مصروف الجيب للاطفال انت مع اوضد

السلام عليكم
الامهات الانيقات اكيد كل وحدة فينا ما تنكرش انها كدور مع وليداتها كل وحدة وجهدها .
اييييييييه ايام زمان كان الا عطاونا وليدينا ربعة دريال نطيرو بالفرحة انا واختي كنا نشريو المسكة اللي بالالوان ونعملو بها المكياج ونقلدو المعلمات دياولنا ههههههههه.
الان الوقت صعابت المتطلبات كثرت والوليدين كثر عليهم الضغط . نعطيو لوليداتنا ظ…طµط±ظˆظپ ط§ظ„ط¬ظٹط¨ ونراقبهوم ونعلموهم المسؤولية.
مانعطيوهومش واش ما كنحرموهمش اوا اش بان ليكم شاركونا تجاربكم الله يصلح وليداتكم وليدات المسلمين اجمعين.

---

lwv,t hg[df ggh’thg hkj lu h,q] hgp[m h,qp

السلام عليكم
انا كايبالي مصروف الجيب للاطفال مهم ولكن طبعا بشروط اولا خاصنا نراعيو السن ديال الطفل مثلا مصروف طفل سبعة سنوات ماشي هو مصروف طفل اثى عشرة سنة .نشوفو الاقران ديالو شحال يقدر يكون مصروفهم باش ما نعطيوهش اقل منهم ويحس بالنقص وما يكونش اكثر باش ما يفقدش قيمة النقود.
الامهات الانيقات واش دايرين صنيدقات لوليداتكم وكتعلموهم التوفير حبذا اخواتي لو تعدن لهذه العادة السليمة.
كاين في الاسواق صنيدقات بالخشب بالفخار ياريت لو كل وحدة ترجع تحيي هاد العادة اللي كبرنا عليها وشحال كانت فرحتنا كبيرة نهار نفتحو الصنيديقة . اش بان ليكم الانيقات ؟؟؟؟؟؟؟؟

أحياني واش ولاد ليوم يجمعو لفلوس محال انا بنتي طلباتني على الصنيديقة قالت لك بغات تجمع نهار خمس يام حلاتها قالت لك بغات تشوف شحال جمعات هههههه وجمعنا بكريييي هوفلحقيقة كنعطيهم لفلوس ولكن كيشريو غي التخربيق والسقاطة داك الشي لي مينفعهومش الله يهديهم وصافي

تبارك الله على البنوتة الله يخليها ليك وتفرحي بها ان شاء الله ياك بعدا عندها الارادة وجمعات خمسة ايام ههههههه مرة اخرى عاود شريلها صنيديقة ديال الطين واكيد غادي تكون عندها صباغة مائية عاونيها وصبغوها ورسمو فيها اشكال اللي تبغيهم وفي الفم ديالها زوقيها بالبريو وقوليلها هاهي مثلا حوتة شبعيلها كريشتها ومرة مرة زيديلها حتى انتي شي حاجة وخلي الصنيديقة تقال وقوليلها هادي البركة ملي كنجمعو الفلوس كيوليو بزاف وجربي انا هاد الطريقة درتها مع بنتي العام اللي داز وجمعات الخير والبركة وكانت جات واحد المناسبة وحلاتها ما تصوريش شحال فرحات وما صدقاتش المبلغ اللي لقات ولكن بيني وبينك راه كنت كاع الصرف نحطولها بلا ما تشوفني ههههههههه.

هههههه ربي خليك ويحفظ لك البنوتة والله يختي بنات ليوم قافزات وخا معرت اش ديري ليهم ميجمعوش

امين اختي والله يحفظ جميع وليدات المسلمين حاولي مرة اخرى اتفاقنا .

موضوع مهم اختي الغالية
الطفل اولا خصو تكوني ليه قدوة باش يدير بحالك خصوصا لبنوتات لانها كتقلد ماماها فكلشي يعني حتى انت ديري صنيديقة ملي تشوفك هي براسها غتسولك وتبغي بحالها وهادي الطريقة اللي درت مع بنتي وانا حليت صنديقتي وهي لا هههه
حاجة اخرى مصروف اليد باش غير يشريو بيه بلاش خلي الدار عندك تكون حانوت مرة مرة شري كارطونة دلباسطة حليوات ملونين دوينينات ويشريو من عندك نيت انت حسن من الزنقة متعرفي كااااع فين يصرفوهوم وملي يكبر مباقيش تحكمي فيه ومنها ملي تخرجي معاهم للزنقة مكيكونوش مهاوشين اللي شافوها بغاوها حيت عندهوم اكتفاء فدارهم
هادشي اللي تفكرت دبا

السلام عليكم انيقاتي الفاضلات الامهات الحانونات .
بمناسبة حلول السنة الهجرية الجديدة ارجو لكن سنة سعيدة مليئة بالنجاح والتوفيق والصحة والعافية كما ارجو لكن المزيد من العطاء والله يطعيكم القوة من عندو ويعاونكم على تربية ابناءكن تربية حسنة .
اغتنم هذة المناسبة واعلن تحدي شراء حصالة لكل طفل بشرط يبقى يجمع فيها حتى للسنة القادمة ان شاء الله ولا عمرت الاولى نشريو الثانية ههههههههه يالاه البنات زعمو وشاركونا .