مكينة دالصابون

السلام عليكم

عافاكم قولولي انا ماركة زوينة فماكينة الصابون انا بغيت نشري للي كتحل من القدام على حساب البوطاجي واختي كتقولي للي كيتحلو من الفوق احسن اشنو رايكم

---

l;dkm ]hgwhf,k

يآآآآاك ا فتافيت غتشري ماكينة دالصابون بالصحة والراحة الحبيبة اوا للا خودي ويرلبول اوتومتيك كتدير تقريبا شي 2800 ده ماركة زوينة و الا بغيتي انا نوريك منين خديتا في اكادير و كيوصلوها لك حتى للدار و ادا بغيت بالتقسيط و بلا فائدة يالاه .هههههه وراك وراك و الزمن طويل اربي الا ما شوفي ليا شي دار حداك نتجمعو على الغدا والعشا و الفطور و و و و

اختي الماكينة لي كتحل من القدام كتخسر ليها الجبظة مع كتىة الضغط ومكتصبرش .الضبارة هيا لي كتحل من الفوق غير متكتريش عليها الخوايج وقلبيهم لانو الى غير نسياي فيها الفلوس صرف كيتكوانسة الموطور.اما ليمارك اختي غير تسخر الله .

اسماء ربي اخلليك الزين رانا تقديت شي حاجة من سوق السلام حتى هوما تيوصلو خديت كلشي سامسونج لحد الساعة مزياين دابا مناكرين انا واختي غير على ديك الحلة والسدة دالماكنةانا مبروشياها تحت البوطاحي فالكوزينة دالسطاح قلت نشري للي كتحل القدام هي للي دخل اما هاديك غتخصني ليها بلاصة بوحدا وشكرا الفنون ديالي اعطيك الرضاااااااااا

ام سليمان شكا اختي على المعلومات الله اجازيك خير

انا عندي مكينة lg اللي عندها باب امامي مزيانة واقتصادية فالماء و الكهرباء و شريتها ف 2024 و باقا زوينة المهم يدك بوحدك ماغاديش تخسر ليك و الله المعين

أنا شحال هذه كانت عندي وييربول تتفتح من الفوق الله يعمرها دار حتى سكت ليها القلب هههه
ومن بعد شريت lg أوتوماتيك حتى هي الله يعمرها دار هذه الثانية تندير فيها حتى المانطات
غير الأوتوماتيك خاص غير يد واحدة
تحياتي

هوما بحال بحال شوفي نتى لي يناسبك

شكرا البنات الله اجازيكم خير