بسم ط§ظ„ظ„ظ‡ و الصلاة و السلام على رسول ط§ظ„ظ„ظ‡ وعلى اله وصحبه و من والاه
سبحان ط§ظ„ظ„ظ‡ الواحد الأحد الفرد الصمد، سبحانه الباقي وكلنا إلى زوال،
خواتاتي، حبيباتي في ط§ظ„ظ„ظ‡طŒ بلا شك راكم عارفين باللي الدنيا ط¯ظˆط§ط±ط© و بناسها غدارة،
سعدات اللي مادارهاش فقلبو و عمرو بالحي الباقي، الدوام له عز وجل.
أما نعيم هاد الدنيا راه كلو إلى زوال
و حنا طامعين فقصور الجنة الخالدة و نعيمها و ملذاتها اللي بلا بداية و لا نهاية
و شي جلسة معاكم تماك ياحبابات قلبي في ط§ظ„ظ„ظ‡طŒ ايوا فكرم سيدي ربي طامعين
و مشى لينا القصر و حمدناه و شكرناه وراه واعدنا و قال جل من قال "لإن شكرتم لأزيدنكم"
وحاشى ربي يخيبنا وحنا دايما حامدينو و شاكرينو على عطيتو و على اللي خباها لينا.
وهاهو بيتكم الجديد، بصح ماعندو علاقة مع عز ظ„ظ‚طµظˆط± و فخامة الديكور و لكن باقي فيه الكنز ديالنا
و أغلى ماكان عندنا وهو الحب في ط§ظ„ظ„ظ‡ و الثقة بأن القادم أجمل
و ماعليش الى كان صغير باش نحسو بالدفا فهاد البرد
وماعليش الى كان على قد الحال راه الفرحة كتشرح الصدر و توسع الخاطر أكثر من تيساع لحيوط
وحنا نترجاو مولانا فرحة لكل وحدة فينا حتى يتجبر خاطرها، و هاد الساعة كل وحدة فينا تترجى فرحة جمع الشمل
الله يجمع شملنا مع أزواجنا عاجلا غير آجل وقبل منا، ط§ظ„ظ„ظ‡ يفرحني بابتسامتي وجارتي فاتيزاوي
لعزازات على قلوبنا و اللي كل وحدة تستنى ورقة تفك سراحها
و ط§ظ„ظ„ظ‡ يجعل ليهم فهاد التأخير خير كبير، و من بعدو ربي يفرحهم بتمام الأمر بالتيسير
و حفل الافتتاح اللي كنا نديروه و تعودنا عليه ولابد منو، لا تقطع عادة منها تتعادى،
غير هو راه الظروف تبدلات و لكن نكرمو ضيافنا على قد الحال، و كيف يقولو راه الجود من الموجود
وقبلو على ماوجد لالياتي
مرحبا بيكم و الى ماعجبتكم حتى حاجة فهاديك الطبلة وخا تعجبكم غير جمعة لحباب اللي دايرين بيها
ايوا هذا جهدنا على المسطرة الطويلة ديال هاد الاجراءات و لعل و عسى يحنو فينا يشوفونا مجليين فهاد لخلا
و فهاد البرد ومزاحمين، و ماكاين حتى التيساع اللي يهزنا كاملين، وحنا كل وحدة موالفة بيتها و حمامها
خلاكم ط§ظ„ظ„ظ‡ حتى ولينا أمة فحمام واحد، و حشمت ندير تصويرتو مافيه اللي يتشاف أعزكم ط§ظ„ظ„ظ‡ ههههههههه
و لعلهم يحنو و يطلقو سراح شي بنات يمشيو للدويرة ديال لوفلي كيوت تماك
راه تواسع و الدار كبيرة و الخير موجود
و بهاد المناسبة كنحيي لوفلي اللي كتجي طل علينا مرة مرة
و تجاوب على تساؤلاتنا ربي يخليها و يرزقها بالذرية الصالحة
وتحية لميمي السكرة و لرقيتي و لميجود و لبنات كاملين جاراتنا حاليا رفيقاتنا في السكن ظ…ط³طھظ‚ط¨ظ„ط§ قريبا ط¨ط¥ط°ظ† الله.
حبيباتي ط§ظ„ظ„ظ‡ يسهل عليكم و علينا و يكون هاد الكوخ عامر بحسكم و بأفراحكم و بخباركم الزينة
في الرد الأول غادي تلقاو إجراءات الالتحاق بالزوج و الفيزا لامريكا إن شاء الله
lyjvfhj Hlvd;h lsjrfgh fY`k hggiK lk udam grw,v g;,o li[,vKhg]kdh ],hvm , hg]hdl hggi td.h
باش كلشي يستفد و إلى كانت شي حاجة تبدلات أو تغيرات الله يخليكم نبهوني ليها
**** فيزا زواج التي تسمى بـ CR1 ****
لمهم اخواتي أول حاجة ملي تتزوجوا و تاخدو عقد الزواج كيكونو عندكم 2 كوبي
وحدة فيهم سيرو صادقو عليها فمحكمة الأسرة و وزارة الخارجية باش الزوج ديالك غادي يديها معاه ال USA
وخا فالمرحلة الأولى كيرسل غير كوبي ديالها و يحتفظ بالأصل حتى لمرحلة ال nvc
(شي وحدين ماصادقوش عليها و ماقالو ليهم والو)
و يدي معاه عقد إزدياد ديالك وديالو (الأخضر)
شهادة حسن السيرة ديالك كتاخديه من عند البوليس
فطوكوبي ديال الصفحة الأولى ديال الباسبور ديالك تكون بالألوان
و هادشي كلو ترجموه باللغة الانجليزية في المغرب عند مترجم محلف
(حيت نهار الانترفيو متعترفوش بالترجمة ديال أمريكا لابد ديال المغرب)
و غادي يدي معاه صور ديالك ديال فيزا أمريكا العبار ديالهم هو 5/5
و غادي ت imprimiw فورم I-130 لكيخص معلومات عليك ديال فيزا زواج و تسني فيه نتي
و فورم G-325A سني فيه و عطيه ليه يجمعو مع الوراق لوخرين
لي غادي يدي معاه لامريكا ان شاء الله.
وانتبهو للتوقيع
(غدين تقول علاش أنا نقلكم حيت هاد signature ديالك مهمة بزاف
و لابد خصك ديمة تبقى تسني نفسها حيت نهار انترفيو غادة تكون
واحد فورم سمتها DS-260 فيها واحد بلاصة خصك تسني فيها نتا قدام القنصل ديال أمريكا
و خاص هاد signature تكون مطابقال signaturat لوخرين لدرتي فل FORMS
ملي بغيتو تدفعو لهم دوسي المرو الاولى ….)
هاد النقطة فهمتو ها إو ندوزو الشرح دبى ملي غادة يوصل الزوج ديالك لي أمريكا غادي يعمر هدوك
FORMS لي سنيتي
فيهم و خصهم ميكنوش مكمشين فهمتو نعاود نكتبهم لك FORMS هما:)
FORM I-130 ديال زواج
FORM G-325A ديال معلومات على الزوج
FORM G-325A وحدة أخرى فيها معلومات على الزوجة
FORM G-1145 هاد الفورم خصها دير فيه ايميل ديالو و إسم ديالو و NUMBER PHONE ديالو إلى بغا
شنو لهدف من هاد الفورم هاد الفورم تيسهل على مكتب الهجرة بش يتواصل معكم عبر الاميل
إلى درتو هاد الفورم ملي غادي يتوصل بدوسي ديلكم غدن يرسلو لكم
ايميل ف نفس النهار بلي توصل به و غادي يرسلو ليكم معه CASE NUMBER ديالكم بش تبقاو تبعو دوسي ديالكم اونلاين
أما في حالة مدرتوش هاد الفورم ف غادي تاخد لكم 15يوم حتى شهر بش يجوبوكم بالبريد بلي راح توصلوا بدوسي
مهم نكملو
ملي غادي تعمرو هاد أوراق او يسني فيهم حتى هو غادي يجمعهم مع ترجمة دعقد زواج اللي مصادق عليه و كوبي ديالو بالعربية
و عقد زدياد ديالك و ديالو مترجمين بإنجليزية و صور زوج لكي و له حتى هو
و يكتب ورى كل وحدة إسم ديالو و كنية بقلم الرصاص و صورك فيهم اسمك و كنية ديالك من الوراء
و دير الصور في انفلوب صغير عاد ديرو مع لورق كاملين .
و دير معاهم فوتوكوبي ديال باسبورت بالألوان ديالكم و كوبي ديال الجنسية الأمريكية ديالو يلى عندو
و هدشي كامل ديرو في انفلوب كبير و يغلقو
و يخلص شيك ديال 420$
هداك الانفلوب غادة ترسلو ف اكسبرس للعنوان ديالهم راح كين موجود ف السيت تاعهم.
ملي غادي يتوصل بدوسي غدين يشوفو الأوراق او الصور إلى كان كلشي مزيان
غادي يرسلوكم عبر الاميل كيف قلت فلأول و يصفتو لكم السيت للي غادي
تبعوا فيه الدوسي ديلكم ONLINE
ملاحظة باش يتفتحو ليكم الفورم FORMS
لابد يكون عندكم adobe acrobat محنت هو اللي كيفتح ملفات pdf فل pc بش تقدر تقراو هاد forms
هاهما الروابط ديال لفورم i-130 w g-1145
https://www.uscis.gov/portal/site/usc…0045f3d6a1RCRD
https://www.uscis.gov/portal/site/usc…0045f3d6a1RCRD
وهدى FORM G325A
https://www.uscis.gov/portal/site/usc…0045f3d6a1RCRD
هدا هو السيت ل تصيفت لكم مع الإميل الأول ديال immigration
ديلكم و تشوفو إنا مرحلة كتبو تدخل ليه و تدخل case number
ديالكم و تشوفو إنا مرحلة وصلتو
case number تكون على هاد الشكل على حساب الولاية للي محسوب عليها
كيبدا بي ثلاث أحرف و كنتهي بأرقام
متلاً
wac2148500697 واك تعني ولايات كاليفورنيا
eac 1589648521 هادي تعني ولايات بوسطن والنواحي
هاهو السيت كدخل فيه case ديلكم كامل و تكلكيو على
check statut و تعطيكم لمرحلة فين وصلين
https://egov.uscis.gov/cris/Dashboard/CaseStatus.do
مهم ما بن فش كدفع دوسي حتى كتجكم الموافقة غدن تحسب 5 أشهر و بعد المراة ملي تكون دواسة بزاف تتوصل حتى ال-8 أشهر matfouthach
من بعد مكتجيك الموافقة على دوسي ديالك لي إسم ديالها approval بل english تخبرو زوج ديالك بي الايميل
و تصيفت الدوسي ديالك من هداك المكتب المكتب الفيزا إسم ديالو هو nvc
national visa center
هدوك بدورهم ملي تتوصلو بدوسي ديالك تخبركم بميساج و من بعد 15 حتى 30يوم
تصيفتو لكم بش دخلو لسيت ديالهم باش تعمرو واحد
الفورم سمتو ds 261 و من بعد واحد المدة كيصيفتوا ايميل باش الزوج ديالك
خلص 120 دولار اون لاين او بشيك أولى فلوس عادي و ملي تيخدو فلوس
كنوجدو ليهم دوسيي اخر باش نرسلوه ليهم كيكون فيه:
توصيل ديال الخلاص ديال 120دولار
واحد form سميتو affidavit of support
(ديال الضمانة بش يضمنك بأنه قاد عليك إلى مشتي الأمريكا ملي توصلو بيه تشوفو وش لمبلغ
ديال التاكس ل طالبين هو هداك التاكس هو الضرائب ل تيخلص الزوج فلعام إلى كان هو هداك المبلغ ل هو 19.000$
إلى كنتي بوحدك إلى كان عندك وليد خاصو يكون أكثر محنت على حسب عدد الأشخاص اللي غادي يضمنهم،
إلى مكانش واصل ليه الزوج ديالك تطلبو ليه يدير واحد أخر للي يضمنكم اللي هو sponsor و هاد السبونسور إلى كان مزوج خاص مراتو ضروري تسني ليه فالورقة على أنها موافقة و إلى ماسناتش نهار الأنترفيو يقولو ليك سيري عاوديها حتى تسني ليه مراتو وعاد رجعي لعندنا، باش تفاداو داكشي من الأول يكون موقع من الضامن ومراتو)
نسخة كاملةمن عقد إزدياد ديالك مع الترجمة باللغة إنجليزية
عقد الإزدياد حتى هو مع الترجمة ديالو كيطلبوه بعض الولايات
صور 5/5 ديال VISA لك طبعاً
سجل عدلي ديالك تجيبوا من محكمة
حسن السيرة تجيبوا من لبوليس
و فطوكوبي ديال باسبور الزوجة
و عقد الزواج الأصلي اللي كان داه معاه الزوج فالمرة الأولى
و اللي فيه المصادقة ديال محكمة الأسرة ووزارة الخارجية
هادشي كلو كيكون مترجم عند مترجم محلف هنا بالمغرب
ومن الأحسن تمشي عند المترجم نفسو اللي مشيتي عندو في الأول
لأن كيكون باقي عندو داكشي مصاوب من المرة الأولى غير كيبدل ليهم التاريخ و يطبعهم،
وكينقص عليك الثمن ماشي نفس داكشي ديال المرة الأولى
من بعد واحد 20 يوم حتى لشهر مكملش ترسلوا ليكم باش تخلصو 320$ ديال visa
و من بعد كيعطوكم تعمروا الفورم DS-260 اون لاين عندهم فسيت
ملي يتوصل بهم مكتب NVC كيرسلو ليكم إيميل باللي توصلو بالأوراق
بعد 60 يوم تقريبا غادي يكملوا لكم CASE ديلكم و يغلقوه و يرسلوه لي CASABLANCA MOROCCO
( إلى ماكان فيه حتى خطأ، وماكانت ناقصاه حتى ورقة، وقولو لرجالكم ينتابهو مزيان للطاكس
لأن الأغلبية كيغلطو فيها المهم أي خطأ أو نقص، من بعد مكتنتهي هاد 60 يوم كيرسلو ليكم
تشيك ليست الله ينجينا و ينجيكم منها، ومنين كتعاودو ترسلو ليهم داكشي اللي ناقص
كتعاودو تتسناو 55 يوم تقريبا باش عاد يسدو ليكم الكيس،
داكشي علاش ركزو مزيان و حاولو متغلطو فحتى حاجة باش تربحو الوقت)
سيت ديال nvc ها هو https://ceac.state.gov/ceac
كدخلو ليه بواحد الارقام سميتهم case number و invoice number
كتبعوا فيه الدوسي ديالكم و فاش كيسدوا ليكم case فبلاصت PAID كتولي n/a
تجربة الفيزيت ميديكال كيف رواتها أختنا كوثر فشهر دجنبر 2024
السلام عليكم ورحمة الله تعالي وبركاته
انا جيييييييت نعود ليكم على تجريبتي مع طبيبة Dr . Nezha El Fahri
بسم الله …. مشيت عندها معى 8:30 عطيت ل سكرتيرconvocation و La carte national و فوطوكوبي ديالها .وpasseport و فوطوكوبي ديالو .و 6 تصاور صغار ولعنوان ديال راجلي غادي تبغيه طبيبة.هادشي قاتلي جيبيه نهار تاصلت بها باش ناخد لموعد .
قاتلي سيري ديري تحليلة ديال دم ومن بعد ديري صورة لصدر و اجي .
ورجعت عندها قاتلي جيبي 3 شوكات من la pharmacy كاينا غي حداها . ملي جبتهم تسنيت شوية ودخلت عن طبيبة دريفة بزاااااااف .بقات كتسول فيا واش فايتليك نعستي ف l’hôpital.واش كاتمشي عند طبيب نفساني .واش تعرضتي لعنف .واش كدخني .واش كتشربي .واش كديري ندّرات دشوف. كلشي جاوبتها لا …وقالي واش موافقة متولديش 3 شهور قتليها اه وعطاتني ورقة سنيت فيها
وقاتلي حيدي حوايجك بقاي غي ب 2 piece
عبراتلي لوزن . وطول و ضغط .قلباتنى و دارتلي شوكة فيدي ليمنا ديال حميريات و شوكة فيدي ليسرا ديال la grippe و شوكة فالفخض ليسري ديال كزاز.
وصافي خرجت تسنيت بنما تقاض ليا le dossier ديالي خديتو قاتلي متفتحيهش حتا تعطيه ليهم فالقنصلية .
هاد شي كامل من 8:30 حتى ل 3:30
تحليل دم = 150 درهم
صورة الصدر =220 درهم
3 شوكات = 320 درهم
طبيبة = 600 درهم
الله يوفقكم حتا نتوما البنات
تجربة ديال نهار الأنترفيو كيف رواتها حبيبتنا كوثرا (كوكاوتي المعسلة)
فشهر ديسمبر 2024
السلام عليكم البنات
انا جيت نعود ليكم على نهار الانترفيو
فقت بكريييييييي انا و بابا و مشينا لقنصلية مع 7:00 لقينا غي واحد لمرة كبيرة هي و ولدها جات على ود فيزا توريست ، بقينا كنتسناو حتا جاو ناس و عمرات لبلاصا
مع 8:00 جا واحد من سيكيورتي قالينا ديرو صف وبدا كيسول لي فيزا زواج يتسناو بوحديتهم ، وبدا كيسبق لي توريست و قرعة ،شوية جا عندنا أصلا كنت غي انا واحد دري لي زواج صافي .
جبد ورقة فيها سميات قالي واش نتي كوثر قتليه آه قالي صاك واش فيه شي ريحة قتليه مفيه والو من غير لأوراق ،( من الأحسن ديو غي الاوراق صافي واحد لبنت ملقات لمن تخلي صاكها ) قالي صافي سيري دخلي بلا مايشوف ل Convocation . قطعت شانطي ومشيت لشريجم لي على برا لقنصلية قاتلي لبنت لي فيه عطيني باسبورك و تصويرة وحدة 5/5
ودخلت حليت لباب تقيل لأول (هو تقيييل ولاكن مكبييييرش ) و تاني ( القنصلية تخيلتها كبيييييييرة و لباب تقييل لي كانو كيقولو لبنات فتاجارب تخيلتو كبييييييير وكيخلع ، لقيت كلشي صغييييير ههههههههههههه بقيت كنظحك فخاطري ،مبايناش عليها قنصلية أمريكية )
المهم دخلت لبيبان ب 2
لقيتهم تاني قالولي حطي صاك ودوزي من لباب لي فيه Alarm ملي ماصوناتش قالي عنداك تكوني هازا قنبلة قتليه ممكن هههههه وبقا كيضحك ، دخلت شوية لقيت كراسا بالصف و تلفازا بحالا ف سينيما هههههه والكيشيات حدا لكراسا مباعدين غي ب 3 لخطوات لي كيعيطوليه يسولوه كلشي كيسمع اشنو كيقولو ، صافي شديت بلاصتي وبقيت كنتسنا غي شوية عيط ليا واحد (كوثر تجي ل كيشي 6 ) مشيت عندو رجع لي شوراق و قالي عطيني عقد الزواج اصلي وسولني واش فيتليك صافرتي خارج المغرب ، عندك وليدات ، باش كتهدري مع راجلك . قتليه عربية وهو يكتب ورا ضوسي Arabic . وقالي رجعي تسناي حتا نعيطو ليك.
شوية عيطولي تاني ولاكين ل 7 بيت صغيير هو لي فيه كيدوزو ل interview
لقيت راجل كبييييرفالعمر و مترجم قالي هزي يدك ليمنا وقولي ( كنقصم حتا لمعلومات لي غادي نقول صحيحة و قصمت ،وخداو لي لبصمات ( وبداو الأسئلة )
فين تلاقيتي براجلك ، وقتاش جا المغرب ، امتا تزوجتو ، فين صافرتو ، معامن ساكنة ، شحال بقا معاك من بعد الزواج …..
وصافي ورجعلي العقد ديال الزواج و قالي هاد الورقة قرايها مزيان باش تعرفي حقوقك تما الا تعرضتي لعنف وقالي خرجي تسناي 20 دقيقة système خاصر ،تسنيت انا ودري لي حتا هو زواج شوية عيطولينا تاني ل كيشي 1 بصمنا تاني و عطاونا وريقا Rose صغيرة بحال ديال لكيران فيها ارقام وقالولينا جيو نهار الخميس باش تاخدو ل Visa ديالكم ، ومشينااااااا
ونهار الأربعاء عيطولي قالولي ماتجي حتال الجمعة لحقاش الخميس كان عيد ف USA
ملي مشيت القنصلية باش ناخد ل Passporte ديالي حتااااااا قاتلي لبنت هاد الضوسي متفتحيهش حتا تعطيه ليهم وهاد الورقة باش تخلصي ل Green card قبل ماتمشي غي فتحات ل Passporte باش توريني منفوتش La date لي فيه وهي تقول وووووووووووف حتا نتي داروليك نفس المشكيل .
طبعو La date فوق شي ارقام ومابقات حتا حاجا باينة 🙁
وقاتلي حتال نهار الثلاثاء واجي خاصنا نطبعو ليك Visa اخرى
وتوتة توتة خلصت الحدوتة
دعيو معايا البنات عافاكم ناخدها نهار الثلاثاء لحقاش راجلي قطعلي نهار الخميس تمنينا نبداو العام جديد وحنا بجوج فدارنا مع بعضياتنا .
وألف مبرووووك على لبنات لي جاهم ل Approval ولي عطاوهم ل Interview ولي كاتسنا شي حاجة الله يفرحها بها
وللإطلاع على المزيد من تجارب لبنات اللي سبقونا الله يجازيهم بخير
ممكن تلقاوهم فهاد الرابط
https://https://echorouk.dzbatna.com/#303789
ملاحظة مهمة الى كنتي خرجتي خارج المغرب لمدة طويلة كتجاوز شهرين
نهار الانترفيو غادي يرجعوك حتى تجيبي شهادة حسن السيرة و السلوك من هاديك لبلاد اللي كنتي فيها
لذاك من الأول طلبيها ليهم لأن هاد الاجراء كياخد مدة طويلة و كتطلبها في السفارة ديال هاديك لبلاد
أو من وزارة الخارجية المغربية و من الأحسن فهاد الفترة ماتسافريشش خارج المغرب
إلا لمدة بسيطة بغرض السياحة وصافي
و الله يسر للجميع و يجمع شملكم مع أزواجكم في القريب و يسعدكم ببعضكم يااارب
اختي ريحانة انا اﻻولى دخلت ههههه
المشاركة الأصلية كتبت بواسطة beti 
الله يسهل عليك ماصعاب و تيسر كل الامور وان شاء الله كلشي يبقى غير تعاويد
قولي بيتي فين وصلتي فديكشي ديال سبونسور
مساء الخير انيقات. اختي غيتة راه لقى سبونسور على ربي يعمر داكشي صحيح راه تاني حمقني فالتعمار. الله يرزقني ابصبر يارب. تسنيت كثر من عام جاني عادي. وهاد شهرين دازت علية طويلة بزاف
بيتي راكي مزاحماني دايرا لي رجليك عند راسي هههههه داكشي علاش كندعي ليل نهار باش تمشي فحالك تعطيني التيساع فين نتمرح شوية
شي وحدين كيضربهم غير حمار الليل حمار النهار ماكيدي منهم لا حق لا باطل 
منال الله يبارك فيك ويوصلك على خير و يفرحك بالذرية الصالحة
نعووومتي فينك؟؟؟؟؟؟؟
المشاركة الأصلية كتبت بواسطة ray7anah بيتي راكي مزاحماني دايرا لي رجليك عند راسي هههههه داكشي علاش كندعي ليل نهار باش تمشي فحالك تعطيني التيساع فين نتمرح شوية
شي وحدين كيضربهم غير حمار الليل حمار النهار ماكيدي منهم لا حق لا باطل
منال الله يبارك فيك ويوصلك على خير و يفرحك بالذرية الصالحة
نعووومتي فينك؟؟؟؟؟؟؟
والمعنى عليك يالي مغمد عينيك هههههههههههههههه