السلام عليكم ورحمة الله وبركاته
معرفتش باش غدا نبدالكم هذا أول موضوع كنكتب مشكيلتي مرضتني نفسيا بزاف أنا مزوجة هذ 9 سنين والحمد لله عندي وليد من بعد ما ولدي كمل عامين قررت نحمل حملت من بعد شهر مين حبست لكنينة ولكن لحمل توقف فالأسبوع التاسع وجهضتو ومن بعد 4 شهور قررت نحمل ولكن وقعلي نفس الشئ وجهضت وبقيت على هذ الحال 4 سنين وأنا فالإجهاضات درت التحاليل طلع كلشي مزيان ومن بعد نصحوني نشرب أسبيجيك قبل من لحمل وبلي كيساعد على لحمل وجربتو والحمد الله حملت وستمر الحمل ديالي ولكن مين عملت التحاليل اللولين نتاع الدم قالولي الدكاترة لي البيبي عندو موشكيل إعاقة وباش نتأكدو ضروري نعملو تحليل لماء ديال لبيبي كنت مترددة فلخر قبلت المهم عملت التحاليل والنتائج الأولى كانت مزيانة من بعد مين وصلت لأسبوع 21 درت إكو الطبيبة قالتلي بلي كاين مشكيل فالقلب من بعد بيومين طرطقتلي السقية وماتت بنتي بعد معاناة فسبيطار شدوني تماك 15 ليوم المهم مين خرجو التحاليل اللخرينخرجو بلي كان عندها نصف قلب وكاين خلل فالكروموسومات . اليوم كان عندي موعد مع طبيب صدمني قالي غدي نعملولكم تحاليل وإلا هذ المشكل كاين فيك أو فراجلك لحل لواحيد أننا نشوفو إمرأة تبرعلك بلبويضة باش تحملي دك ساعة حسيت بحال شي حد سرفقني وحسيت بالإهانةو بلي أنا ماشي إمرأة وحتي إلا كان لمشكيل فراجلي فنفس شئ قتلو هذا ماشي حل بنسبة لي ومدخلوش فالحالة ديالي لأنو ديني محرم هذا الششئ والططامة الكبرى وهي الي خاصنا نعملو اتحاليل لولدك نشوفو واش عندو شي مشكيل والله أنا وصلت بيا وحاسة براسي غادي نفاجر بغيتكم تدعيو معايا البنات وبغيت نسول على واش كيديرو فالمغرب الفحص الوراثي قبل الغرز (التلقيح المجهري)
la;gjd lu hgY[ihq
لحد الان تلاتة المرات
و دابا كتدير التحاليل
شحال من مرة وقع ليك الاجهاض
واش سبق ليك درتي الفحص الوراتي نتي وراجلك
المشاركة الأصلية كتبت بواسطة فخورة بمغربيتي 
نا فإسبانيا أختي جهضت خمسة المرات درت التحاليل كاملين وما شكوش فالكروموسومات وهذا لحمل لخر ديالي لقاو أن بنتي عندها خلل فالكروموسومات وغادي ندير أنا وراجلي تحاليل على حساب الكرموسوم
المشاركة الأصلية كتبت بواسطة razanelife أمين أختي أه عملت التحاليل كلهم وكلشي كان مزيان وشكرا على دعوة ديالك
المشاركة الأصلية كتبت بواسطة **بسومة انس** اللهم أمين شكرا الله يرزقك ما تمنيتي
المشاركة الأصلية كتبت بواسطة صاحبة الظل أمين شكرا على الرد ديالك ودعيوة زوينة أنا محتاجة لدعوات ديالكم