السلام عليكم دكتورة نوارة، كنتمنى تكوني على خير، المشكيل كتعاني منو الام ديالي ط§ظ„ظ„ظ‡ يطول ليا فعمرها، العمر ديالها 56 عام،هادي 3 سنين كان جاها شي حريق في الركبة و مابقاش جاها حتى لشي شهر دابا عاد رجعليها الالم بحدة دارت راديوكرافي لقات واحد الجهة من المفصل بدا كيتحك تبعات الدوا و دارت الترويض ولكن فوقاش ما كتحرك كتوجع خاصها تبقى ناعسة نهار كامل و خصوصا عندنا دروج مكتحملش تهبط او تطلع، دابا حاليا متبعا Plascledine 300,Voltarène SR, Ketum 2.5%gel صراحة ماكين شي تحسن يُلحظ و الترويض غادا دي بلاش منو حينت كتزيد تعب ليها الركبة مع الدروج، دابا غادا تساراحها و تشوف شي اختصاصي هنا فمدينة الجديدة المشكل ليتلاقات بيه كيخلعها بالهدرة وفلانة كانت بحالك و دارت عملية و حسيت بيها ماثرة نفسيتها، درت واحد البحث ولقيت فهاد الحالة ڭروش بدا كيتآكل ليها يقدر يكون شي دوا نافع فهاد الحالة بلا جراحة ولقيت كاينين شي حقن فحال مادة الزُّلال كيحقنو بيها واش معندهمش مضاعفات؟ طولت عليك ولكن الحالة ديالها ماثرة علينا كاملين فالدار كانت نشيطة و خالقا جو زوين دابا غير ليدارت شي مجهود وهبطات مع الدروج و طلعات خاصها تبقى نهار كامل فلفراش مساراحاها باش كتنصحينا ط§ظ„ظ„ظ‡ يجازيك كل خير والله يعطيك متمناي فبالك يارب.
la;g thgv;fm hggi dk[d;