السلام خواتاتي انا فايتة استشرت معاكم فشحال من حاجة و فدتوني بزاف و دابا تسدو علي البيبان و محتاجة للاراء ديالكم….انا العرس ديالي فالسيمانا التانية من شهر 9 انا اللي دايرة العرس و كلشي كان غادي مزيان الحمد لله نهار الاول د رمضان خو راجلي شدوه البوليس و اتهموه بالتجارة في المخدرات حيت لقاو عندو الدوا النفسي ديالو على ما قالو شادين معاه شي حساب المهم عياو ما يجريو و جابو شهادة طبية و كلشي و والو تحكم بعام و دارو استيناف و كان عندهوم امل كبييير و لكن للاسف تاكد الحكم الاول هادشي يا الله شي 4 ايام اوا ما نقولكومش يا خواتاتي حالتهوم حالة مو غادي تحماق مسكينة و هو الصغ20 عام ير و هادشي ما عمرو داز عندهوم و خواتاتو غي البكا و الدموع المهم كانهدرو معاهم في التلفون و كانصبروهم و كلشي و فكرنا نمشيو عندهم مور العيد نزوروهم حيت هوما من مدينة اخرى …دابا خطيبي كايقولي العرس مستحيل يكون في هاد الظروف بالاخص حيتت باقي قل من شهراين وانا ما عرفت ما ندير معربنا كلشي و موجدا كلشي و كاين حتى الناس اللي معلومين جلست مع والديا و تشاورنا قلنا نخليوهم يبردو و نشوفو معاهم و لكن فاش كنهدر مع خطيبي كايقولي مستحيل انا اللي شايف الحالة كيدايرة…قولولي شنو المعمول راني ما بقيتش كانعس تالفة خايفة نهدر معا مو و تجيها عيب و فنفس الوقت ما يمكنش ناجل زواجي عام و نضيع فالفلوس اللي دافعة للناس راكم عارفين العرابن ما كارجعوش…ككانتسنا الحلول من عندكم الله يجازيكم بخير
la;gm rfg hguvs>>>lh hgulg hguvslh
الله يدير لك تاويل الخير وﻻﻻتقنطي من رحمة الله ودعيه في كل وقت ومن هنا لشهر راه غادي يبردو غير انتي ماتحكري معاه دبا باش مايشد معاك لعكس
الله اوقف معاك ويوقف معاهم حالتكم كلها صعيبة الله افرج عليكم وتديرو عرسكم ويخرج لوسك من الحبس ومتجبديش الموضوع على عجوتك غير سيرو عندهم واسيهم وهضري مع زوجك وحلو مشاكلكم بجوج هضرو وديرو اقتراحات وقولي ليه بلي حاسة بيه وراه كنتالم ودعي مع لوسك وجبدي معاه اشنديرو لغربون لدفعت لناس وماشي تقولي ليه امتا نديرو لعرس هوا اكيد غادي اقوليك نستحيل لانه محروك من جهت خوه لانه باقي صغير
اوا اختي الموقف لي تحطيتي فيه ماااشي ساهل ولكن لوكان لوسك غادي يخرج من هنا تلات شهور و لا اربعة نقولو مافيها باس و الله يعوضك فالعرابن , ولكن تحكم عليه بعااااام و ميمكنش تاجلي كولشي مدة عام عاد تبداي من جديد المهم صبري واحد شهر و سيري نتى و باباك و ماماك عند عائلة الزوج تاعك و هضرو معاهم …… الزواج سبق السجن تاع خوه و اشنو ذنبكم نتوما, هدا رايي .
وا علا الله يا ختي يكونو تا هما كايفكرو بحالك راه شي مرات كتكون الموت كاع و الناس كيصبرو حتى كايدوزو ديك الساعة بخير…الله يصبرهوم و يحضرو عقلهوم يا ربي
المشاركة الأصلية كتبت بواسطة maymona 
الله اوقف معاك ويوقف معاهم حالتكم كلها صعيبة الله افرج عليكم وتديرو عرسكم ويخرج لوسك من الحبس ومتجبديش الموضوع على عجوتك غير سيرو عندهم واسيهم وهضري مع زوجك وحلو مشاكلكم بجوج هضرو وديرو اقتراحات وقولي ليه بلي حاسة بيه وراه كنتالم ودعي مع لوسك وجبدي معاه اشنديرو لغربون لدفعت لناس وماشي تقولي ليه امتا نديرو لعرس هوا اكيد غادي اقوليك نستحيل لانه محروك من جهت خوه لانه باقي صغير المشكل هو ان خطيبي مستحيل يقدر يجبد معاهم الموضوع داكشي علاش جاني من التالي و قالي ما كاين عرس و غادي نكون مضطرة نهضر مع حماتي نيشان ماشي دابا غادي نخليها حتى تبرد ان شاء الله
اييييه اختي تتكون الموت كااع و تيكملو العرس و الحزن فالقلب
أختي خلي حتى توصل النص فشهر 8 وعاد هضري مع حماتك يكونو بردو. وإﻻ ماتقبلوش العرس مازال الله يعوضك فدوك لفلوس ديري شي نهار بسيط وروحي لدارك ماكاين ﻻش تزيدي تعطلي عام آخر. والله يدير ليك لي فيه الخير ويفرحك ويسر امورك
الله يدير ليك تاويل لخير
صعيييييب ياختي الحال الله يفرجها عليك ويسر امورك والله يشوف من حالهم ويصبرهم