعي الدجاج طريفات متوسطين عشوائي
تقليهم في الزيت والملح والبصلة وتخليه
حتى طيح البصلة وضيفي لهم الفلفلة مقطعة
مربعات صغار خليهم شوية وروي بالماء
وضيفي العطرية الي ذكرت لك الثومة غادي تقطعي
2 روس والاخرين دقيهم خلي حتى يطيب الدجاج
عاد ضيفي الروز لانه في 10 دقايق تيطيب
يكون الماء غالب كما شفت في الطبق ديالي
وفي الاخير ضيفي الربيع مطقطق وانت تتشوفي
تقدري خاصوا يكون مرق ماشي ناشف بزااف
وبالصحة والراحة .
جربيه غادي يعجبكم
بطاطس مشرملة اومنصوبة غير بالطماطم الحك مفيها لبصلة لامطيشة الأقتصاد هههههههههههههههه
و2 انواع السلاطة وحدة باردة ديال الخص مطيشة بصل فجل خيار
والثنية ساخنة فلفل مشوي مع مطيشة طيبتا في الطرية وزت عليها الفلفل
والعصير ديال واحد الأخت نسيت سمية تسمحلي بزاف جا رائع فيه المندرين وحامضة بقشورها طحنتهوم وصفيتو ثم ضفت عليه موزة وتفاحة والسكر وشوية ماء وطحنت كلشي
اوا هاديك لالامولاتي ديال الخبز
https://www.anaqamaghribia.com/vb/sho…702&highlight=
المقادير
3بيضات
كاس معامرش سنيدة
1/2 كاس عصير الليمون
1/2 كاس زيت و زبدة
معلقة صغيرة قشور الليمون
2 كيسان طحين الفورص على حساب الخليط
1 خمارة
1 قاني
3 الى 4 تفاحات
نخلطو مزيان البيض مع سنيدة
نزيدو الزيت و الزبدة
ثم عصير و قشور الليمون
و في الاخير الطحين مع الخميرة
نسرحو الخليط فالمول
و نبداو نستفو التفاح
نرشوه بشوية سنيدة و الفاني
وندخلوها طيب
منين طيب ندهنوها بالناباج أو كونفتير
المقادير كالتالي:
طريفات اللحم حسب الرغبة
بصيلة مشلضة
2 دروس الثوم
مليحة
البزار
السكين جبير
راس معلقة قرفة
زيت بلدية ورومية
القوق ، الجلبانة والبطاطة
اول شيء ندير الطاجين يسخن ندير فيه الزويتة ونحط اللحيمة تقلى هي والثوم والملح
طبعا العافية تكون مهيلة باش يتشحر على خاطرو
من بعد يتشحر اللحم ندير الماء الكافي وندير العطرية
من بعد نضيف البصيلة مشلضة ونخليها حتى تهبط
من بعد نستف القوق والبطاطة والجلبانة
ونزين بالحامض مصير والزيتون حسب الرغبة
وهاهو الطاجيم ملي وجد تيشهي بالصحة والراحة نتمنى تجربوه
عشاء بننننننننننوتة