مشكلة فالمصروف

السلام عليكم أنيقاتي أنا عندي مشكل مع المصروف ما كنشيت منو الريال و تقول مبذرة من الدرجة الأولى

أنا كل شهر كناخد 2024 ذ من راجلي فيها ألما و الضوء و الماكلة و كيعطيني 500 درهم مصروف ديالي إلى بغيت شي حاجة

و ما كيجي فن يصل 20 ف شهر كانكون صافي كملت كلشي و ما بقى ليا الريال معرفاش كفاش نمشي هادشي و عد دابة طلعات معايا السخانة

حيت راني حاملة انشالله و ما جامعين والو عفاكم عاونوني

---

la;gm thglwv,t

حايدي فلوس ضوء هي الاولى وجيبي مذكرة وكتبي داك شي لخاصك في داروتقاديا ديال شهر ولي مهمة خليها ولي ماشي ضرورية حذفيها وجمعي لحساب
بحال هاكا غادي تعرفي شحال غتصرفي عاد عزلي فلوس الخضرة حيت مغتخديهاش ديال شهر

حبيبته هدا مصروف كافي خصك غير تنظيم

أختي اليك بعض التطبيقات التي كنت أطبقها :1- لاتخرجي كثيرا.2-قمي بشراء ما يخص البيت لمدة أسبوع غير الضروريات .3:أنت وشطارتك في الدار عرفي سيري مصروفك مرة كاين ومرة ماكاين أو نقدي داكشي لي عندي في الدار .4:لالالا تغريك كل ما نظرت عينيك لأشياء أعجبتك غمضي ودوزي .والله يخطاك الدرهم لاتساوي أي شيء وأنت مقبلة على الولادة ان شاء الله فهدا يتطلب مصاريف فعليك ان تجمعي الفلوس لهذه المناسبة ماشي غير لها للزمان والغبرات الله ينجيكم منها.والسلام.

حاجة وحدة لنصحك بيها انا وليت قنطبقها قبل متخرجي لسوق غتشوفي الاشياء الضروريةوتقدري التمن ديالها
خودي معاك غير داك القدر تقدري تزيدي عليه القليل ديال المصروف
لحقاش الا خديتي لفلوس بزيادة عدي عليهم مشااااااااو
ونصيحة التانية نقصي واخا غير ميتين درهم فالشهر ونساي بحال الا مكيناش ولا خبعيها عند شي حد بعيد باش متوصليهاش
والله يفكك على خير

انا دخلت نشووووف باش انصحوك البنات انا كيعطيني الف درهم اليوم شديتها مشات منها ستة الاف ريااااال فين مشاااات منعرف بالحق مشيت سوووق شريت الخضرة و الديسير ديال جوج سيمانات و الله الى بحال الا كندوزو امتحااااااان الله يدوز سربيسنا على خير

هههههههههههههههههه

السلام عليكم ختي أنا راجلي كيعطيني 35ألف ريال كنحيد منها مرة 12مرة 13ألف كنساها وكنقضي بالباقي بالحق مافيها لا ما لا ضو حنا بربعة بيناأنا وياه وليداتنا جوج

الشراء العشوائي هو اكبر مبدر للفلوس اخواتي اشترو كل ما هو ضروري اللي عندو وما ابغاش يقتصد ماشي مشكل واللي معندوش يحاول يخبي شوي احسن ما يوقف على اكحل الراس مثلا طيبي الجلبانة يابسة يعني بيصارة وطيبي كمية كبيرة تقدري ديري كيلو فمرة وقسميها في طاسات وديريها في الفريكو مني تبغي تاكليها زيدي معاها شليظة وشوي الحوت وها انتي اقتصدتي على البوطة يعني الغاز وربحتي الوقت وكل مرة اش ضيفي مع هاد البيصارة ودائما حاولي طبخي كمية ضوبل مثلا غادية طيبي رابعة اللحم طيبي نصف كيلو وديري خضرة جزء كليه وجزء خبيه فالفريكو حتى لشي نهار ما يبقى مصروف وجبديه وها انتي ربحتي غداء والوقت من فوق اما على الديسير حاولي تاكلي حاجة في الوقت مثلا الى كليتي الليمون ما تاكليش تفاح وحاولي تفاداي شراء الملاوي البغرير الحرشة من الزنقة غاليين ديريهوم في البيت وكلي منهم عدة مرات اما عن الحلوى حاولي ديريها في البيت ما تشريهاش مثلا الفقاص سبعين درهم للكيلو تعرفي سبعين درهم الى درتيه في البيت تعطيك اربعة كيلو وزوين وحاولي تعجني خبز الدار اقتصادية وزوينة ونوعي مرة طيبيها في الفران مرة في المقلة الثقيلة والى فطرتي بقهوة وحليب في الكوطي ديري غير اتاي والعكس صحيح والى حطيتي الزيت ما تحطيش الفرماج او الزبدة غير الزيت كافية والعكس ايضا وايضا العشاء حاولي ديري عشاء خفيف الصوبة الحريرة ارز بالحليب وهكدا اختي انا شفت واحد السيدة دايرة هاد الطريقة وكتاكل من كلشي وما حارمة راسها من والو وموفرة انا كنقول حتى نستقر في داري وندير مثلها انشاء الله عجباتني طريقتها اختي كيعطيك اربعين الف ريال ويزيدك خمسمائة وغير زوج بيكوم وما كتوفريش راه بزاف اه نسيت حاولي ما تكسيش راسك كل شهر اشتري غير اللي محتاجاه مثلا حاجتك بلبسة شريها او صباط راه اشحال من مرة كنشريو وما كنلبسوش

راااه داكشي نيت لي كندير و لكن غي تنخرج كيبدى كيبان ليا كلشي مزوق هههه و كنبدا كنشري