هده الوصفه رائعه اخدتها من عمة زوجي في سعوديه ورها غزاله وتقدري تفنني بالعجينه كيف بغيتي تدوب في الفم سمحوليا متنعرفش نزل صور وهدا لي قدرت عليه وانشاء الله نتعلم
باش منطولش عليكم نبدأ بالمقادير:
3ملاعق كبار حليب بودره
2بيضات
1فنجان سكر ( نصف كأس ديال اتاي )
1بياله زيت (كاس ديال لعنبه)
1م ,ك خميره فوريه
نصف ملعقه ك خميره ديال لحلوه
3كيسان دقيق
1كاس ديال لماء دافيء
طريقه سهله:
نعجن المقادير كلها وتترك تختمر لمدة ساعه ومن بعد تستعمل على حسب رغبه انا تنقسم لعجينه 3كور وتندلك لكورا لاولى وتنحشيها ط¨ط§ظ„ط¬ط¨ظ† لكيري مثلثاث بحال طريقه كرواصه ولكن لحجم راه صغير وطريقه الثانيه تندلك لكوره مزيان ونطبعها بطابع لغطاء ديال رضاعه ونحشيها ط¨ط§ظ„ط¬ط¨ظ† ونكورها وطريقه الثالته تندلك لكوره ونطبعها بالكاس عنبه وندهنها بصلصه ونحط تونه والجبن لمحكوك ديال بيتزا وزيتون لي مقطع كا ديكور تيجي رائع وطريقتي رابعه تندير مربعات ونحشيهم باللبنه ونتنيها بالجوانب وتيبقى لوسط باين فيه لبنه او اي حشو بغيتي انت لك الاختيار ولما تسالي تدهنيهم باصفر لبيض ولحليب وترشيهم بزنجلان وتدخليهم لفران (وتحتافضي عليهم في ثلاجه في لفريكو لمده شهر اواكثر الابغيتيها تطلعيها وتسخنيها في الفرن وماشي في لمكرويف حيتاش لمكرويف تيكحل لجبن وتكرمها )
راه ماشي لبيتزا لي تدهن ولا مربعات لا غير طريقه الاولى والثانيه واما مربعات من تخرج من الفرن تصقيهم بالعسل
lu[khm fhg[fk hg;dvd lu[khj
يكون احسن لو كان الصور
وصفة رائعة تبارك الله عليك حبيبتي
الله يجازيك كل خير