مغتربات المملكة العربية السعودية مصروف البيت.

---

lyjvfhj hgllg;m hguvfdm hgsu,]dm >>>>>>>>>>>>>>lwv,t hgfdj> gfkhj Hojd gd;l la;g hggi hgh hgfv;m hgpl] ggi hgsghl hgukhdm hojd hkh hrjvhp fphg j[vfm ]hzlh pjn d;,k uk]d uk]; ,g;k ,hp] ktsd kts; ;dt

شكرا لك اختي لطرحك هدا الموضوع
اتمنى تفاعل الانيقات فموضوعك يستحق الاهتمام
انا في انتظار طريقتك في تدبير المصروف

انا الصراحة المصروف الدار عليه مافيش مناقشة يديني لسوبرماركيت ناخد الي نحتاجه بدون مناقشة اما مصروفي الشخصي كايعطيه لي كل اول شهر انا حرة فيه نجمو نخسرو ما يتحاسب معايا فيه لهدا ماهزا هم لمصروف الدار

الله ينوركم أحبيباتي , وشكرا على ردودكن افرحتني كثيرا .

طريقة المصروف ديالي , صراحة كنصرف بزاف بزاف , لهذا بغيت نستفدوا من بعضيتنا ونكونوا حادكات وعرفات كيفاش ندبر مصاريفنا . أنا منين كيتخلص راجلي كنمشي نتقدى التقدية الأولى من السوبر ماركت 5لترات زيت , و5 كيلو سنيدة راكوم عارفين ماكاينش السكر هنا , والعطرية , 4 دجاجات , رجلة ديال اللحم 2 كيلو تقريبا , وكنجيب 3كيلو ديال الحوت ديال القلي منوع و1 كيلو ديال الفلكة للفران , 1 نيدو , 2 قرعات ملحة , 2كيلو سميدة و2 بكيات كسكس وبكية شعرية وسباكيتي و مقارونية والعدس و اللوبيا وبكية كبيرة ديال مطيشة الحك فيها 10 قريعات صغار كتديليا شهرين و 30 بيضة و 2 قرعات ديال بكينك باودر و 2 ديال الفانيليا , وكانشري من الطاحونة 16 كيلو ديال الديقيق نصف قمح ونصف فورص كنخلطهوم و الزبدة والفرماج والشوكلاط و جبنة و 1 كيلو كفتة هادشي للشهر و(الخضر والفواكه و 4 حليب ) للأسبوع يعني هادشي كامل كنخسر فيه 1000 ريال سعودي وفي الأسبوع كنخسر 200 ريال ( 150 ريال ديال التقدية و50 ريال إلى خاصني شي حاجة ) أي في 3 أسابيع كنخسر 600 ريال بالإضافة إلى 1000هي 1600 ريال سعودي بلا ضوء بلا ماء والمكياج ديال الشهر ديالي 100 ريال 1700 ريال في الشهر اللي كنخسر في المواد الغذائية علد زيد الأنترنيت والماء والضوء والمصاريف الأخرى مع العلم كينا عا أنا وراجلي فقط , وبغيت مساعدتكم في المصاريف حيك نتوما عارفين الثمن ديال كل حاجة إيوا ماتبخلوش عليا بأي اقتراح . واقيلا طولت عليكم بزاف . يالاه تحياتي للجميع ومبروك عواشرعليكم جميع.

ختي راجلك سعودي ولا مغربي باش نقدر نجاوبك

حاولي تمشي لبندة فوقت التخفيضات كيكون عروض زوينة بحال كان جا وقت عروض 10 ريال بحال 5 حبات ذرة ب 10 وهاكا كنت كناخد وبما اننا غير زوج بينا ماكستعلووش بزاااف بالنسبة للحوت ماشي ضروري كل شهر خودي كيلوو من الحاجة تكفيك انتي وراجلك وكل شي بالفريزر ماكيضرش السكر خودي د 10 كيلو وارتاحي شهووووور الزيت انا كناخد د 3 لتر الدجاجات خدي الدجاج اللي جاي فخووود ولا انصاص راه فبندة كيجي زوين فالكبسة والطياب نيدو الا خديتي علبة ماغاديش تساليها فشهر راها كتطوول الملح قرعة وحده كتكفي سباكيتي خودي 5 حبات ونوعي منها للسلطة بيكنج باودر لاش 2 علبات علبة وحده كااافية المهم الا عرفتي تغتنمي العروش د بندة غادي ترتاحي غاتزيري شهر وترتاحي شهرين ولا 3 الحاجة اللي لقيتي عليها عرض وماغاديش تخسر خودي منها ونسايها القشطة خودي نص كرتووون احسن وترتاحي دريم ويب كان كارفور دايرين عرض 4 علب ب 24 ريال الخضرة خودي الا كتفرزني خودي كمية الا لا خودي اللي يكفيك باش ماتخسرش الفرماج خودي للي طبقاااات كيدير ب 24 يمكن الشكلاط امره سهل رخيص ماغاتحتاجي من البقالة الا البيض ولا الخبز والحليب السايل المكياج ضروري كل شهر تشري.؟؟؟؟
خودي اللي ناقصك وصافي اتمنى نكون فدتك

رجلي مغربي الله يخليه ليا أختي.

أفدتيني بزاف , الله ينورك ويحفظك لراجلك , فرحتيني بزاف الله يفرحاك ومبروك عليك العيد تعيدي وتعاودي في حياتك نتي وراجلك ويرزقك الذرية الصالحة .

اختي نصيحة سيري مع سيستيم ديال المغرب خودي مونة الشهر وخودي الي غاتستعمليه اما مصاريف اليوم خليها لخبز ولا قدرة الله الدوة والاسبوع مثل الحليب لان مدة صالحيتو هنا محددة تقريبا فاسبوع يعني ديري مزانية كتبي الي تحتاجيهم وحسبي وغاتشوفي انك غاتشيطي الفلوس الي تجمعيهم لزمان
وسمحي لي انا حاولت نفيدك لكن ماعرفت واش فدتك ولا لا انا رامية عليه مصروف الدار ومصروفي الشخصي هو الي كانجمع لراسي