السلام عليكم ورحمة الله وبركاته
غنطرح ليكم مقادير حليواتي البسيطة
على بركة الله غنبدا ب
سابلي بالكراميل ومن لا يعرف سابلي
المقادير كالتالي
250 غ سنيدة
250 غ زبدة
فاني
2 بيضات
خمارة
دقيق حسب الخليط تقريبا 700 غ او اكثر او اقل
************
يجكع الكل وتعمل كريات وتدلك وتقطع بمراشيم لي بغيتي وتستف في صفيحة فرن وتطهى حيث غتبقى بيضاء اي بلا متحمر
وكل حبتين تلصق مع الاخرة ب نسلس انا كنديرو ف الدار
وعاونوني ما القسم فاش كتحطو نسلي باش نحطو ليكم نسلي تاع الدار
او بالكنفتييير وتدهن الوجه ايضا وتزين بالكاوكاو محمر ومهرمش
اما الوردة ف دهنت الجوانب وزينتها بالكوك ولكم الاختيار
يتبع
lrh]dv pgd,hjd jhu hgud] hgt’v 2024
السلام عليكم ورحمة الله وبركاته
غنطرح ليكم مقادير حليواتي البسيطة
على بركة الله
بعد سابلي ان شاء الله غنتبعو ب حلوة على شكل كركاعة
المقادير كالتالي
1/2 ماركرين
كاس زيت
كاس ونصف سكر
خمارة
كاكاو
والدقيق حسب الخليط
*****
يخلط الكل جيدا وتخرج ف البوق والى الفرن
وملي اطيب يترك يبرد ويلسق بنسلي المنزلي
ويقدم
يتبع
السلام عليكم ورحمة الله وبركاته
غنطرح ليكم مقادير حليواتي البسيطة
على بركة الله
بعد حلوة على شكل كركاعة ان شاء الله غنتبعو ب حلوة منقوشة بالبوشون
وكنت طرحتها من قبل وها ي
ماركرييين
2 كاس زيت
2 كاس سكر
خمارة
فاني
بيضة
دقييق
يخلط الكل جيدا وتعمل كويرااات صغار وتزين بالبوشون كما ف الصورة
وتكركر في السكر والى الفرن
السلام عليكم ورحمة الله وبركاته
غنطرح ليكم مقادير حليواتي البسيطة
على بركة الله
بعد حلوة ساهلة منقوشة ب البوشون تاع الزيت ان شاء الله غنتبعو ب حلوة الغريبة بالكاوكاو
على بركة الله
الحلوة كنت طرحتها من قبل وها هي
غريبة خديجة *…*
هذه الغرييبة تاع واحد الاخت الله افرحها ويفتح ليها بيبان الخيرااات ودعييو معاها
الهم خديت هذه المقادير من عندها وكتجي رااائعة ومطرطقو ورااائعة وهشيييشة وصاالحة لعجزو ههههه وايضا لدراري الصغاار حييت مفتتة وراائعة
نصف كلو كاوكاو محمر ومطحووون جيدا بقشوووره مع زلافة سكر
زلافة زيت
2 خمارات
100 غ زبدة العباااار
ملح
دقيييق
يخلط الكل جيدا وقسمهتا على 2
الاولى خلييتها هكاك
والاخر اضفت كاكاو مر
وكتغطى بالمييكا والى الثلاجة ليلة كاااملة
اي من ليل حتى الصباااح
وتكور و لي درت ليها كاكاو كندردرها ف سكر كلاصي
والعادية في السكر
والى الفرن
السلام عليكم ورحمة الله وبركاته
غنطرح ليكم مقادير حليواتي البسيطة
على بركة الله
بعد حلوة ساهل الغرييبة بالكاوكاو ان شاء الله غنتبعو ب الفقاس باللوز
المقادير كالتالي
180 غ زبدة لينة
150 غ سكر
كاكاو انا درت المر
لوز **عمرت غرافة تاع الماء والسر هنا درت اللوز ف الماء الباااااارد وخليتو شي ساعتين**
و كاس صغير فيه لوز وكاوكاو و بسكوي مطحونيين **فقط اختياري**
5 بيضات
قليل قرفة لي بغلها
قبصة ملح
خمارة
نافع لي بغاااه
والدقيق حسب الخليط
ولدهن اصفر البيض وملعقة حليب و النسكافييه
جمعت الكل وحولته الى حرابييل ودهنتو بالحليب و البيض والقهوة ودرت خطوط بالفرشيطة والى الفرن خليتو اطيييب نيت
وخرجتو وغطيتو ب فوطة مبللة وخليتو من اليوم حتى الغدا وصافي قطعتو وجاني ساااهل ولو فيه اللوز ملقيت صعوبات ابدا
ورديييتو لصفيييحة فقط اتحمر شوية
وبالصحة
ثم
اي استفسار انا رهن الاشارة
رعاكم الله وبيااكم
والسلام عليكم ورحمة الله وبركااته
الله انورك يا الغالية
شكرا لك
والسلام عليكم ورحمة الله وبركااته
الاروع حضوركم يا اختاه
شكرا لك
تبارك الله عليك